Binh Duong sangka pato bruk ngak ka rilo urang di bhum palei pala 

Anak bruk patagok bruk gah ngak cong samar drah, bruk caong hu urang ngak, abih di nyu nan lac urang ngak gheih ngak di Bình Dương biak prong. Anak meta mboh lac, dalam labaih  66% urang ngak hu pato pakai  di  tỉnh Bình Dương, hu oh takik urang ngak hu doanh nghiệp pato pakai meng dom urang ngak bruk meng tangin takai.

Ong Phan Thế Hải, Yam ndoc  Công ty Trách nhiệm hữu hạn Một thành viên Triệu Phú Lộc ndom lac, doanh nghiệp urak ni gaok rilo kan kandah dalam bruk duah urang ngak naih joi, gheih ngak. Kayua yau nan ye, urang pal akaok tỉnh Bình Dương njauk hu jalan ngak dong ka  doanh nghiệp gah urang ngak naih joi, gheih ngak piah doanh nghiệp sahnang hatai buh jien tame ngak mbang suia lavik .

Tui Sở Lao động - Thương binh song  Xã hội, dalam tỉnh urak ni hu 22 labik pato pakai bruk ngak di karja, meblah 20,4% labik pato pakai bruk ngak dalam  tỉnh. Dom labik pato pakai di karja ngak siam bruk hu jao brei, rik dong pato pakai, paglong ilamu urang ngak song duah hu bruk ngak dalam tỉnh. Pagap yau di sang bac Đại học Việt - Đức dok pato pakai labaih 3.000 sinh viên mek hu ilamu tui tanut di  Đức, châu Âu pabak ka bruk công nghiệp hóa, hiện đại hóa di Việt Nam.

Min, tui ong Phạm Văn Tuyên, Phaok Yam ndoc  Sở Lao động - Thương binh song  Xã hội tỉnh Bình Dương, urak ni, bruk pato pakai di dom sang bac, labik pato bruk ngak di karja gaok rilo kan kandah, tavak tavaiy, brei hu lang talaih. Dom labik pato bruk ngak di karja pambuak tal bruk eng drei cai pandar jien padai di dom sang bac, kurang - takik gru pato bruk ngak... Gam hong nan, brei hu jalan ngak mbuan lagaih, sarak hu kein piah ka doanh nghiệp pambuak bruk haong dom sang bac langyah kadha  paglong chất lượng pato pakai bruk ngak.

Piah pasiam bruk kurang menuac ngak naih joi, gheih ngak, rilo doanh nghiệp hu panuac cong Bình Dương brei kuhria tal bruk pambuak gauk di urang ngak daok hu song bruk rami ramik patagok dom bruk ngak ka nyu lagaih. Bruk rami ramik, padang ngak sang bac bruk ngak, njauk pamong tal dom danak dak, jalan pato bruk ngak ka nyu lagaih haong bruk caong hu menuac ngak di  doanh nghiệp.

Tui Sở Lao động thương binh song xã hội Bình Dương, piah hu urang ngak hu ilamu glong, Bình Dương thau lac bruk naih gheih di urang ngak lac jalan ba tal jak jeng, oh njauk lac di labik công nghệ saoh. Gam hong nan, paglong  chất lượng urang ngak lac sa dalam dom pren khang dong ka Bình Dương  dui pachreih urang buh jien tame ngak mbang khang kadang jang dalam tuk vak anak tal  .

Kayua yau nan ye, tỉnh ủy Bình Dương hu batabiak jalan ngak lac tal thun  2030 urang ngak naih gheih, hu ilamu glaong hu patagok tui pakat pato pakai, gah pato pakai saong lac menuac patagok kinh tế - xã hội, pataom tame ka gah, bruk ngak hu hàm lượng công nghệ, yaom tagok glong. Dalam nan, jhul khang bruk pato pakai urang ngak naih joi, gheih ngak, urang ngak ka gah ngak, bruk ngak bo kinh tế di tỉnh biak caong hu yau  logistics, điện tử, công nghệ bahrau, tự động hóa, phân tích dữ liệu, trí tuệ nhân tạo, ilamu pren yava… ; ba jalan bruk ngak meng di tuk bac trung học phổ thông; sangka yaih khan saong ba tabiak jalan bruk ngak patagok dalam harei hadei di  kỷ nguyên số, công nghiệp 4.0 di pakat  phổ thông piah raong pala dom menuac ngak hu ilamu kỹ thuật công nghệ pabak ka bruk patagok di tỉnh tal thun  2045./.

Urang lang: Hanipha- 11/3