Brah di bhum taneran hu mbaok di grauk labik dalam negar 

2 thun dahlau, mikva urang ngak nong di Hậu Giang bhian suh sah lac, urang ngak nong pala padai pahe hu darak pasar takre min oh ka hu labik halei tacei pato pagam mã QR angaok bao bì. Blaoh urak ini, angan Brah hacih Vị Thủy hu  mã QR saong daok padang chỉ dẫn địa lý piah ngak mã vùng.

Brah hacih Vị Thủy dalam 2 thun tapa, hu brei angan lac pandap OCOP 4 patuk. Tukvak jaik tết, rilo tuai blei meng Hà Nội, TPHCM, Cần Thơ hu kakei blei labaih 7.000 tấn brah hacih Vị Thủy. Ong Nguyễn Văn Thích (daok ieu lac Ba Thích), Phaok Yam ndok HTX Tân Long brei thau, HTX hu daong dom janih piah ngak yau ye pajiah, khak drak, hadei di nan blei veik padai di urang ngak nong. HTX hu jamriak bluh thu, labik caik padai, nan ye urang ngak nong oh daok duh hatai tuk gaok hajan sraiy”. Ini lac makna bilan đông xuân 2021 - 2022, xã viên peih praong taneh ngak padai meng 400ha tagok jaik 700ha.

HTX Dịch vụ ngak nong Hai Huynh jeng ngak padai thông minh. Xã viên Trần Văn Đáng khan lac: “Ngak padai tui jalan thông minh ye urang ngak nong brei thau rilo ka ilamu ngak padai pabak hu ka saman bahrau, pacang caga hu biến đổi khí hậu. Bruk praong lac ngak padai tam meng jamriak, takik abih jien pah, hu blei khak drak yaom biar, tani tanat. Laba jang ngak padai thường meng 20 tal 30%. Yaok thun, meng 2ha padai, sang dahlak laba hu 70 tal 80 triệu đồng sa ha bilan đông xuân”.

Dom thun 90 di abap 20, bhum padai di bhum taneran kraong CL dang anak dom mbang ia ndik praong meng kraong Mê Công tuh mai. Ia ndik aval dauk lahik yaok ratuh rabau hécta padai di bhum gah angaok kraong An Giang - Đồng Tháp bak dalam ia yau tasik. Tuk nan, dom urang ilamu di Viện padai bhum taneran kraong CL hu rik daong praong tame bruk tabiak jalan ngak tabiak pajaih, pilih ruah dom pajaih padai katut panak harei – hu ieu angan lac OMCS (Ô Môn Cực Sớm). Pajaih padai ini daong ka urang ngak nong ngak hu 3 vụ dalam 1 thun, ngak jeng bruk praong lac ba sản lượng padai bhum taneran kraong CL meng 10 triệu tấn tagok 24-25 triệu tấn sa thun. Blaoh brah Việt Nam hu tame tốp 3 pablei tabiak negar langiu.

Meng yaom pablei tabiak negar langiu lac meng 400 tal 800 USD sa tấn, tal urak ini, brah Việt Nam pablei tabiak negar langiu tagok tal 1.000 USD sa tấn, meng hu brah pahe ST24, ST25. Saong lac biak kurang meyah ndom tal yaom brah pablei tabiak negar langiu bo oh ndom tal dom rik daong di 2 Anh hùng Lao động lac: GS-TS Võ Tòng Xuân haong kỹ sư Hồ Quang Cua.

Kỹ sư Hồ Quang Cua hadar veik:  “Yaom lac kadung jien karja thun 1993 daok kurang, takik, UBND tỉnh Sóc Trăng tuk nan jeng blei piah labaih 600 tấn padai pajaih pahe KDM piah pala. Kuhria tabiak, dom pajaih padai pahe camereip abih hu yam takai tame taneh Sóc Trăng tal harei ini hu jaik 30 thun”.

Dom harei puac thun 2021, ong Lê Minh Hoan - Akaok Mintri ngak nong saong patagok palei pala hu ndom biai nao mai haong dom “patao kaya nong” Việt. Di mbang ndom biai nao mai ini, kỹ sư Hồ Quang Cua, urang ngak tabiak padai pahe ST brei thau, khol drei brei hu jalan ngak brei tagok janih brah pahe yau “sếu akaok tapon” piah ba jalan ka dom janih pandap karei dalam gah brah, rik daong paglaong yaom pablei hu siam jang angaok darak pasar.

Dom urang ngak nong yau Hai Huynh pala padai thông minh, Ba Thích pala padai pahe… daok lac dom urang ba siam mekre mai ka mblang hamu. Dom urang nan daok caong pambuak haong dom doanh nghiệp “sếu akaok tapon” piah ba brah pahe yam atah, yam tame dalam jang angaok darak pasar dunya./.

Urang lang: Mousaphuong- 10/2