Tui dom urang ilamo, piah ngak hu dom bruk ini, Bình Dương njauk langyah dom bruk daok tavak tavaiy gah hạ tầng, jalan mbak pambuak pagam saong abih di nyu nan lac bruk gah urang ngak. Asal kadha ini hu ndem tal dalam kadha vak di Thiên Lý, urang vak di rayo sap ndom Viet Nam daok di TP.HCM:

Meng sa palei ngak nong, tal urak ini Bình Dương hu jeng tinh ngak kong dang akaok dalam Bhum kinh tế praong gah maraong saong di dalam taneh ia, rik tame 25% kim ngạch pablei tabiak negar langiu di Bhum saong 10% dalam taneh ia. Đô thị hóa di Bình Dương daok di top akaok dalam taneh ia, lac sa dalam 2 bhum palei dang akaok pachreih hu jien buh tame tapak di negar langiu (FDI) tame Việt Nam.

 Urak ini, GRDP kuhria rah tapa tui akaok manuac di tỉnh Bình Dương hu 7.000 USD sa urang sa thun. Ban thông minh Bình Dương jeng hu 2 mbang hu pok angan "Top 7 ICF" lac bhum palei hu jalan cak rok patagok ban thông minh hadah krah dalam dom ban thông minh di dunya. Yaom lac mek hu dom jak jeng siam mekre, min piah cak rok patagok samu haong prein khang di drei, Bình Dương njauk taoh talaih dom tavak tavaiy tuk hạ tầng jalan mbak daok tapa prein, oh hu pabah lamnge, oh hu mblang kapar haoh. Meng nan ngak lahik prein maraik gauk jang yau khik takai saong dui pachreih đầu tư bahrau.

Th.s -KTS Nguyễn Xuân Anh, Viện Quy hoạch đô thị saong palei pala negar langyah lac: Bình Dương njauk hu bruk pambuak bhum piah langyah dom tavak tavaiy ka jalan mbak nao mai haong gauk:  “Di Bình Dương ngak jalan biak siam, min tal jalan Roya 1A, Roya 1K njauk gar jalan, jalan nao mai dalam bhum ka oh hu, Vành đai 3, Vành đai 4, jalan cao tốc pambuak Tây Nguyên ka oh blaoh… Taong abih dom jalan pambuak dom tinh, ban karei jeng ka oh salah. Sa drei Bình Dương ngak siam oh ginup, bo caong hu bruk pambuak gauk di dua bhum piah tagok hu dom jalan nao mai haong gauk di Bhum, meng nan kol drei hu bruk ginup meda haong gauk”

Urak ini, Bình Dương dui pachreih hu biak rilo urang ngak meng dom tinh, ban mai daok saong ngak bruk, meblah 54% dalam abih tih 2,7 triệu rahra. Ini lac bruk siam lagaih min jeng lac cuang kandah ka tỉnh. Ong Lê Văn Thụy, Phó akaok Vụ Khik ramik quy hoạch (Mintri Kế hoạch - Đầu tư) taong yaom lac, Bình Dương njauk kuhria tal jalan pato pakai paglaong prein khang di urang ngak:  “Piah dui pachreih dom doanh nghiệp pandar công nghệ bahrau tame bruk ngak ye Bình Dương njauk padang jalan ngak cambaih laih piah pato pakai, pato tacei veik ilamo urang ngak piah pambuak haong bruk paglaong ilamo ka urang ngak, pambuak haong bruk tani tanat raidiuk, paglaong jien mek tame ka urang ngak. Mayah ngak hu 2 bruk nan, Bình Dương meda khik hu urang ngak di bhum palei drei".

Tui dom urang ilamo kinh tế, Bình Dương daok hu rilo cuang kandah piah khik ramik bruk cak rok patagok. Dahlau di abih lac bruk jien tame tui kuhria rah tapa, gam haong nan lac dom cuang kandah di bruk peih ngak labik taneh ngak saong cak rok patagok hạ tầng kurang bruk kuhria mboh jalan atah, xã hội daok kandauk dalam rilo khat lahik, maraik gauk dak harei dak catang…

Piah patui jalan salih bahrau khang dalam tukvak anak tal, Bình Dương daok padang ngak Danak dak Quy hoạch tỉnh tukvak 2021 – 2030, pamaong tal thun 2050. Ong Võ Văn Minh, akaok UBND tỉnh Bình Dương brei thau lac, ngan haong danak dak ini, Bình Dương hu jalan cak rok patagok tui bhum njauk haong sarak ka 24 di Mintri Chính trị lac pambuak bhum:  “Gah maraong Bình Dương hu brei thau lac pasak di bhum Đông Nam bộ, kayua yau nan ye dalam quy hoạch tỉnh ye dom bhum ini hu pambuak quy hoạch khang kajap haong bhum TP.HCM. Gah barak di Bình Dương pambuak haong bhum Bình Phước, Tây Ninh, kol drei pambuak haong bhum cak rok patagok di vành đai công nghiệp, pambuak haong jalan vành đai 4, jalan cao tốc TP.HCM- Chơn Thành, jalan Hồ Chí Minh jeng yau pambuak haong pabah mbang negar pakat dunya Mộc Bài, dom jalan, pabah lamnge negar”     

Piah ngak hu dom bruk ba tabiak, Bình Dương daok rami ramik veik dom labik ngak kong dalam tỉnh, pasiam veik dom labik ngak kong urak ini jeng labik ngak kong thông minh. Cak rok patagok pablei salih, dịch vụ, padang dom pasak logistics bahrau, ba Bình Dương jeng pasak logistics di bhum kinh te praong gah maraong saong di dalam taneh ia./.