Dự thảo Sarak salih ka Sarak 54 hu 12 Paka, dalam nan 7 Paka (meng Paka 4 tal Paka 10) tacei tabiak 44 jalan ngak, sarak jaik ginup abih di 7 gah karei di gauk. Dalam asal kadha di dự thảo, ban Thủ Đức hu ndem karei, jeng sa paka ngan haong hatai caong meda daong ka Ban ini cak rok patagok tui njauk hatai caong maong.

Akaok UBND ban Thủ Đức ong Hoàng Tùng brei thau lac, ban Thủ Đức biak caong maong Sarak bahrau salih ka Sarak 54 meda hu Quốc hội samar drah brei tapa. Kayua meng di tuk padang tagok tal urak ini, dom bruk daok kadaong veik, dom cuang kandah ngak ka ban Thủ Đức oh tagok hu abih dom kein lagaih, prein khang di pak ini. Kayua yau nan ye, Sarak bahrau meda ba mai kein lagaih, abih di nyu nan lac jalan ngak di sarak ka bruk tacei jalan. Ong Tùng brei thau lac, anak tal TP.HCM jeng hu patagok urang jakar lagaih piah daong ka Thủ Đức ngak salah bruk ba tabiak: “Đảng bộ, kanja ban Thủ Đức urak ini biak chreih chrai cang raok Sarak bahrau ini, kayua ini lac jalan lagaih piah daong bruk duh rahra saong doanh nghiep hu siam jang. Abih di nyu nan lac, ini bruk hu makna praong piah daong cak rok patagok ban Thủ Đức samar drah jang, pabak hu hatai caong tuk kol drei padang tabiak ban Thủ Đức”.

Maong iek gilac veik jalan peih ngak Sarak 54, langiu di dom makna yau ye bruk jit ruak, bruk chính trị, meriak gauk, kinh te dunya sarau kadau.. ye dom chuyen gia jeng hu tacei tabiak bruk Sarak ka oh mek hu dom jak jeng yau hatai caong khin, dalam nan hu makna oh sit lac kayua urang jakar.

Bruk hu manieng urang jakar di TP.HCM daok huac bruk, ka oh patagok hu hatai khin saneng, khin ngak, daok dang kandang dalam bruk ngak, ngak ka rilo bruk ka oh hu peih ngak.

Ini lac kadha njauk bac magru dalam Sarak bahrau. Kayua yaom lac Sarak bahrau hu rilo asal kadha patagok jang min piah peih ngak hu siam lagaih ye biak caong hu bruk sa tangin haong gauk tame bruk ngak di dom mintri, dom gah Trung ương; bruk caga dahlau di dom sở, mban, ngành saong quận, huyện, abih di nyu nan lac bruk sami samar, sahneng duah jalan ngak bahrau, khin saneng khin ngak di kapul urang jakar. Ong Nguyễn Tấn Phát, Yam ndok Học viện urang jakar TP.HCM ndom lac: “Abih di nyu nan lac njauk patagok bruk sami samar, sahneng duah bahrau di Đảng bộ, kanja Ban; bruk sami samar, sahneng duah bharau, khin sahaneng, khin ngak, oh huac trách nhiệm di kapul urang jakar, urang đảng, công chức, viên chức di Ban raya”.

Akaok UBND TP.HCM Phan Văn Mãi jeng mboh lac, urak ini hu dom urang jakar, công chức, viên chức di ban hu hatai sahneng huac bruk ngak, huac trách nhiệm. Tukvak tapa, TP.HCM  hu jalan ngak tư tưởng jang yau hu gam jalan ngak hành chính. Ban raya pasang iek veik bruk jao brei bruk saong hu pasang iek bruk ngak di dom urang jakar. Urak ini, oh njauk lac urang jakar halei jeng hu mbang tui jien bilan “tăng thêm”, bo iek tui tanut ngak salah bruk ngak.

Dom sở, ngành jeng daok pataom prein tame padang kapul urang jakar, ngak habar piah peih ngak chip dom asal kadha di Sarak salih bahrau meng di tuk hu Quốc hội brei tapa. Ong Phan Văn Mãi ndom lac, tal tukvak urak ini, ban rava hu caga bloh bruk ini saong caong hu bruk pachreih tui di rahra dalam ban raya: “Dahlak jia lac oh njauk lac urang jakar công chức viên chức Ban raya bo rahra ban raya jeng hu bruk tự trọng di drei. Anak dom kan kandah, tavak tavaiy, anak dom bruk ngak praong meda hu bruk kham marat piah peih ngak saong dalam kan kandah meda kham marat piah yam tapa piah ba ban raya cak rok patagok. Dahlak sahaneng lac rilo urang jakar công chức, viên chức saong rahra Ban raya jeng daok dalam hatai sahneng, caga yau nan”

Urak ini UBND Ban raya daok padang jalan peih ngak piah caga ngak iek dom jalan ngak, sarak karei piah cak rok patagok TP.HCM ngan haong 40 asal kadha, bruk ngak piah pok tagok pakat hu thẩm quyền brei tapa, peih ngak dalam quý IV thun 2023. TP.HCM meda pandar rilo abih dom tukvak piah peih ngak hu siam lagaih di abih Sarak salih bahrau ini tui jalan ngak lac “TP.HCM kayua taneh ia, taneh ia kayua TP.HCM”./.