Tui nan, akaok UBND tỉnh Bình Thuận Đoàn Anh Dũng jao ka Sở Ilamo, The thao saong Du lich, UBND dom huyện, ban tui bruk di drei pambuak haong gauk piah peih ngak siam dom bruk khik caga saong cak rok patagok yaom inem krung tui njauk danak dak bruk ngak pakat negar bo Raja-ei Việt Nam hu mboh tangin sanya haong UNESCO ngan haong dom inem krung hu UNESCO pok angan, cambaih laih nan lac ilamu đờn ca tài tử Nam bộ saong ilamu ngak lan am meng kan di urang Chăm palei Bình Đức xã Phan Hiệp, huyện Bắc Bình.

Dom jalan khik caga hu vak dalam harak hồ sơ ilamu ngan haong dom inem krung hu ba tame Harak angan inem krung ilamo oh mboh di meta pakat negar, dalam nan hu bruk ngak lan am meng kan di urang Cam palei Bình Đức, xã Phan Hiệp; Adat Cầu ngư di vạn Thủy Tú, phường Đức Thắng, ban Phan Thiết; Adat Dinh Thầy Thím di xã Tân Tiến, ban sit La Gi saong Katê di urang Cam tỉnh Bình Thuận.

Gam haong nan, gah ilamo saong dom puk palei patagok bruk pathau khan, brei thau ka adat hukum, tacei pato jalan ngak piah pacang khik saong cak rok patagok yaom inem krung ilamo oh mboh di meta. Paglaong akaok saneng ka nghệ nhân, urang peih ngak saong bol bhap rahra ka yaom di inem krung ilamo oh mboh di meta; hu jalan pahadar saong pasiam gilac ngan haong dom nghệ nhân, urang peih ngak, abih di nyu lac nghệ nhân hu pok brei angan je prong glaong di Karja, ngan haong bruk lih tame ngak brei suan, ngak oh njauk inem krung. Nghệ nhân njauk paglaong bruk pato tacei gilac inem krung saong lac kareih camin dalam bruk peih ngak njauk piah khik ramik inem krung ilamo oh mboh di meta.

Pataom tame pasang iek, pacang cakak, samar langyah catang dom bruk pambak tame bruk peih ngak, khik caga saong cak rok patagok yaom inem krung ilamo oh mboh di meta piah duah kein laba, bruk ngak mê tín dị đoan saong peih ngak dom bruk ngak karei suan adat hukum, dom bruk ngak oh njauk haong yaom di inem krung ilamo oh mboh di meta, yau peih ngak tui inem krung oh njauk haong asal saong jalan ngak meng kan di inem krung; ngak brei salih karei, pabak tame dom kadha bahrau saong peih ngak inem krung bo oh hu bruk njauk hatai di bol bhap rah ra; ba inem krung tabiak peih ngak iek langiu di labik peih ngak di inem krung; pambak tame angan je inem krung piah peih ngak dom nyaom biai, meyaih khan, pathram ka inem krung bo oh hu bruk thau cambaih laih di bol bhap rah ra, oh njauk haong jalan ba ngak dalam Công ước 2003 saong Hukum Inem krung ilamo./.