Tinh Tien Giang bahrau brei thau bruk Mbaoh tangin di Thu thuong Rajaei brei angan tinh Tien Giang salah blaoh bruk padang palei pala bahrau. Tapa 15 thun peih ngak Danak dak jalan ngak pakat Negar padang palei pala bahrau, tal ini, taong abih 135 xa hu mbaoh tangin brei angan palei pala bahrau; 68 xa hu mbaoh tangin brei angan palei pala bahrau paglaong; 14 xa mek hu angan palei pala bahrau kieu mau. Jien mek tame kuhria tui akaok menuac hu labaih 76 trieu dong/urang/thun, daok dalam kapul glaong dalam bhum.

HĐND tinh Ca Mau hu sarak du thao ka bruk daong urang jakar, kong chuc, vien chuc saong urang ngak mai Ca Mau ngak bruk hadei pagam tinh. Dalam nan hu bruk daong urang pah sang 1,2 trieu dong sa urang sa  bilan; jien cai pandar 500.000 đồng sa urang sa bilan saong jien radaih  nao mai 520.000 dong sa urang sa bilan. Kuhria taong abih jien daong ka yaok urang labaih 2,2 trieu dong sa bilan dalam 2 thun.

Mban Chap hanh Ndang bo tinh Long An hu brei tapa danak dak pagam ha sa Ndang bo dua tinh Long An saong Tay Ninh, gam hoang nan yasa kapul peih bruk ngak iek dahlau bruk di dom jabat Ndang, karja, Mat tran Negar saong dom kapul chinh tri – xa hoi pakat xa dalam dua harei 18 saong 19-6. 15 huyen, ban sit, ban di Long An urak ini brei ruah hu labik xa, phuong pasak brei ngak iek piah roh duah, mek hu ilamo, samu pasiam lagaih, khik kajap hu lagaih tuk ba tame ngak bruk biak.

Kapol Chu thap do tinh Soc Trang birau peih Nyaom pataom meyaom urang naih gheih vaktu 2020-2025. Tapa dom bruk pakacah gauk, dalam mbang nyaom hu jak ba  manuac sia kuhria abih tih hu labaih 128  ti dong, hu daong ka yaok rituh ribau mbang urang raidiuk kan kandah. Yaok pluh ribau don vi darah hu alin, yaok rituh baoh sang hu padang brei, yaok pluh var lisei huak, paok ndap alin, jien bac hu alin brei tal tangin bhap bini, anek saih kathaot…

Urak ini tinh Gia Lai hu peih ngak, pasiam jaik 8 ribau baoh sang, hu 97% danak dak brei abih baoh sang oh daok taik tahak. Dom bhum palei daok kham merat daong samar drah, kham merat salah blaoh taong abih danak dak dalam bilan 6 ini. Danak dak brei abih baoh sang oh daok taik tahak di Gia Lai oh lac hu daong hu ka bruk daok dang mbang ngui bo daok brei mboh hatai kham merat chinh tri, hatai klah rabha, pambak praong bruk ngak ka bhap bini, rilo meng lac ngan haong rahra bhum urang bangsa takik di bhum palei.

Hadei dom mon rah tabiak bala ahaok laik di Ấn Độ ba tal jaik 300 urang metai, gah chuc nang hu duah mboh 1 dalam 2 hop nden meda hu thau cambaic liac ka bala nan. Urak ini, dom bruk daong duah bala hu ngak padeih hadei gah bol lin duah daong urang ngak bruk luac melam. Tui khaw tin birau abih, urang metai kayua bala kuhria gam angaok ahaok gam ala tateh lac 269 urang saong hu sa urang  di kapal haoak daok diuk.

Indonesia daok da-a dom gah buh jien tame langiu negar hu mbaok tame jalan padang daning pacang tasik hu yaom 80 ty dolla My atah yaok rituh km di Indonesia piah paacang ia sua rah tui ar tasik gah barak di kaoh pulao hu rilo rahra abih lac kaoh pulao Java. Tui Tong thong Indonesia, daning pacang tasik praong rah tui ar tasik barak Java lac sa dalam dom danak dak jalan mbak, gom truac, sang bac, kadai hu makna abih, brei ngak drah samar dalam tuk ia tasik daok ngak kan kandah tal bruk diuk rai di rahra.

Rajaei Tong thong My Donald Trump daok jhul pakhang bruk duah thau dom doanh nghiep hu pandar urang ngak negar langiu suan hukum. Tui nan, tacei pato dom jabat chuc nang brei pasang iek harak ho so di doanh nghiep piah thau peih praong bruk patruak tabiak. Meng harei 7/6 mbiah tal ini, Jabat Thuc thi Di tru saong Hai quan My chap mek 330 urang tame negar suan hukum, dalam nan hu 157 urang njauk duis taong paoh saong ngak kandah urang jakar ngak bruk.