Rilo danak dak hu dong ka urang ngak duah hu jien takik 

Dalam mbang nyaom, dom urang lambaok ndom lac: dom bilan akaok thun rah tabiak bruk kurang urang ngak, rilo meng lac urang ngak bruk sit sot. Sa dalam dom makna praong lac kayua urang ngak njom Covid-19 rilo, dom urang ngak daok di sang iek anek tuk sang bac oh ka peih pabah mbang … ba tal kurang urang ngak dalam tukvak katut panak. Urak ini, dom tỉnh ban hu tapa tabung jit Covid-19, nan ye bruk kurang urang ngak daok trun nao. Amuk Trần Thị Lan Anh - Tổng thư ký Liên đoàn Thương mại saong Công nghiệp Việt Nam mboh lac:

Tal tukvak ini, doanh nghiệp kurang 10%-20% urang ngak, rilo meng lac kurang urang ngak hu ilamu. Nan ye urang biak caong khin khik takai dom urang ngak ini meng bruk tagok jien bilan hadei di Tết meng 5-8%. Gam haong nan hu daong jien xăng radaih, jien mbang var jala pandiak, abih di nyu lac brei ka urang ngak hu thâm niên piah ka urang ngak hu tangin gheih ngak daok ngak bruk veik haong doanh nghiệp.

        Ndom ka bruk urang ngak suak mek bảo hiểm xã hội 1 mbang tagok rilo duk haong tukvak ini dom thun dahlau, dom urang lambaok mboh lac, bruk ini brei mboh raidiuk urang ngak kan kandah, hu labik urang ngak mesraiy trak laba piah mbang cai. Dom panuac caong lac, dom tỉnh ban brei hu pasang iek, abih di nyu lac ngan haong kapul urang ngak gaok kan kandah ini.

        Di mbang nyaom, rilo urang ndom lac, piah pasiam bruk kurang urang ngak, brei hu sarak ka sang daok brei ka urang ngak. Dalam nan, ba tabiak panuac ka dom doanh nghiệp tame bruk padang ngak sang daok ka urang ngak. Taphia nan, njauk peih ngak rilo dom jalan pathau khan, brei thau piah ka urang ngak mai veik darak pasar urang ngak; patui bruk hu dom sarak daong tapak ka urang ngak. Mintri Lao động samar pok tagok Thủ tướng rajaei Sarak ka yaom jien bilan tối thiểu thun 2022. Ong Ngọ Duy Hiểu, Phó Chủ tịch Tổng Liên đoàn Lao động Việt Nam caong lac:

Njauk patabiak sarak piah dui pachreih urang ngak di dom labik kinh tế praong, dalam nan bruk njauk sangka nan lac sang daok. Gam haong nan, lac labik bac da-a ka anek di urang ngak, abih di nyu lac dom sang bac di karja. Taphia nan, tacei pato dom labik pato bruk ngak, jaik di ini kol drei daok hu sarak pato bruk ngak katut panak harei, abih di nyu lac dalam tukvak ini, tuk jit ruak, dom hagait pambak mai di cách mạng 4.0…, piah pataom tame ngak. Kol dahlak mboh lac bruk ini kol drei njauk buh jien tame khang jang, rilo jang ka bruk pato bruk ngak.

Brei panuac di mbang nyaom, Phó Thủ tướng Vũ Đức Đam ndom lac: dom tỉnh ban duah thau kan kandah di urang ngak, abih di nyu lac kan kandah di anak meta piah hu jalan lang talaih, daong brei:

Pataom tame tacei pato peih ngak Sarak 11 di Rajaei, abih di nyu lac Sarak 08… daong 1 triệu 500 rabau ka urang ngak, ieu gah lao động, bảo hiểm xã hội dom tỉnh ban samar peih ngak. Tui pathau khan ye peih ngak daok suai damuai.

Tui Mintri Lao động Thương binh saong Xã hội, dom urang ngak hu bruk ngak quý 1 thun ini daok tagok veik, hu 50 triệu urang, tagok jang 130 rabau urang duk haong tukvak ini thun blaoh. Langiu di nan, daok kurang urang ngak di dom labik, kurang jaik 120 rabau urang ngak, samu 10% duk saong bruk caong hu urang ngak. Abih di nyu nan lac, kurang urang ngak di dom gah menyim, jhik, ngak linh kiện điện tử, ngak kayau saong dom bruk gaok kan kandah khang, njauk padeih ngak suai lavik yau ye: du lịch, dịch vụ, pato megru. Tui kuhria mboh dahlau, thun ini jit Covid-19 jeng daok ngak kan kandah tal 5 triệu urang ngak saong jeng daok oh ka samu gauk bruk kurang – labaih urang ngak. Kurang urang ngak tui kuhria lac di dom bhum kinh tế praong gah Meraong, dalam tuk dom tỉnh, ban labik urang ngak ye kurang bruk ngak./.

Urang lang: Mousaphuong- 1/5