Boh kadaoh hu urang bangsa Ba Na pandar dalam rai duik yaok harei 

Sa-ai Rơ Châm Hyi, palei Kép 1, xã Ia Mơ Nông, huyện Chư Păh, tỉnh Gia Lai brei thau: “Drei megru ngak baoh kadaoh thu piah pandar meng saman ong muk, amaik ame di drei. Urang kumei dalam palei thei jeng thau ngak baoh kadaoh thu. Sa baoh kadaoh thu hu ngak hacih hatai, ngak sambo màu ka kanduh baoh kadaoh thu saong taong ka nyu jangaih. Drei ruah dom baoh kadaoh thu hu thaik thaok gheih, mekre, hadei di nan ba tabiak cambu pandiak meng 1 tal 2 adit. Cambu pandiak blaoh, drei ca-ua cambuai baoh kadaoh blaoh ba nao tram ia atau tram gluh dalam 1 tal 2 bilan, piah ka ralow baoh kadaoh hu tapaok tabiak. Tuk salah bruk tram, baoh kadaoh hu ba tagok rao hacih tai gah dalam saong ngak ka nyu abih mbau. Hadei di nan, baoh kadaoh thu hu ngak brei kanyik katam jangaih meng cambu pandiak, daok sambo màu jhuk ye hu mek hala glai piah luk, piah nhuộm.  

Dom baoh kadaoh thu jeng pandap piah pandar yaok harei. Urang kumei  Gia Rai pandar dom baoh kadaoh thu nao mek ia mai pandar yaok harei. Kanduh baoh kadaoh thu jeng hu pandar piah caik alak taduan raok tuai mai sang me-in atau pandar dalam dom harei ngak rija, ngak adat di palei. Tui panuac khan di rilo urang taha, rup binguk baoh kadaoh thu lac biak anit ranam, nyu kak kajap haong puk palei meng kan mai mbiah tal harei ini. Mai tal sang halei jeng mboh di sang ging dom baoh kadaoh hồ lô hu tuan bak.

Dalam dom janih alat ragam bangsa hu ngak meng dom pandap hu meng langik tasik, jaik haong raidiuk anek menuac Tây Nguyên, dom nghệ nhân gheih tangin ngak dom baoh kadaoh thu pambuak haong alat ragam karei, piah jeng dom sap yava biak gheih, biak bingi pang. Meteh praong di kanduh baoh kadaoh thu hu pagam tame gah ala ngak pa-op ka mbaik capi goong di urang Gia Rai (urang Ba Na ieu lac capi ting ning) ; atau meteh baoh kadaoh thu pagam tagok gah angaok abih di mbaik capi piah ngak ka sap nyu praong jang.  Lac urang gheih ngak saong me-in hu rilo janih alat ragam karei di gauk, sa-ai R’Com Suk (bangsa Ba Na, daok di ban sit Đak Đoa, huyện Đak Đoa) brei thau: capi tinh ning hu ngak meng nding kreim la-a. Jhung nding di mangaok rup capi hu pagam meteh baoh kadaoh gul saong kapan. 

Urak ini, yaom lac raidiuk dalam dom puk palei hu rilo salih karei, min rup binguk baoh kadaoh, gam haong yaom glaong ilamu di nyu, jeng daok tamo piah ka nyu tuk halei jeng biak jaik, kak kajap haong raidiuk di urang Gia Rai, Ba Na mangaok bhum taneh Cao nguyên bak pandiak haong ngin.../.

Urang lang: Hanipha- 20/8