Urang nong biak bui sambai tuk yaom padai brah tagok yaom 

Bilan padai Hè Thu thun ni, urang nong tỉnh Đồng Tháp yuak hu tui kuhria mboh lac labaih 6,2 tấn sa ha. Yaom pablei di hamu meng  5.300 đồng/sa kg tal labaih  6.000 đồng/sa kg. Jiak di ni, yaom padai brah hu tagok hasit. Di huyện Tân Hồng, ong Hồ Văn Lý, Phaok jabat ngak nong song patagok palei pala huyện brei thau, bilan padai  Hè thu yuak hu bloh labaih 20.000 ha, năng suất hu 6,1 tấn/ha, sản lượng tui kuhria hu 123.300 tấn; daok veik labaih 1.200 ha daok caga yuak. Tui ong Hồ Văn Lý, bruk pablei padai song yaom padai hu tani tanat; Padai OM18 hu blei hong yaom 5.800 đồng/sa kg, padai nduik meng  6.600-6.700 đồng/sa kg.

"Năng suất meng 5,5 tấn tal 6,5 tấn/sa ha. Yaom padai yau urak ni ye mikva  ngak padai oh hu laba atau hu laba biak takik dut song bilan thu đông thun ni. Tui hulin mboh ye hu 2 makna prong lac, kayua yaom vật tư glong song năng suất padai bilan thu động thun ni jeng bier, ba tal padai bilan thu đông ngak oh hu laba rilo".

Meng tuk Ấn Độ oh brei pablei tabiak negar langiu brah mekuac song taong je xuất khẩu 20% ngan song dom janih padai brah di negar ni, ye bruk pablei brah di Việt Nam hu jalan tagok siam. Hadei di sa tuk vak trun yaom, kayua jit ruak COVID-19, urak ni, yaom brah pablei tabiak negar langiu di taneh ia drei daok tagok. Ong Võ Quốc Hưng, Yam ndok Công ty TNHH Phước Đạt – sa dalam dom doanh nghiệp ngak mbang gah padai brah di xã Song Thuận, huyện Châu Thành mboh lac yaom asar brah  Việt Nam meda tagok:

“Yaom brah urak ni tagok meng 7-8 USD sa tấn dut song dom bilan dahlau, dok meda tagok tra. Yaom brah dalam taneh ia tagok tui, bo bilan padai nyu abih bloh, vụ 3 thun ni, urang nong oh ngak. Dom mblang hamu di  An Giang oh ngak, kayua bilan ia ndik, piah mek phù sa. Mbang ni, biak lagaih bo oh thau dom doanh nghiệp dok brah halei oh? Kayua rilo doanh nghiệp pablei brah dahlau di tuk  Ấn Độ pakauh pablei tabiak, menuac urang blei oh dar ” 

Dom harei tapa, oh lac brah pablei tabiak negar langiu, bo yaom brah dalam taneh ia jeng tagok  meng 100-200 đồng/sa kg. Amuk Nguyễn Thị Thùy Trang, po labik pablei salih brah di ban Mỹ Tho, tỉnh Tiền Giang brei thau:

“ Brah bahrau tagok meng  100-200 đồng/sa kg, lac tagok oh hadom. Pagap ndah, brah nyuak tagok hasit, drak pasa  pablei dalam tỉnh, langiu tỉnh ye jao ka  dom đại lý. Drei blei di huyện Cái Bè, blei jeng mbuan oh hu hagait kan”.

Bilan padai Hè Thu thun ni, bhum taneran krong CL trun pajaih jiak  1,5 triệu ha, trun 16.000ha dut song tuk vak ni thun dahlau, năng suất hu 57 tạ/sa ha, sản lượng hu labaih 8,5 triệu tấn. Tuk vak ni, padai hu yuak bloh. Taeng bilan Thu đông, urang nong di bhum taneran krong CL tok pala labaih  700.000ha padai di dom tỉnh yau: An Giang, Đồng Tháp song Long An kayua ia ndik, nan ye padai Thu đông trun pajaih biak takik.kayua yau nan ye, padai brah daok veik dalam urang nong oh rilo, bo daok rilo di dom doanh nghiệp, sang mac chai padai khik piah tui bruk batabiak. Brah hu takik, dalam tuk bruk blei brah di dunya dok tagok, lac jalan piah ka asar brah di negar drei meblah mek darak pasa./.

Urang lang: Hanipha- 20/9