Tukvak tapa, Công an tỉnh Bình Dương brei paglaong bruk khik ramik, pacang khik, taong tayah rilo labik ma túy.Tuk oh daok labik piah pataom gauk, dom kol ini salih tapa jalan ngak karei lac pah bilik sang trọ, sang di drei atau chung cu piah ramik ngak jeng labik pataom gauk pandar ma tuy atau brei ka urang karei pah piah “ma-in ma tuy”. Tuk ma tuy njom pambak tame dalam labik daok, rahra biak haduh hatai, kayua nyu ngak srau kadau tapak tal bruk siam makre, saron mbon saong prein yava di rahra. Ong Phùng Hữu Hiệp, urang daok di phường Lái Thiêu, TP.Thuận An, tỉnh Bình Dương caong lac:

"Gah chuc nang meda pasang iek chung cu, sang tro, gam pathau khan, jak ba mikva daok vil val tuk mboh bruk medil, njauk khan brei jabat chuc nang thau tui iek, mayah njauk meda pasang iek piah plaih njom pambak dalam rahra. Kayua ma tuy lac biak jhak, labik halei hu bala nan meda ngak lahik an ninh trat tu dui tui dom bala, dom kanjak jhak karei nao tui.”

Kayua kein laba, kol pablei salih ma tuy nyu ngak tabiak rilo janih matuy bahrau yau ye ia baoh kayau, ahar keo saong jhak jang lac ngak ma tuy jeng janih ia ba tame pakao dien tu piah pablei ka urang njuk. Dom janih ma tuy ini hu ba pablei di anak mata saong daok hu dam dara urang ranaih umo, abih di nyu nan lac anek saih, sinh vien pandar.

Anak bruk yau nan, rahra, abih di nyu nan lac dom amaik ame biak haduh hatai saong caong khin sang bac paglaong bruk khik iek, oh caik ka bruk pablei salih pakao dien tu rahtabiak. Jabat chức năng njauk paglaong bruk pasang iek, langyah catang dom bruk ngak tabiak, pablei salih, khik piah saong pandar ma túy, abih di nyu nan lac janih ma túy hu padauk dalam pakao dien tu. Ong Đậu Đình Thắng, sa urang daok di ban Thủ Dầu Một, tỉnh Bình Dương, haduh hatai ndom lac:

"Tui dahlak, urak ini anek saih pandar pakao hala dien tu biak rilo, amaik ame biak duh hatai. Kayua lac, dom adei ka oh sahaneng mboh dom kanjak jhak di bruk pandar lac mblah tui urang. Nan ye, Kanja njauk hu jalan khik iek catang bruk pablei salih pakao dien tu daok rahtabiak rilo yau urak ini.”

Tui jalan ngak lac “oh nao hadei kol toi pham”, công an Bình Dương hu caga dahlau bruk mesuh pacang, pasang iek, taong tayah dom jalan pabak ma tuy tui rilo jalan ngak biak kan thau, dauk dalam dom labik daok di rahra, sang glaong tal, khach san. Đại tá Trần Văn Chính, Phaok Yam ndok Công an tỉnh Bình Dương brei thau:

 “Kol dahlak padang Kapul eng drei khik iek dalam dom labik sang tro. Kapul ini hu pabak dom ilamo piah mboh dom bruk madil, dom kol bhian pataom gauk piah peih ngak dom bruk pambuak tal ma tuy. Meng nan, rahra meda eng drei khik iek saong pathau khan ka jabat chuc nang piah ka kol dahlak hulin pasang iek, langyah.”

Tỉnh Bình Dương urak ini bahrau hu 1 labik cai nghien mbiah saong hu 4 labik daong sang ka, taong ruak njil jru, taong ruak meng methadon ka urang njil. Bruk kurang dom labik daong, ngak ka urang njil gaok kan kandah dalam bruk cai nghien; ba tal bruk mbuan njil gilac veik lac biak glaong.

Gah Y tế Bình Dương daok pabak pakhang manuac ngak, labik ngak piah puac thun ini, taong abih 9 huyen, ban meda hu labik tacei pato, sangka, daong ba, taong ruak gah ma tuy. Pasang iek paglaong bruk pato pakai, paglaong ilamo ka dom urang y tế puk palei ngak bruk sangka, daong ba jang yau duah mboh bruk ma tuy saong taong ruak ka urang ruak hu siam di abih./.