Boh sang VN hu iek prong iek glong

Bahrau ini, angaok dom diễn đàn mạng xã hội hu ndom ka bruk sa urang kamei ndik radaih patuh nao tapa sa khu phố njauk dom anek naih parah patau tame radaih. Urang kamei nan padeih radaih trun ndom biai saong sahneng lac taduan mek hu panuac likau ma-ah meng dom adei sit nan. Min hu dom ong amuk prong thun ndom lac dom kamuan “daok sit oh thau hagait” saong “oh cang likau ma-ah”, “radaih nao tapa njauk caik hatai”… Bruk ini hu urang kamei nan ba tagok mạng xã hội, saong hu menuac sia ndom lac bruk ndom puac di ong amuk nan lac oh laghaih. Tapa nan nyu meda pambak bruk kanjah jhak tal jalan diuk rai di dom kamuan sit dalam harei hadei …

Ong muk drei hu panuac lac “Mbeik phun meng tuk daok meda” atau “Pato anek meng tuk daok ranaih” ngan haong asal kadha lac ong amuk, amaik ame njauk mbeik uak, pato pakai anek tacaow jalan diuk rai tuk daok sit kayua dom bruk ini nyu biak hu yaom, nyu ngak jeng nhân cách dom anek naih harei hadei. Rilo chuyên gia, urang roh duah jeng ndom lac: Baoh sang lac labik akaok mereip saong pambak khang tal bruk praong tagok, tal jalan saneng saong jalan ngak di yaok anek menuac. Anek manuac hu menek tabiak saong prong tagok meng baoh sang, hu raong ba, iek glang saong prong abih lac hu bac dom kadha bac akaok mereip ka xã hội meng rai diuk dalam baoh sang. Piah patagok bruk di baoh sang dalam pato pakai uranaih, amaik ame njauk lac kareih camin ka jalan diuk rai piah ka anek bhik bac megru saong ngak tui. Baoh sang njauk lac labik siam, laghaih ka bruk cakrok patagok di anek bhik.

Tui rilo chuyên gia, jalan pato pakai dalam yaok baoh sang urak ini hu rilo salih bahrau dut haong dahlau diah. Oh daok lac pato anek njauk pang tui panuac urang prong meng lac uranaih siam gheih, harei ini rilo baoh sang pataow anek  dom ilamu meng sit yau: tự lập, ilamu ndom biai nao mai; pato anek hatai anit ranam, daong ka urang karei, khik iek jien padai; ilamu pacang khik rup pabhap… Amaik ame njauk ba mbuan laghaih ka uranaih eng nyu sahneng, ngak, rik panuac tame bruk hit di baoh sang, gaok tuk mai brei ka anek eng nyu ngak dom bruk laghaih haong umo di nyu ala bruk tacei pato di ameik ame. Tok hu ba drei tame ngak, dom adei meng thau hu bruk njauk ngak, hu trách nhiệm haong panuac ndom, bruk ngak di drei…

Meng lavik mai, rilo urang jeng daok saneng lac ngak amaik ame lac bruk thei jeng brei ngak saong ngak hu mbuan bo oh caong tapa sang bac halei. Anak meta brei mboh lac meyah khin anit ranam, pato pakai, iek glang anek njauk jalan, dom amaik ame jeng brei bac megru. Tui Vụ gia đình (Mentri ilamo padhih saong rivang ma-in), rilo amaik ame  jeng kurang thau saong bruk daong brei samar drah piah langyah dom kadha pambuak tal bruk cak rok patagok taong abih gah di uranaih. Kadha ini ba tal dom bruk biak njauk huac jeng daok hu mboh nan lac: amaik ame jeng oh ka caik tukvak ginup ka anek drei (labaih 1/3 uranaih meng 2 - 4 thun oh hu amaik ame caik ginup tukvak daong ka uranaih cak rok patagok meng tukvak biak avar). Dom ranaih hu taom gaok, ndom biai nao mai haong ame takik jang dut haong amaik. 70% uranaih jeng daok njauk bruk taong, paoh, puac preo, rilo uranaih umo ala 5 thun takik hu ginup pandap ma-in saong tài liệu bac da-a cak rok patagok meng tukvak avar.

Amuk Trần Tuyết Ánh, urang dang akaok Vụ Gia đình (Mentri ilamo, padhih saong rivang ma-in) khan lac: Nyaom roya XIII di Đảng brei thau cambaih “Dak padang baoh sang Việt Nam trei sil, haniem phol, văn minh; dak padang  hệ giá trị negar, hệ giá trị ilamo saong chuẩn mực anek manuac pambuak pagam haong khik ramik saong patagok hệ giá trị baoh sang Việt Nam dalam jaman bahrau”. Hệ giá trị baoh sang Việt Nam cak rok patagok khang kajap  nan lac jalan piah dak padang hệ giá trị negar văn minh saong meda asal ilamo. Dak padang baoh sang Việt Nam biak biai lac tổ ấm haniem phol di yaok urang. Nan jeng lac labik piah peih ngak hu caong khin cak rok patagok taneh aia khang kadang saong hu rilo ilamo bangsa…/.

Urang lang: Jasi - 28/6