Bilan 6/2002, Ong Vũ Quang Tuấn hu gam saong Ong Trần Đức Lương po akaok nagar nao rivang dom tỉnh tapen tasik gah Meraong negar: Soc Trang, Tra Vinh, Ben Tre. Dalam tukvak nao   maong iek di anak meta, kapul nyaom hu gaok sa-ai Võ Thị Phụ, sa urang kamei ngak hamu apuh di puk palei 3 xa Bảo Thuận, huyen Ba Tri, tinh Ben Tre. Jeng yau jaik abih dom urang nong daok tapen tasik Bảo Thuận, sa-ai Phụ biak kathaot.

Taneh ngak hamu takik, njaom mbaak ia mbak, padai brah mek tame takik, taong abih mikva dalam xa caong mong tame bruk ngak hamu sara – bruk ngak nan mboh biak glaih glar. Ndom menyai nao mai haong mikva, sa-ai Phụ ba dua plak tangin tabiak piah yaok dom bruk ngak di bruk ngak sara, nyu rilo biak rilo dahlak tok kanar hadar hu hasit nan lac njuk rong, taoh ia ka thu, beik ar, phá khuôn, ngak ka nyu tapak mbaok, pambu ka nyu thu... oh kanar hadar abih.

Hu 6 sao taneh, yaok thun sa ai Phụ tok mek hu 2,4 trieu dong piah pandar cai dalam sang, min sa-ai saong dom urang ngak padai sa pandiak dua ia takuan xa Bảo Thuận jeng njauk pandiak ia huak di drei piah ngak jeng dom asal sara mbong patih… Rilo urang klaak laok hamu sara piah nao ngak pah grauk labik…

Min urang po akaok negar Trần Đức Lương caik rilo tukvak jang tal dom labik urang ngak hamu ngak padai daok kathaot, ong mboh duh hatai meng dom hagait ong hu mboh hu mahit: Yaok tinh kuhria rah tapa hu meng 25.000 tal 30.000 baoh sang oh hu taneh atau hu dom kong taneh; yaok dom pluh ribau manuas urang oh hu bruk ngak, yaok tỉnh jeng daok hu jaik 40.000 baoh sang daok dalam baoh sang taik tahak,…

Akaok Po negar ong Trần Đức Lương ndom mayai saong dom urang ngak mbang blei salih pak di ini: Oh caik rah tabiak bruk Karja buh jien padang ngak jalan mbak sang danaok biak prong blaoh mikva oh hu si pandar dom baoh jeng siam mekre nan kayua lac kurang ilamu saong kadha bhian ngak. Doanh nghiep caong khin cak rok patagok khang kajap oh njauk lac tok nduac tui kein laba bo njauk sangka tal manuac urang ngak meng hatai saneng hadah hadai di urang ngak mbang blei salih.

Ngan haong dom urang pal kaok dom tinh di tapen tasik Nam Bộ, ong patacei, taong abih jalan ngak piah cak rok patagok kinh tế - xã hội njauk ba tame dalam sa danak dak ka cambac lac. Dom tinh pak di ini hu dreih gauk nan lac jeng hu klau labik karei di gauk nan lac: labik mbak, labik ia meteh mbak meteh taba saong lac labik taba. Jalan tabiak di labik mbak nan lac raong kaya ikan dalam ia, labik taba ye njauk panduan salih dom mblang taneh njaom lakhun ngak padai oh hu hiệu quả tapa pala phun mbang baoh meng kan mek hu yaom glaong piah pablei tabiak langiu negar; duah jalan tabiak ka labik ia taba saong ia mbak srau gauk, yau ye raong glang anek athur.

Dom dalikan bahrau cerita khan di angaok nan, tok lac sa dalam dom dom dalikan hu rah tabiak atah di ini labaih 20 thun tuk nan ong Trần Đức Lương daok ngak Akaok negar, saong bahrau lac tok sa gah ngak nong – lac tuk vak jeng daok lac dom yam nao akaok mereip di hội nhập kinh te dunya, tukvak Amirik gam bah mbang hu takik thun saong Việt Nam yam tame WTO jeng yau dom sarak hiep dinh kinh te dunya karei karei.

Patui veik dom baoh jeng siam mekre di dom urang pal akaok nao dahlau, gam haong hatai saneng, bruk kham merat, roh duah di dom urang pal akaok taneh aia di tukvak nan, dom rai rah urang pan akaok nagar hadei di nan saong bruk ngak hadah krah di bhap bani jang yau bol lin dalam negar, taneh aia drei mek hu baoh jeng siam mekre prong prang tapa atah dut haong dua pluh thun dahlau, saong daok khang hatai piah yam tame jaman bahrau – jaman yam tagok di bangsa. 

Aruah po akaok negar Trần Đức Lương bahrau likau drei bhap bani saong bol lin dalam negar piah nao tame dhua atah. Likau klah rabha dom bruk sit dalam biak rilo gah ka dom saneng kuhria, caong khin di aruah akaok negar ka hatai caong khin ngak brei patagok taneh riya, bangsa; nan jeng lac hatai caong khin di yaok urang Việt Nam harei ini.

Likau cuh galau truac nyang sa mbaik tapang dil, kanar hadar tal aruah po akaok negar Trần Đức Lương – sa urang pal akaok abih hatung hatai brei ka bhap bini taneh aia cak rok patagok; abih hatung hatai haong bruk ngak hamu ngak puh ngak nong, palei pala, urang nong; brei ka harei hadei siam gheih jang hu mai ka bangsa taneh aia Viet Nam./.