Ahar Nòn-ya lac sa dalam lime janih ahar meng kan di bhap bini Cam

Bilan Ramưwan thun ini hu peih tabiak meng harei 31/3 tal abih harei 02/4/2022. Hadei di tuk nao gul rivang kubo, mikva mai sang piah pok kakuh muk kei, likau ka sa thun bahrau hu rilo prein yava, ngak mbang hu kaya mada. Thun ini, meng bruk sangka di karja palei, bhap bini Cam Bàni saong Islam di Ninh Thuận caga mbang Ramưwan biak tani tanat. Ong Châu Văn Bính – daok di palei Thành Tín, xã Phước Hải, huyện Ninh Phước ndem lac: “Harei Ramưwan hu peih tabiak jaik 1 adit, dom baoh sang caga nao gul…”

Dalam tuk mbang Ramưwan oh kurang hu 5 janih ahar meng kan di bhap bini Cam, nan lac: tapei nung, tapei blik, Nòn-ya, Pay-Chúk saong har Thửng. Ini lac dom janih ahar meng kan hu bhap bini caga ginup piah da-a muk kei, haong hatai caong hu hajan siam hangin lagaih, pala hagait hu nan, bhap bini trei sil, prein yava khang kadang.

Amuk Thị Tim – palei Thành Tín, xã Phước Hải haong gauk gar dalam sang daok ngak dom janih ahar meng kan piah da-a muk kei dalam dom harei mbang Ramưwan thun ini, brei thau: “Ahar ini hu ieu lac ahar Nòn-ya…”

Dalam tukvak ini, gam haong dom labik dalam tỉnh, bhap bini Cam tui agama Bàni saong Islam di Ninh Thuận daok yuak padai Đông-Xuân 2021-2022  nan ye hu jien mek tame saong caga raok Ramưwan dalam ginup mada jang. Ong Từ Bát daok di palei Thành Tín, xã Phước Hải, huyện Ninh Phước ndem lac: “harei Ramưwan thun ini biak bui sambai kayua bhap bini yuak padai, mikva hu jien padai piah caga raok harei roya.”

Piah ba bui sambai, chrieh chrai dalam tuk mbang Ramưwan, dom labik dalam tỉnh jeng hu ba tabiak bruk puh ramik hacih sa-at puk palei saong caga dom kadha daoh tamia, me-in thể dục thể thao…

Ong Châu Tím- Akaok mban khik ramik palei Thành Tín, xã Phước Hải, huyện Ninh Phước brei thau bruk caga raok Ramưwan thun ini di palei yau ini: “Piah ka harei Ramưwan thun ini hu bui sambai, dalam palei hu peih tabiak dom bruk ngak caga raok Ramưwan”.

Ramưwan lac tuk piah ka anek taco mai pataom gauk, hadar tal muk kei, ong kaok ong kar, likau ka hajan siam, hangin lagaih, ngak mbang hu kaya mada. Thun ini, bhap bini Cam tui agama Bàni saong Islam hu pabak bui sambai jang tuk hu Đảng, kanja sangka, daong palagaih ka mikva ngak mbang, cak rok patagok kinh tế saong raok Ramưwan dalam trei sir, ginup meda./.

Urang lang: Thu Thao - 31/03