Kadha vak di Thúy Anh hu ba tagok mbao Quân đội bhap bini ka: “ĐBSCL caga pacang jit cum manuk ada”.

Yaok thun, tuk dom mblang hamu di tỉnh Bạc Liêu yuak salah vu padai đông xuân jeng lac tuk urang raong ada di dom tinh, ban jaik taphia ba tapon ada mai palao. Min thun ini, yaom lac yaok pluh héc-ta padai hu yuak blaoh min di mblang hamu jeng ka oh mboh tapon ada halei mai. Dalam tuk jit cum manuk ada daok rahtabiak srau kadhau, dom tinh ban brei takik tapon ada mai palao raong, gam haong nan brei patagok pasang iek bruk klauk jru. Meyah tapon ada mai palao oh hu harak dut iek jit ruak atau harak klauk jru abih tukvak, palei khang hatai brei nao veik.

Di Đồng Tháp, tui yaok pataom, dalam tinh hu labaih 3,5 triệu drei manuk ada. Dalam nan ada lac 1 dalam 5 janih raong praong hu palei pilih ruah piah rami ramik veik gah ngak nong. Anak bruk mehit lac taneh ia jaik taphia hu tamuh jit ruak cum manuk ada, labaih 40 urang dalam Hội quán Tân Hòa di xa tapen negar Tân Hộ Cơ, huyện Tân Hồng hu paglaong bruk tui iek, khik ramik tapon athur raong.

Urak ini langik tasik daok dalam tukvak salih bilan saong salih biak sarau kadau, biak lagaih ka virus cúm manuk ada tamuh tabiak khang. Kayua yau nan ye, gam haong bruk pasang iek, Sở y tế Cà Mau hu padang jalan pacang caga  haong 3 tukvak jit ruak tamuh tabiak. 

Lac tinh hu 2 pabah mbang negar pakat dunya saong 1 pabah mbang negar phụ, hu jaik 100km jalan tapen negar jaik taphia Campuchia, piah samar drah pacang caga jit cum A (H5N1), An Giang brei patagok pasang iek biak catang bruk pajeng ba, pablei salih manuk ada tapa jalan tapen negar. Ong Nguyễn Hoàng Sơn, Phó akaok Bilai dut iek jit ruak athur di pabah mbang negar pakat dunya Tịnh Biên brei thau: “Bol lin Biên phòng, hải quan, dut iek jit ruak di athur, y tế... kham merat pambuak gauk peih ngak catang dom jalan pacang caga, pasang iek catang jit ruak. Dom sruh radaih pajeng kaya nong, pandap panda meng Campuchia mai Việt Nam di pabah mbang negar pakat dunya Tịnh Biên jeng brei tapa labik pruh jru, pametai anek ruak tui tanut chuan di dunya.

Bruk pacang cakak jit cum manuk ada meng di jalan tapen negar jeng hu tỉnh Kiên Giang peih ngak. Langiu di dua pabah mbang negar Hà Tiên saong Giang Thành, tỉnh Kiên Giang daok hu rilo jalan sit, jalan praong, labik raong glang siam lagaih nao mai di rahra dua gah jalan tapen negar nan ye mbuan rahtabiak bruk pablei lau, pajeng ba suan adat manuk ada tame taneh ia lac biak glaong. Kayua yau nan ye, Bol lin Biên phòng tuk halei jeng patagok bruk pasang iek biak catang dom jalan praong, jalan sit nao mai pabah mbang negar; pambuak gauk biak catang dom gah di dalam tỉnh peih bruk nao pasang iek, tui iek yaok harei bruk pablei salih pandap panda, athur, amuk ada tapa pabah mbang negar.

Tui Thượng tá Nguyễn Văn Tùng, Akaok Đồn Biên phòng pabah mbang negar pakat dunya Hà Tiên, taong abih dom urang tame negar Việt Nam jeng brei nao tapa jamraik cảm biến nhiệt. Dom janih pandap ralaow manuk ada, athur tapa pabah mbang negar jeng hu harak dut iek jit ruak di gah chức năng. Abih di nyu nan lac, ngan haong dom urang di dom tinh, ban hu jit ruak manuk ada hu pasang iek biak catang, dom urang pandiak oh brei ngak harak adat tame negar. Kol dahlak bhian mayai nao mai haong dom kapul chức năng Campuchia piah samar drah brei thau bruk saong langyah tuk hu bruk  rahtabiak. Kapul jeng daok khik tani tanat bilai khik iek di pabah mbang negar pasang iek dom jalan sit, jalan praong, saong kakei rahra oh ba tangin tame daong ka dom bruk pablei tabiak, blei tame suan adat hukum, pablei salih manuk ada lau, oh thau cambaih asal di nyu. Mayah hu mboh bruk nan, rahra mada pathau khan piah samar drah pacang cakak, langyah./.