Pabah tapen tasik Trần Đề ieu lac sa pabah lamge tapen praong di tinh Soc Trang, yaok thun hu 20 ribau mbang gilai tame tabiak pabah lamnge di tapen ini. Ngak bruk pacang taong mek IUU, talaih kakei “Kat kanyik” di Uy mbang Chau Au, dalam dom thun tapa, tinh Soc Trang jeng yau Bol lin bien phong tinh hu jhul khang bruk pathau khan paglaong ilamo di rahra, pasang iek catang gilai taong mek atah taneh riya saong pasang iek gilai ikan, pajrak dom po gilai taong ikan, urang nao tasik bhum tapen tasik ngak catang Hukum kaya tasik thun 2017 saong Jalan ngak pacang taong mek IUU. Thieu ta Nguyễn Thanh Phong, Akaok balai Bien phong Trung Bình, Bol lin Bien phong tinh Soc Trang, brei thau:

" Gam saong bruk pacang taong mek IUU ye thun 2024 jeng yau dalam tukvak tapa ye gam saong Balai Bien phong Trung Bình khol dahlak hulin hu pambuak saong dom gah hu pambuak hu peih ngak biak catang, khol dahlak hulin jhul khang bruk pathau khan. Tuk jaik si abih thun, mikva jeng tagok ar khol dahlak hulin jeng brei ngak harak gar piah mikva tabiak tasik, hadei di nan khol dahlak hulin pagam bruk pahadar kakei mikva ngak ka paganap harak gar tui adat hukum, dalam nan hu bruk pacang caga taong mek IUU".

Sa-ai Quách Trường Xuân, po gilai taong ikan daok di ban sit Trần Đề, huyen Trần Đề hu 4 baoh gilai ikan taong mek atah ar tapen rasik, brei thau, dahlau tuk tabiak tasik gilai hu tame balai bien phong Trung Bình piah pasang iek saong ngak dom harak gar piah tabiak tasik. Di ini, urang taong ikan tuk halei jeng hu dom urang jakar, bol lin Balai Bien phong mayai khan, tacei ba piah ngak tui dom adat hukum tuk hu mbaok tame bruk taong mek ikan hadang di angaok tasik.

"Ndap jammariak pasang iek jalan nao tasik lahik inem mek, meyah khut khat jammariak, gaok kan kandah ye khan brei thau samar drah ka Gah Pasang iek Tapen ikan Trần Đề piah pasiam drah chip; taong mek ikan dalam bhum tasik Viet Nam, oh taong mek tapa bhum tasik langiu nagar".

Pato tacei dom baoh balai, kadai bien phong tapen tasik khik tani tanat ngak catang bruk pasang iek menuac urang, gilai kapal tame tabiak pabah lamnge hu khik kajap 100% gilai ikan hu ginup harak gar, hu jammariak karo salamat tui adat hukum, ngan haong gilai ikan atah meng 15m tagok brei pagam VMS. Ong Hoàng Thánh, Akaok Balai Pasang iek Bien phong Trần Đề, Balai Bien phong Trung BÌnh, Bol lin Bien phong Soc Trang brei thau:

"Gam saong bruk pacang caga taong mek IUU, Balai Pasang iek Bien phong Trần Đề hu pambuak haong kapul VMS di chi cuc Kaya ikan tasik hu taong yaom iek jaraik nao tasik, pambuak saong gah pambuak jalan intenet mạng pasang iek, klak saong bhian lahik bruk pambuak brei hu jalan pasiam piah khik kajap mbang tabiak tasik anak tal hu lagaih".

Meng hatai kham marat di dom jabat, labik, bhum palei saong kapul bien phong dalam bruk pathau khan, brei thau ka hukum, pacang taong mek IUU… hu dak harei dak ngak salih ilamo di urang nao tasik Soc Trang dalam bruk pacang khik, taong mek karo kajap drap ar kaya ikan di tasik. Urang nao tasik hu thau, bruk talaih “kat kanyik” hu lagaih ka bruk pablei kaya ikan tasik dalam bruk taong ikan di drei, jeng rik prein ka bruk patagok kinh te tasik di tinh Soc Trang jeng yau di labik karei dalam taneh ia./.