Gam ba jamraik palagaih ka ndap papar, anh Triệu Hoàng Hương, daok di xa Lâm Kiết, huyen Thạnh Trị, tinh Soc Trang abih jaik 2 tuk piah pruh jru ka taneh phun pala praong 9ha di sang drei. Tui sa-ai Hương, dahlau diah drei lahik bih dom harei brei pruh jru meng blaoh, jien pah urang ngak biak glaong. Urak ini tui mek haok papar pruh jru patakik tukvak, patakik hu jien bayar, caga halak hu siam, prein yava hu khik daong ka tukik urang ngak di palei.

“Dahlak mboh haok par pruh jru ini siam ralo, dahlak meng blei piah ba tame pandar dalam sang jeng ye ka urang ngak nong dalam palei. Mboh yau nan dahlak blei ba tame pandar jeng ye ka mikva pandar jeng ye dil sumu bilan ngak padai.”

Oh sa janih dong urang ngak hamu ngak apuh, blaoh nyu daok daong brei bayar jien mbaok hu ralo bhap bini di ini pandar nyu biak lagaih. Muk Thạch Thị Cẩm Chi, sa urang pablei ia menyum di palei 4, ban sit Long Phú, khan lac, meng di tuk hu Kapul Kong nghe so hu urang mai daong pandar salih lek taka so, pandar dom App piah bayar jien, oh cang bayar jien tapak, muk mboh biak lagaih.

“Tuk tuai damuai mai menyum ia ye drei pandar app bayar jien tui kat jien tuai damuai jeng takre njauk hatai. Akau mboh ngak tui yau ini biak kein lagaih kayua oh hu jien mbaok ye dalam telephone hu dom App brei payua jien jeng bayar jien tuk halei labik halei jeng hu. Dahlak mboh biak kein lagaih.”

Pagap yau ye sa-ai kumei angan Thạch Phụng Tiên, daok di xa Phú Mỹ, huyen Mỹ Tú, papait dua klau papait di telephone bijak, drei blei hu blaoh janih kaya drei khin.

“Urak ini biak lagaih, hu baoh smartphone ini drei dak blei biak ralo janih yau ye khan ao ndap nda kaya mbang menyum… lagaih jang tuk drei bayar jien ia, jien gom tapa App.”

Trần Đề ieu lac palei hu ralo urang bangsa Khmer, ralo mikva ngak hamu saong blei salih sit. Piah salih lek taka so nao tame raidiuk, Trần Đề daok ba tabiak ralo danak dak harak gar pato patacei brei ngak ka ganap ka dil samu, ka hu ka jeng 3 mbaik gang asal khang ka karja so, kinh te so saong xa hoi so. Ong Hồ Quang Đại, Phaok Chu tich UB Bhap bini huyen Trần Đề, brei thau, urak ini, dom urang ngak mbang blei salih di dalam huyen bhian pandar kong nghe khau tin dalam bruk ngak mbang blei salih. Bruk bayar jien oh pandar jien mbaok jeng hu brei pandar dalam urang bangsa tukik:

“Kein lagaih di meng salih lek taka mboh di nyu hu tame glo akaok, tame bruk ngak di bhap bini, dalam nan hu pandar di dalam bhum palei urang bangsa tukik. Dak harei dak mboh hu ralo dalam bruk ngak mbang pandar jamraik bahrau ilamo kong nghe glaong, pandar jamraik bahrau, ngak tui jalan blei salih jamraik online, yaom asal glaong; daong ka urang ngak nong jak karak, urang ngak hamu bahrau, kayau mada, dui jaik jang palei ngak hamu saong urang ban raya.

Tukvak blaoh, tinh Soc Trang daok kham marat peih ngak dom kadha brei ka salih taka so di angaok taneh praong, mek hu dom baoh siam lagaih dalam raidiuk, dalam nan hu ralo di bhum urang bangsa tukik. Mikva urang bangsa dak harei dak tuk dak ngak siam pandar siam dalam ngak harak gar tapak online yau ye ngak harak brei angan ka anek, harak lakhah, bayar jien, atau taduan khao tin meng online, pandar lagaih siam dalam pasalih lek taka so dalam bruk ngak tabiak ndap nda kaya ngui./.