Thun 1997, tuk tinh Binh Duong bahrau padang, tinh hu labaih 14.000 baoh sang urang kan kathaot, ralo labaih 12% dalam abih tih rahra, jien mek tame tui kuhria yaok akaok manuac bahrau hu 5,8 triệu đồng dalam sa thun. Meng thun 2004 tal urak ini, Bình Dương hu 6 mbang ba tabiak asal tanut chuan kan kathaot taeng dut tui yaok tukvak masa cak rok patagok di tinh. Dom tanut chuan kan kathaot di tinh jeng glaong jang tanut chuan kan kathaot di dalam nagar.

Tal urak ini, jien mek tame tui kuhria yaok akaok manuac di Bình Dương hu 152 triệu đồng dalam sa thun, tagok tal 26 mbang dut tui tuk neh tỉnh tabiak. Meng puac thun 2015, Bình Dương ieu lac sa baoh bhum palei camriep dalam nagar oh daok sang kan kathaot tui tanut chuan di Trung ương, ba mai kein lagaih hu asal kadha dalam bruk patrun kan kathaot di bhum palei.

Ong Hà Minh Trung – Phaok Yam ndok Sở Lao động Thương binh saong Xã hội tỉnh brei thau lac, vaktu masa 2016-2020, Bình Dương pandar ngak tui tanut chuan kathaot tui jalan pambuak parilo gah. Bruk patrun kan kathaot hu jalan sahaneng bahrau, jalan ngak bahrau ndung bak bruk taong abih gah saong hu peih ngak dalam jang. Meda lac dom baoh saong oh lac hu pambuak tui gah jien mek tame bo daok hu pasang iek bruk daong ba ka prein pambuak dom ngak mbang yaok harei yau ye y tế, pato magru, sang danaok, ia hacih saong hacih saat alam môi trường saong bruk ngak.

Saai Nguyễn Thị Gấm, daok di xã Minh Thạnh (huyện Dầu Tiếng), sa baoh sang kan kathaot kayua kan kandah ka sang danaok daok, sa drei taeng raong anek sit. Phun jien cai pandar yaok harei di sang pamaong tame bruk ngak mbang pah di saai nao ngak kong. Raidiuk kan kandah nan ye sang saai oh hu jien piah padang ngak sang daok bahrau. Tapa Mặt trận negar pakat xã, dom urang ngak pahla hu daong ka sang saai Gấm jien 80 triệu đồng piah padang ngak sang bahrau di mblang taneh praong 60m2. Tui kuhria, baoh sang anit ranam hu padang ngak labaih 100 triệu đồng. Hu sang bahrau meda daong prein piah ka sang saai Gấm yam tagok dalam raidiuk.

Adei Nguyễn Thị Cẩm Linh daok di phường Tân An (ban Thủ Dầu Một) brei thau lac, kayua hu phun jien masaiy meng danak dak saih bac univesiti di Gilang paraik tui sarak kanja, adei rami ramik hu dom phun jien bac daa, jien blei tapuk siphau saong khar aw nao bac.

Peih ngak bruk patrun kan kathaot vaktu bahrau, Bình Dương patrun hu bruk daong tapak, oh hu kein salih patagok jalan daong hu kein, hu biyar. Bruk ini piah patagok hatai ngak bruk, pamadeih, pachreih ba hatai yam tagok, tabiak truh kan kathaot khang kajap di dom baoh sang kan kathaot. Gam tui di nan, Bình Dương patagok sarak brei masaiy laba lap. Meng di thun 2021 mbiah tal ini, Gilang paraik sarak kanja tỉnh hu brei ka labaih 2.700 baoh sang kan kathaot, sang jaik kathaot masaiy jien laba lap, ngan haong abih tih paok jien lac labaih 136 tỉ đồng. tal akaok thun ini, dom baoh sang kan kathaot trun daok 1,54%; dom baoh sang jaik kathaot daok 0,47%.

Pagap ye yau sang amuk Đỗ Thị Hà daok di phường Hiệp An (ban Thủ Dầu Một), meng thun 2016 gilac nao meng akaok, sang amuk biak kan kathaot. Dom anek daok sit, daok mbang daok bac, amuk nao ngak pah ngak biak rilo bruk. Hu kanja daong masaiy 10 triệu đồng, amuk Hà blei pandap panda piah ngak bruk pablei ratak kadaol đậu hũ, duah jien sangka kuria ka anek mbang bac.

Di mbang nyaom biai ka VI, HĐND tỉnh Bình Dương mbang IV hu brei 12 sarak hu makna, dalam nan hu asal kadha tanut chuan kan kathaot parilo gah ka masa vaktu 2022-2025. Tui di nan, tanut chuan parilo gah vaktu masa ini hu asal kadha jien mek tame ka baoh sang kan kathaot di bhum palei lac 2,1 triệu đồng sa urang sa bilan, glaong jang Trung ương 1,4 mbang; asal kadha jien mek tame di sang kan kathaot di bhum dalam ban lac 2,6 triệu đồng sa urang sa bilan, glaong jang pakat nagar 1,3 mbang.

Bruk drah samar brei tapa Sarak meda samar drah ba sarak patrun kan kathaot hu peih ngak tantu cambaih laih dalam raidiuk. Sarak samar hu peih ngak dalam tỉnh meda lac sal kadha adat hukum piah ka UBND tỉnh samar gak salah dom bruk ngak, dom adat harak gar jang yau dom asal kadha piah pilih ruah dom danak dak cak rok patagok bruk ngak di danak dak patrun kan kathaot pakat negar./.