Hu mbang mai jirah di Phan Thiết, muk Phạm Thị Thanh Hường, sa urang jirah meng Ha Noi brei thau, langiu di inem krung di Sang bac Dục Thanh, bimong kalan Pô Sah Ine… ye lac Bàu Trắng ieu lac sa labik oh klak hu. Muk Hường khan lac, gait hu nao jirah ralo labik dalam nagar, jirah ieik ralo labik gheih ghang, min mai tal bhum cuah putih ini, mada pandiak khiak kulit min mboh biak chreih. 

“Bàu Trắng ini biak hu angan, mbuan cuah ini biak laman lamuac, putih kaok mboh biak gheih. Biak njauk hatai. Mbiah tal umur ini daok khin tame hatai chreih, nduac radaih di angaok cuah, biak bui sambai.”

Bàu Trắng vil taom dar hu cuah dui atah gam saong phun glai biar. Ini yau ye “bhum cuah liga sit Sahara” di Binh Thuan. Sa bhum cuah thu pandiak gam saong yaok rituh hécta phun glai biar tapen tasik yau ye oh hu daok rai diuk, min langik tasik brei ka labik ini ia taba bak taneh cuah praong… Muk Phan Thị Phong, lambaok vakil urang sa kapul jirah di Binh Thuan lac:

“Bàu Trắng sa labik biak ghiek siam makre di tinh Binh Thuan, nyu biak pandiak “hot” kayua hu mbaok di kapul ngak phim Lật mặt 8. Bruk pambuak di danao Bàu Trắng gam baoh sang pandar dalam phim Lật mặt 8 biak gheik. Min piah dui atah njauk hu ralo jabat karja saong bhap bini urang ngak jirah di tinh Binh Thuan.”

Mbaok mata binguk dalam phim "Lật mặt 8 - Vòng tay nắng"  di urang pan ngak dao dien Lý Hải brie ngak di labik gheih ghang pakat nagar Bàu Trắng, brei peih ieik meng harei 30/4 dalam nagar, daok brei angan siam ka Bàu Trắng. Khan brei thau ka bruk siam makre di phim, dao dien Lý Hải lac, langik tasik yau daok tamo, taneh ri riya raya praong saong gheih ghang di mbon cuah ngak pachreih kapul urang ngak phim.

“Tuh cih kadha phim dahlak sahneng tal Binh Thuan paje, labik hu angin, pandiak dan saong cuah, mboh hatai rup khang di manuac urang, piah daok kandaong dalam rai diuk oh lac mbuan. Dahlak sahneng dahlau piah vak blaoh brei parabha ngak, tuk ê kíp tal Bàu Trắng mboh yau ye drei khin caong.”

Ong Nguyễn Lê Thành, Phaok Yam ndok So Ilamo, Pahat padhih saong Jirah rivang tinh Binh Thuan khan lac, meng hu angan siam di phim "Lật mặt 8", jabat jeng hu brei dakvah truyền thông dom gheih ghang di dalam phim.

“Khol dahlak brei urang kapul phong vien, urang ngak jirah, urang ngak mbang jirah mai iek, roh duah dom labik jirah hu pandar dalam phim piah ngak jeng tour hadei. Urang jirah talk Bàu Trắng langiu dom janih ndap nda hu di ini piah iek piah maong dalam phim di Bàu Trắng.”

Tui dom jabat jirah, langik khik caga dom labik hu lalam phim piah jeng labik jirah ngak ka siam ka gheih jang, pachreih jang ka jirah. Hu yau nan meng patagok meng daok kandong meng dui atah./.