Bruk jum pataom piah padang ngak ka puk palei hadah mbaok meta 

Labik hadah akaok mereip nan lac dalam bruk pacang caga jit, Bình Thuận hu peih ngak samar drah, samu gauk, peih ngak catang dom jalan ngak tui tacei pato di Raja-ei, Thủ tướng Raja-ei, dom mentri, dom gah saong di Tỉnh ủy tui jalan ngak nan lac  “4 di labik”. Meng nan tỉnh pasang iek jit ruak biak siam dalam tuk vắcxin hu biak takik.

Dalam tuk gaok biak rilo kan kandah, patagok kinh tế yaom lac oh ngak hu yau bruk ba tabiak, min jeng daok khik hu tanut cak rok, abih tih pandap ngak tabiak tui yaom urak ini, lac jaik 86.723 tỷ đồng. Kadha ini brei mboh yaom lac kan kandah, min dom doanh nghiệp saong bhap bani jeng daok tagok phun jien buh tame ngak mbang, hu hatai jia tame prein patagok di puk palei.

Meda mboh lac thun 2021, lac thun akaok mereip peih ngak Sarak Nyaom roya Đảng bộ tỉnh mbang ka XIV tukvak 2020 -2025, dalam tuk kan kandah  kayua jit Covid-19. Yau nan min, meng kham merat di taong abih hệ thống chính trị, dalam nan cambaih laih di abih lac iek prong bruk kuhria mboh dahlau, thau cambaih dom hagait rah tabiak di puk palei; tani tanat min khang hatai dalam pacang caga dom kadha bahrau tamuh tabiak. Tapa nan jeng brei mboh bruk kuhria caga, hadah krah, salih bahrau saong bruk pambuak gauk khang kajap, siam lagaih di dom pakat, dom gah. Meng nan khaol drei yam tapa hu kan kandah, tavak tave, pabak hatai jia ka harei hadei anak tal.

Labik daok, kaya pandap meng langik tasik, meda hu mong yau sa dalam dom pren khang praong di Bình Thuận. Ngan haong jalan atah oh hadom ngan saong TP. Hồ Chí Minh saong dom tỉnh pasak gah meraong yau Bình Dương, Đồng Nai, Bà Rịa – Vũng Tàu saong pambuak pagam haong dom tỉnh Tây nguyên, Bình Thuận hu lagaih dalam bruk pambuak pagam, piah pataom mek taong abih pren khang di tỉnh di taong abih gah.

Piah salih bahrau khang gah kinh tế, urak ini Bình Thuận pataom tame peih ngak siam 5 Sarak chuyên đề di Tỉnh ủy mbang XIV piah cak rok patagok 3 bruk ngak prong nan lac: ngak kong, rivang ma-in saong ngak nong. Urak ini bruk quy hoạch tỉnh Bình Thuận tukvak 2021 - 2030, pamong tal thun 2050 daok hu padang ngak, tui kuhria hu ba tagok Thủ tướng Raja-ei pasang iek brei adat ngak di bilan 7/2022, jeng lac kadha siam ka Bình Thuận ba tabiak jalan ngak cak rok patagok.

Bình Thuận urak ini hu jalan mbak nao mai biak laghaih haong rilo janih radaih. Taphia di nan, dom công trình hạ tầng pakat negar jeng hu ba tabiak jalan ngak saong daok peih ngak yau: Jalan radaih nduac samar Barak – Meraong daok ngak jaik salah blaoh; Cảng kapal haok Phan Thiết, jalan pasei cao tốc Bắc – Nam daok hu peih ngak; dom jalan tapen tasik meda daong ka bruk nao mai hu mbuan laghaih haong dom labik karei saong grauk labik dalam negar, abih di nyu lac dom bhum kinh tế prong.  

Dalam bruk taduan mek phun jien buh tame ngak mbang angaok dunya duah tal Việt Nam, dom gah đầu tư praong hu palih ruah Bình Thuận piah buh jien tame ngak gah ngak kong, du lịch, đô thị… Urak ini, UBND tỉnh daok tacei pato jhul samar bruk cak rok patagok kinh tế số, xã hội số, jhul khang bruk pandar ilamu công nghệ, abih di nyu lac công nghệ 4.0 piah mek hu kein laba dom prein khang di drei…Meng nan pataom tame cakrok patagok dom gah yau: Ngak nong pandar ilamu glaong; công nghiệp điện, jeng pasak năng lượng di negar; dịch vụ pabah lamnge pambuak haong bruk padang dom đô thị, dom labik ngak kong saong pabak dịch vụ logistics; cak rok patagok dom labik ngak kong - đô thị - dịch vụ; cakrok patagok dom labik daok prong tapen tasik, dom pasak du lịch tasik pakat khu vực saong dunya… Ini lac dom kadha saong hatai jia khang kajap piah ka khaol drei jia lac kinh tế Bình Thuận nao tagok, hadah hadai dalam tukvak anak tal./.

Urang lang: Jasi -11/2