Di gah pablei tabiak pandap panda ngak nong brei tabiak negar langiu, ong Võ Xuân Hòa, Phaok Yam ndok Kong ti TNHH Huy Long An, brei thau: yaom lac dahlau di nan hu darak pasar tani tanat dalam dom negar yau: Japon, Han Quoc, Trung Quoc… min di dom tukvak, kayua darak pasar daok gaok gak gal kan kandah kayua jit ruak Covid-19, bruk pablei hu di dom urang ngak mbang blei salih hu mboh trun, pandap panda patei jeng daok dalam bruk trun yau nan.

4 thun tapa, urang ngak mbang blei salih brei khik tani tanat pandap panda hu siam piah cang tukvak masa kein lagaih. Urak ini urang ngak mbang blei salih di ini brei khik tani tanat labaih 700 ha patei saong piah pablei ganap labaih 20.000 tấn patei yaok thun ka darak pasar nan. Tal mbang jhul samar bruk pablei salih bilan 11 ini, urang ngak mbang blei salih ini hu dom harak pambuak bruk bahrau, atau dom harak pahadar, pagun sanya ba tame jalan blei tame. Ong Võ Xuân Hòa brei thau:

“Oh ka hu urang ngak mbang blei salih halei blei bih pandap pandap dalam mbang akaok meti. Hadei di tuk mai rivang labik blaoh rilo mbang ndom mayai biai ginum tapa email, taong phone, urang ngak mbang blei salih meng gilac mai kakei blei. Meng dom bruk jhul samar bruk pablei salih mbang ini, kol dahlak hu dom urang ngak mbang blei salih tuai di Malaysia, Singapore, gah Aeon di Japon dalam Hong Kong… Tal thun ini, dom jak jeng di bruk jhul samar hu taduan mboh siam lagaih.”

Dalam tukvak masa tapa, hu dom janih kadha ngak ka jien pajeng ba tagok, mboh trak damak meng bruk pacang khik, bruk mbuan lahik yaom saong bruk bayar jien dalam dunya. Mboh bruk ini ngak kan kandah praong tal pandap panda pablei tabiak negar langiu, sa hop tac xa di Long An khang hatai peih labik ngak mbang di Trung Đông, mbaoh tangin tapak tame harak pambuak bruk pablei baoh kruac aik ka rilo negar gah Trung Đông. Bruk ini peih tabiak takai yam tani tanat, ba mai yaom glaong ka baoh kruac aik. Ong Trần Duy Thuận – Yam ndok HTX Bến Lức, Long An ndom lac, piah ngak hu dom bruk ini, mon danui pablei brei ngak tani tanat meng mbang akaok meti.

“Long An dak harei dak cakrok tagok jang. Kayua lac ngak hu dom pandap ndah hacih sa-at piah pablei mek yaom glaong. Di langiu blei tok 5.000đ/kg min hop tac xa daok blei haong yaom 15.000đ/kg. Ye mikva mboh biak cambaic laic, tuk hu mbaok tame chuỗi pambuak haong HTX piah ngak ye bruk jalan pambuak hu khang jang. Kol drei ba gauk ngak, hu gah piah ndom biai haong urang ngak mbang blei salih jeng yau gah jabat pambuak bruk haong negar langiu… Cambaic laic mboh lac yaom kaom, bruk pablei tabiak negar langiu di mikva siam jang.”

Urak ini di Long An hu 2 pasak logistics hu peih ngak ba tame bruk, hu gilang padang pandap panda, gilang padang caik pandap panda ngak harak hukum cang pablei tabiak negar langiu, mblang kataok radaih… ngak njauk hu hatai caong ba tabiak saong pablei pandap panda dalam taneh ia saong pablei tabiak blei tame. Di Tapen tasik Dunya Long An, langiu di gah tatua di pabah tapen tasik, pasak logisticsbahrau ba tame peih ngak daok ngak hu rami ramik, khik caik dalam gilang, khik ramik, neh rabha, papaok pandap panda… Gam haong di nan daong hu bruk ngak salah blaoh bruk pablei tabiak blei tame, dom harak gar, dom bruk pasiam baoh gilai haok, pabak menyek karak…Amuk Ngô Thị Thanh Vy, Phaok Taong Yam ndok Kong ti Co phan pasang iek saong taong mek Tapen tasik Dunya Long An brei thau:  

“Tukvak blaoh tapa kol dahlak hulin hu duh dom tuai damuai di dom tỉnh yau ye: Tây Ninh, Bình Dương, ban TP.HCM. Mbang akaok meti nan lac sa dalam dom asal kadha kol dahlak maong biak hu angan saong bruk hu yaom glaong lac di Tapen tasik Long An hu ganap srap gap haong dom kein lagaih ka bruk ngak abih di logistics haong jien hu lagaih ka gah urang ngak mbang blei salih pablei tabiak langiu nagar.”

 Urang pan akaok tinh Long An pagun sanya brei pasiam saong lagaih jang dom dom kein lagaih piah gah urang ngak mbang blei salih dalam saong langiu taneh ia jhul samar bruk pablei salih, peih praong bruk pambuak gauk, patagok bruk ngak mbang pablei salih dalam bhum palei.