Ngak bruk haong Mban Ilamo xa hoi, HĐND TPHCM, So Pato megru TPHCM caong khin brei ramik pasiam dom asar ladha di Sarak 27 ka bruk patagok gah pato megru mam non di dom labik hu KCN. Tui nan, khik tamo  tanut daong 30% ngan haong dom kapol uranaih lac anek urang nbak kong di KCN. Tapa nan, piah khik brei uranaih hu lagaih siam haong bruk di TPHCM. Ong Cao Thanh Bình, Akok mban Ilamo xa hoi, HĐND TP.HCM mboh lac,  urang ngak kong daok di rilo labik mai Ban raya diukrai saong ngak bruk, rik daong  ka bruk cakrok patagok di Ban raya. Yau nan dom sarak daong uranaih anek kamuan di urang ngak kong hu karja Ban raya iek praong.

Gah Y te tinh Lam Dong  daok peih ngak Bruk dinh duong 1.000 harei tuk birau ndik tapui tabiak di dom xa bhum III, bhum II piah pacang caga bruk lavang lavaih urang amaik, uranaih, paglong tagok di rup saih manuac sia dalam tỉnh. Rup pabhap di anek manuac mbuan gaok kan kandah abih lac 1.000 harei ndik tapui tabiak, dahlau tuk nao bac saong tuk jaik jeng dam jeng dara. Dom urang ilamo gah y te kakei brei pabak dom asar vi chat njauk hu kayua bruk glong di urang lac meng amaik ame, melaih 23% min pandap mbang menyum  hu tal 32% dalam tuk praong tagok di uranaih.

Sang iek ruak Uranaih Dong Nai birau hu urang metai akaok meti dalam thun ini kayua ruak sởi. Tui nan, uranaih ini angan H.T.H (umo 8 thun, daok di Ban Biên Hòa) mboh pandiak glong gam patuk, bahar, tamuh baoh bauk rup. Harei 15/11, baoh sang ba kamuan tame Sang iek ruak  Uranaih Dong Nai saong dut mboh ruak sởi, ba tal ruak phoi, ba tame jru ruak, yau nan min urang dalam sang likau ba anek nao sang. Mbiah tal pege harei 18/11, baoh sang mboh rup saih H jhuk brau, iew oh mboh su-uh yau nan ye ba tame sang iek ruak Uranaih Dong Nai, min kamuan abih umo ye.

Tuk ini, urang ngak nong tỉnh Hau Giang daok jan val ramik hacih nerang hamu, caga ngak taneh  drak pajaih padai bilan Dong xuan 2024 - 2025. Dom harei tapa, langik takik hajan, rilo pandiak yau nan ye mikva di dom mblang hamu hu ar binek ia pacang vin taom dar sami samar tam drak ka sumu tukvak tacei ba di gah ngak nong tỉnh. Urak ini, urang ngak nong dalam tỉnh  trun pajaih  hu labaih 3.600 ha.

Ndem  tal labaih 145 ribau phein bingu cuc mam xoi oh tabiak bingu di Tet nguyen dan ba tal po bein buac klak di xa Long Thới, huyen Chợ Lách, So Ngak nong saong Patagok palei pala tinh Ben Tre hu mai kuhria iek. Tapa pasang iek, jabat chuc nang mboh lac, cúc mâm xôi suai tabiak binguk kayua pajaih oh siam. Tui nan So Ngak nong saong Patagok palei pala Ben Tre, ngan haong dom baoh sang khut khat bingu metai thun ini, meda hu dom sarak daong phun jien, phun pajaih, dom jalan pala iek, pajaih, khik pajaih…piah mikva pala hu salamat. Yaok thun  Ben Tre  ngak tabiak meng 3 tal 4 trieu phein bingu cuc mam xoi, kayua tuk vak pala dui atah meyah asar pajaih oh siam ba tal khat lahik biak ralo ka bhap bini.

Urang ngak praong Triều Tiên Kim Jong Un birau ndem puac ka bruk pambuak gah an ninh klau gah di Nhật Bản, Mỹ saong Hàn Quốc, iew ini lac “ ngak jhak tal bruk salamat saong tani tanat di bhum”. Ong Kim Jong Un sa mbang tra brei mboh veik bruk kham ngak brei pakhang hat nhan di Triều Tiên. Urang jakar khik iek mboh lac, panuac nan  ndem tal dom bruk kham merat patagok vũ khí hạt  nhân urak ini di Triều Tiên yau maong pambak tal Mỹ. 

Di var peih pakak Nyaom biai pakat glong Nyaom Dom taneh ia patagok saong birau cakrok di dunya (iew lac G20) di Brazil, Tong thong Brazil khan brei thau Lien minh dunya pacang iek lapa, tui iew dom taneh ia ba tabiak dom bruk chinh tri khang kadang dalam bruk pacang iek lapa. Lien minh dunya  pacang iek lapa hu mbaoh tangin tame di 81 taneh pachreih tui, hu 18 dalam 19 taneh ia di G20. Argentina lac taneh ia dalam G20 mboh mbaoh tangin ka bruk ba tabiak nan.

Yaom kaom mbang cai tagok saong yaom pah sang tagok glong bhap bini Austraila dang anak bruk kurang sang daok. Urak ini, taneh ia  hu labaih 2,7 trieu urang tal 3 trieu 200 ribau urang kurang sang daok. Tui yaok kuhria, urak ini Australia daok kurang 640 ribau baoh sang daok xa hoi. Bruk khin hu sang daok  biak ralo tuk urang ngak saong saih megru negar langiu di dunya  mai taneh ia ini dalam 3 thun tapa. Yau nan min, sang birau padang ngak oh pabak hu bruk caong khin hu sang daok./.