Thun bac 2024-2025, Bình Dương hu 521.000 anek saih, rilo jang 26.000 adei dut saong thun bac dahlau. Bruk tagok rilo anek saih dui tui bruk brei hu rilo jang labik saong pandap bac ta-a. Kuhria mboh dahlau bruk ini, Bình Dương hu buh jien tame padang ngak bahrau, ngak pasiam veik 12 sang bac, rilo jang 266 bilik bac, patagok dom sang bac di dalam tinh lac 713 labik, dalam nan hu 375 sang bac công lập saong 338 sang bac langiu công lập.

Gam haong bruk patagok di dom anek saih lac bruk kurang gru pato ngak ka bruk pato saong bac gaok rilo kan kandah. Thun bac ini, Bình Dương kurang labaih 3.222 gru pato.

Tui amuk Nguyễn Thị Hiền, Phó Akaok UBND ban Thuận An, dalam ban jeng kurang labaih 900 gru pato saong urang jakar khik ramik. Di pak ini hu pathau khan pilih ruah min oh hu manuac tut angan pilih ruah:“Dom môn bac yau âm nhạc, hội họa, thể dục thể thao saong abih di nyu lac mam non duah oh hu, kurang gru pato biak trak. Ini lac bruk cuang kandah bo ban daok gaok dalam rilo thun tapa. Kol dahlak daok kham marat duah jalan langyah, mayah pilih ruah oh hu meda pambuak bruk haong gru pato piah tani tanat bruk pato bac”.

Thun bac ini, di ban Tân Uyên hu rilo jang 2.800 anek saih. Langiu di nan, ban daok caong 2 ribau bo mban kik daok piah salih bahrau ka dom sang bac. Ong Lý Ngọc Phong, Phó Akaok UBND ban Tân Uyên brei thau: Dom sang bac kham marat ngak pasiam veik, pandar abih dom mban kik klak, min oh ginup, daok kurang biak rilo:“Tal urak ini kol dahlak daok pasang iek gilac dom sang bac, rami ramik mban kik meng dom bilik bac chuyen mon ba tame tal bac. Tapa pasang iek thun bac ini, Tân Uyên brei hu 760 bộ mban kik, tal urak ini, urang pan akaok ban Tân Uyên hu jak ba dom urang ngak pahla daong brei, caong lac meda pabak hu ginup ka dom adei bac taa”

Piah pabak gru pato, So Pato magru pambuak haong Sở Nội vụ hu pok panuac tagok UBND tỉnh pasang iek, brei adat pambuak bruk haong dom gru pato daok kurang. Gam haong nan, dom labik pato magru hu pachreih ngak dom bruk: panduan salih gru pato di dom sang bac, dom huyen piah tani tanat gru pato, pambuak bruk da-a gru mao pato; peih bruk pato online pambuak haong bruk pato tapak piah patagok siam lagaih di bruk pato bac.

Urang pan akaok Sở Pato megru tỉnh Bình Dương brei thau, meda hu pato tacei cambaih laih ka bruk kuhria maong pato saong jien phu cap ka gru pato tuk hu panduan salih gru pato piah khik kajap bruk samu gauk saong pachreih gru pato. Tui amuk Nguyễn Thị Nhật Hằng, Yam ndok So Pato magru, tinh daok pataom prein tame to yaom piah blei mban kik ka anek saih: “Urak ini, tui adat, bruk blei salih praong hu jao mai ka dom huyen, so oh ngak. Min, gah pato magru daok peih ngak paok mban kik saong daok peih ngak, mayah ba mai puk palei meda ngak gilac meng akaok nan ye njauk gaok tavak. Kayua yau nan ye, thun ini, So meda peih bruk blei mban kik, daok dom pandap panda karei, palei meda blei ka dom sang bac”

Kurang gru pato, kurang labik bac saong pandap bac nan ye thun bac ini Bình Dương ka oh khik hu bruk lac taong abih anek saih hu bac bán trú. Piah tani tanat bruk pato saong bac, Sở Pato magru saong dom puk palei daok likau tinh brei buh dahlau phun jien blei pandap panda piah padang ngak rilo jang dom sang bac, bilik bac, abih di nyu nan lac di dom labik hu menuac sia tagok rilo biak samar. Gam haong nan, Bình Dương jeng njauk peih tabiak jalan langyah dom tavak tavaiy piah pachreih dom kapul nyaom, manuac urang saong doanh nghiep buh jien tame dom bruk pato magru./.