Gam saong rilo puk palei, tuk peih bruk padang ngak palei ngak nong bahrau ye bruk ngak lek ka 10 brei ka yaom jien mek tame ieu lac sa janih bruk kan ngak di abih. Min ngan haong xa Phước Sơn ini bruk hu ngak salah blaoh aval di abih kayua xa hu ba tabiak bhum palay dom janih phun pala, anek athur raong ka nyu laghaih yau bruk ngak pala jadar, nho, bruk pambuak pagam haong 4 sang dalam bruk ngak tabiak tangeiy pajaih pambuak haong raong pabe, limo, pabo palimek. Mai meng di nan, jien mek tame kuhria tui akaok bol bhap di Phước Sơn mek hu labaih 64 trieu dong/urang/thun. Ong Ngô Văn Chánh, akaok UB Bhap bini xa Phước Sơn, huyen Ninh Phước brei thau:

“Xa hu ba tabiak labik pala drak, raong glang yau labik ngak padai pandar bruk ngak “1 njauk, 5 trun’’. Ba tabiak labik ngak tangeiy pajaih, ngak jeng dom janih pandap Ocop di puk palei, jak ba bhap bani ba tame ngak tabiak dom pajaih siam, pandar ilamu KHKT yau nan ye tal ini jien mek tame kuhria tui akaok manuac urang rah tapa di xã Phước Sơn hu jaik 64 trieu/urang/thun.’’ 

Pala jaik 1ha tangeiy pajaih, mai meng bruk pambuak haong dom doanh nghiep yeu nan ye yaok mbang ngak ong Nguyễn Hoàng Tùng daok di palei Phước Thiện 3, xa Phước Sơn, huyen Ninh Phước mek hu jien laba labaih 100 triệu đồng.

 “Yaom jien blei tame di urang ngak mbang blei salih 15 ribau/kg. Dahlak ngak 1ha, paik hu 10 tấn, mek hu 150 triệu đồng, kaoh abih jien buh tame 50 triệu, daok dalah raba 100 triệu đồng. Ngak tangeiy taduan mek pajaih vụ đông xuân ini mboh biak karo tani tanat”.

Tal harei ini, huyen Ninh Phước hu 2 xa An Hải saong Phước Thuận mek hu tanut angan xa ngak nong paglaong. Piah paglaong bruk ngak hu jien mek tame dalam bruk padang ngak palei ngak nong pakat glaong, puk palei daok patui ba tabiak dom labik piah pala dom janih phun hu yaom kinh te glaong tui jalan pataom, prong pambuak pagam haong dak padang angan je piah paglaong yaom saong pren meriak angaok darak pasar. Ong Trương Thanh Triều, daok di palei Trường Thọ, xa Phước Hậu khan lac:

“Dahlak akau mek tame hu meng 30-40 trieu, hu mbang ngak ye 50-60 trieu. Meyah baoh jadar oh pambak hagait tal hajan angin, ye yaom kaom darak pasar tani tanat hasit, jien mek tame meng baoh jadar haong baoh sang dahlak yau nan lac biak siam”. 

Ong Đàng Năng Tom, Phaok akaok huyen Ninh Phước brei thau, tal harei ini, jien mek tame kuhria tui akaok manuac di huyen Ninh Phước hu labaih 80 trieu dong/urang/thun. Urak ini, puk palei daok pataom pren tame piah daong ka 3 xa Phước Hậu, Phước Thái saong Phước Sơn mek hu asal tanut angan xa ngak nong bahrau paglaong, tapa di nan, ngak co so kakai piah ka huyện mek hu asal tanut angan ngak nong bahrau pakat paglaong dalam thun 2025. 

“Gam saong hu kham merat, ba abih prein yava dalam bruk padang palei ngak nong bahrau, dom palei ngak nong di huyen Ninh Phước hu rilo salih bahrau, mbaok meta dom puk palei dak harei dak hadah hadai, bruk ngak mbang ngak huak di mikva dak harei dak cak rok patagok”./.