Dalau diah, urang di xã Bạch Đằng diuk sa janih ngak padai, pala baoh kruac bhung tui jalan ngak lac rup thei thei ngak, ngak tui prein yawa taeng di drei. Hadei hu Danak dak plei jak krah peih tabiak, ralo jalan caga brei ka ilamu barau kỹ thuật, công nghệ jak krah ba tame ngak mbang pala drak brei salih akaok saneng kuria di rah ra bhap bini nao tui jalan dah krah. Mai meng nan, bhap bini rahra thau dak jalan pandar ia otomatik, pala drak njauk tui tanut ilamu barau pacang caga halak haling. Hu yau nan baoh karoh mboh siam makre, daong brei mek hu kein raba jien ndo ba tame ka rahra.

Ông Dương Văn Minh, po bein baoh kruac bhung praong 2.300m2 di Bạch Đằng khan lac, dalau diah kayua oh thau pandar ilamu khoa học kỹ thuật yau nan ye baoh kruac bhung ralo ruak kik. Urak ini salih tapa pala tui jalan hữu cơ, baoh kruac bum bingi pahe. Angan "Bưởi Bạch Đằng" baoh kruac bhung hu ralo urang thau jeng ye urang blei oh kateik yaom kom hu: "Mayah kuria taeng baoh kruac bhung oh hadom, min tapi kuria abih dom janih baoh kruac bhung ngak tabiak jeng ralo janih ndap nda mboh mon di nyu brei ka phun baoh kruac bhung yaom kaom barau haong yaom pablei di nyu mboh tagok."

Yaom lac dang di pulau hu dua dhan kraong Đồng Nai kua dan haong langik tasik saat lagaih, Bạch Đằng urak ini daok dui urang jirah mai main sinh thái. Piah urang jirah mai main njauk hatai, bhum palei mada pok ngak pasiam jalan mbak, pabak gom 100% haong dak wifi oh mek jien di ralo labik. Urak ini jien mek tame brei ka yaok urang hu tagok glaong, baoh sang urang kathaot trun khang. Bhap bini rahra taduon hu ralo kein raba brei ka gah y tế, bac magru, ilamu dak harei dak tagok glaong.

Langiu di dom janih ngak hu ngak siam, jeng hu dom janih daok kurang njauk caik hatai ngak brei ka Bạch Đằng ganap njauk angan "palei jak krah - làng thông minh". Yau ye, akaok saneng di rah ra bhap bini di palei oh ka glaong; gah viễn thông palei oh ka ganap; jeng daok hu dom janih sarah karja di palei oh ka cambac bih... Muk Nguyễn Thị Bích Ngọc, Phó akaok UBND xã Bạch Đằng brei thau lac, piah palei ngak njauk tui jalan di danak dak ye brei daong jien ndo brei pagam kamera di jalan, dak wifi oh mek jien daong ka urang ngak hamu.

“Palei caong padang palei jak krah piah patagok ekonomi bhap bini rahra. Brei ka jien ndo khin caong UBND Ban piah hu jalan saneng kuria ieik glang, brei hu jien ka Bạch Đằng di masa meng anak. UBND xã pagam pambuak haong mặt trận, dom dom kapul nyaom piah jak ba bhap bini rah ra padang palei jak krah”.

Dang di caong khin di palei, ông Đoàn Hồng Tươi, akaok UBND Ban Tân Uyên brei thau lac, xã Bạch Đằng yau ye "hala suot hijau - lá phổi xanh" di ban Tan Uyen, kayua yau nan ye oh patagok gah ngak kong bo pataom prein ngak nông. Piah ka urang bhap bini hu kein raba, Ban Tan Uyen caik hatai buh tame ka palei, gam di nan padang catua Bạch Đằng 2 pambuak haong Đồng Nai, palagaih ka jalan nao mai blei salih. Tapi min, ông Tươi jeng lac, langiu di karja buh jien tame, bhap bini rahra jeng njauk ba rup pan tangin buh prein.

"Padang palei jak krah oh lac karja buh jien bih bo njauk bhap bini gam ngak, gam tame bruk. Bhap bini akaok kein laba ye njauk bhap bini buh rup tame ngak mbang. Mada si taong yaom 3 thun peih ngak palei jak krah piah ieik dom hagait ngak hu hagait oh ka hu piah buh tame, piah ba mik wa palei rik prein yawa jien padai tame ngak”.

Thun 2020, Bình Dương hu Danakdak “Padang palei ngak nong masa thun 2021-2025 pagam haong ngak ieik Palei jak krah di xã Bạch Đằng”. Khin caong di nyu brei Danak dak ba xã Bạch Đằng jeng sa labik patagok ngak nong tui jalan jak krah, jirah main du lịch sinh thái, jeng sa labih hijao ka Bình Dương. Hadei di nan, urang pan akaok tỉnh mada taong yaom jeng ye patambak praong tapa palei karei. Daong bhum palei Bình Dương dak harei dak kaya mada siam gheih ilamu./.