Ong Nguyễn Hữu Kỳ, umo 78 thun, daok di Thanh Hóa, sa urang bol lin đặc công glai Sác meng dahlau, duah mai cuh gai gilau ka yut cuai bol lin meng kal di kalan pahadar Rừng Sác, di ban sit Cần Thạnh. Brei thau ka dom bruk taong kalain meng kal dahlau, ong Kỳ jeng rilo mbang bau tal baoh panuac “duyên”. Ong maong bruk nan yau sa panuac pagun sanya di thun umo lakei dam di drei saong patui pagam haong dom harei puac di rai drei di bhum taneh ini.

Kalin kan mesuh metak hu tapa 50 thun, maong dom angan hu paoh sarak di patau, ong Kỳ ndom lac, dom thun 1973 ong haong rilo bol lin tasik hu pandar mai tal Trung ndoan 10 – Đặc công Rừng Sác. Labik ini ieu lac balai di khamang di gah Pur Sai Gon tuk jaman nan…

Dom thaik thaot binguk glai phun đước daok klok agha, urak ini hu parang ptai tabiak iek, ieu lac sa bruk brei mboh tal bruk taong kalin biak sanak di khamang tuk nan. Ngan haong dom urang bol lin meng gah Barak negar tame mai yau ong, sa mbang bau tal bruk jayah di Trung ndoan 10, ong haong dom rilo urang lin daok diuk tuk halei jeng caik dalam hatai bruk raong padauk di rahra Cần Giờ saong Quảng Xuyên (tinh Dong Nai) tukvak nan. Nan ieu lac bruk patuah jamo jang dut haong rilo bolin karei, daok diuk tal harei peih paha, blaoh hadei nan daok gilac saong daong prein padang saong dak harei dak maong mboh salih karei di cần Giờ.

Ong Kỳ brei thau, Cần Giờ tuk nan rilo meng lac taneh glut gluh baok, hu dom baoh sang tak hala taphia palei taong ikan sit. Tal ini, yaom lac oh ka dut hu haong dom ban dalam pasak, min Cần Giờ hu sa mbaok meta biak karei:“Cần Giờ ini jalan mbak, sang bac, sang ngak bruk, gom jalan jeng yau raidiuk hu ginup. Bruk patagok majam karja saong bruk di urang jakar jeng hu sangka, meng dahlau tuk dahlak hulin mai ye oh hu hagait, langiu di adei sa-ai bol lin urang jakar labaih 80% brei ba meng Ban mai piah daong ka bhum palei…”

50 thun blaoh tapa, truh tapa rilo kan kandah, Ndang bo, karja saong rahra huyen Cần Giờ kham merat uak drei tagok. Kinh te mbang angui di huyen dak harei dak patagok, rilo bruk ngak, jeng sa labik hu makna, “labik dalam jalan kuhria” dalam bruk pamaong tal gah Pur di ban raya Ho Chi Minh.

Tui di nan, dalam thun ini, Ban raya Ho Chi Minh peih ngak dom danak dak raya praong: Pabah tasik gilai pajeng praong pakat dunya; jalan metro 12 (Bến Thành – Cần Giờ); Labik ban patabiak tasik saong rilo dânk dak karei yau ye tatua tapa kraong atau labik pablei salih Cần Giờ…

Ong Nguyễn Văn Hồng, Akaok UB Bhap bini huyen Cần Giờ, Ban raya Ho Chi Minh ndom mayai lac, tuk jeng sa “Cần Giờ bahrau”, oh lac langyah siam lagaih jang dom asal kadha ka bruk daok dang mbang ngui, patagok kinh te xa hoi bo daok raok rahra dalam taneh ia atau dalam dunya mai tal daok saong ngak bruk. Cần Giờ brei patagok njauk dil samu saong rilo ban praong dalam labik saong dunya.

Ong Hồng ndom lac: Cần Giờ daok srap gap yam tame sa tukvak patagok bahrau. Dalam harei hadei, bhum palei brei pataom tame pandar dom kein lagaih tui jalan karo kajap, pambak tame kein lagaih ka jirah rivang sinh thai, patagok ban hadah krah saong peih praong dom gah kinh te tasik.

“Piah caga ka jalan praong, tatua praong, raok sa jalan patagok bahrau, Cần Giờ hu ngak blaoh saong daok ngak bruk peih rilo jalan langyah hu makna. Cambaih laih lac yau bruk quy hoach, ha tang jalan mbak, pssiam majam he thong pambuak bhum taneh, saong dui pachreih jien buh tame… Taphia di nan, karja palei jeng sangka iek praong tal asal kadha pacang khik alam sinh thai, patagok karo kajap saong paglaong raidiuk ka rahra.”

Cần Giờ brei jeng sa ban sinh thai, hadah krah saong bahrau di Ban raya Ho Chi Minh saong bhum Dong Nam Bo. Ngan haong bruk srap gap tani tanat  saong pamaong tal bruk patagok karo kajap, Cần Giờ pagun sanya jeng sa ban bahrau min jeng khik hu bruk karei di drei, daong paglaong labik dang di Ban raya Ho Chi Minh./.