Rilo boh sang yam tapa kan kathaot meng bruk padang ngak palei pala bahrau

Dahlau meng thun 2004, ong Lê Hữu Thiện song mik va urang nong di xã Bình Lợi, huyện Bình Chánh, ban raya .HCM dok gleih glar song phun tabau pala angaok bhum taneh njom likhun thu lagu. Dalam tuk vak tabau laik yaom, ong duah phun karei pala salih song khang hatai tuk ba phun  mai katam mai pala.  Gam bac, gam ngak, mboh phun  mai tamuh hu, ong khang hatai mesraiy 2 tỷ đồng meng kadung jien daong di huyện, piah buh tame peih prong bein mai. Tapa yaok thun,  bein mai di  ong Thiện meng dom ha tagok  17 ha, ba jien tame yaok  tỷ đồng yaok thun. Daok tuk tết, kaoh abih phun jien buh tame ngak, ong Thiện hu laba meng  200 tal 300 triệu đồng.

Ngak mbang hu ginup meda, ong Thiện song palei padang tabiak song ngak Yam  ndoc  HTX Hoa mai vàng Bình Lợi piah dong ka urang nong dalam xã. Urak ni, HTX di  ong Thiện hu 65 ha mai katam song  xã Bình Lợi jeng pasak  pala phun mai katam prong abih di ban raya  .HCM ngan song taneh jiak 500 ha:

Hu biak rilo rahra pak ni khang hatai salih dom phun pala takik kein laba tapa pala phun mai katam. Tal urak ni, rahra ngak mbang hu meng phun  mai. Dom thun meng bloh, tuk halei jeng hu laba glong). 

Oh lac hu phun mai saoh, xã Bình Lợi dok hu angan haong palei rong ikan cảnh song dom bein praong pala bingu lan. Dalam nan, rong ikan  Koi cảnh harat  Việt lac sa bruk dok ba mai kein laba "prong" ka bhap bini pak ni. Dom  trang trai rong ikan  Koi di  Bình Lợi duah hu jien tỷ yaok thun, ikan hu pablei tapa  Japon  song dom taneh ia Đông Nam Á.

Ngak nong tui jalan công nghệ glong patagok, gam song jalan mbak nao mai hu buh jien tame ngak, hu dong jhul kinh tế dịch vụ di  huyện Bình Chánh patagok. Huyện tabiak truh bruk kinh tế harat ngak nong piah hu rilo bruk ngak, paglong jien mek tame ka bhap bini. Ong Nguyễn Minh Hoàng, Akaok  UBND xã Bình Lợi, huyện Bình Chánh, ban raya .HCM brei thau:

Tui tanut palei pala bahrau  di tanut bahrau  ye xã  jeng hu panuac caong pasang iek buh jien tabiak ngak jalan mbak habar ka nyu lagaih song hatai cong. Tui jalan  đô thị hóa puk palei, langiu di bruk patagok kinh tế palei pala, brei jhul pakhang bruk  du lịch sinh thái, du lịch sang bein.

Thun  2015, Bình Chánh ngak hu 18 dalam 19 tiêu chí padang ngak palei pala bahrau, min mbiah tal puac thun  2020 meng ngak hu tiêu chí ka môi trường dok veik di  2 xã Vĩnh Lộc A song  Vĩnh Lộc B. Bình Chánh jeng  huyện puac di abih di  ban raya HCM ngak hu bruk padang ngak palei pala bahrau.

Jien mek tame kuhria tui akaok menuac di  huyện thun  2020 hu jiak  70 triệu đồng, glong jang 4 mbang dut song thun  2010. Dalam huyện oh dok  sang kathaot hu jien mek tame meng 21 triệu đồng sa urang sa thun, tok dok  534 boh sang duah hu mala  28 triệu đồng sa urang sa thun .Ong Phạm Văn Lũy, Quyền, akaok  UBND huyện Bình Chánh, ban raya .HCM brei thau:

Dom bhum palei hu buh jien tame ngak meng bloh, brei ngak habar khik hu dom bruk ni . Taphia di nan, ngak habar ieu pataom hu phun jien, pren khang dalam bhap bini  song  doanh nghiệp piah padang ngak dom danak dak karei karei, buh jien tabiak ngak jalan mbak nao mai, sang dok  xã hội , piah ngak habar paglong hu rai duik di bhap bini. Nan lac jalan ngak ka  bruk padang ngak song patagok khang kajap di Bình Chánh dalam tuk vak anak tal.).

Padang ngak palei pala bahrau di  huyện Bình Chánh song di ban raya .HCM jeng hu bruk karei di nyu. Ngan song huyện Bình Chánh, bruk ngak salah bloh palei pala bahrau hu makna biak prong, oh lac paglong rai duik di bhap bini, bo dok lac piah pasang iek veik bruk salih jalan ngak kinh tế, ramik veik gah ngak nong tui jalan ngak nong  đô thị, pambuak haong patagok đô thị, hạ tầng...praong siam, kein lagaih jang./.

Urang lang: Hanipha- 12/4