Kadha vak di Hoàng Nhị mangaok báo Bangsa bhum ceik ka bruk: Brei mã bhum pala, jalan lagaih bharau piah pablei kaya nong tabiak negar langiu di Bà Rịa-Vũng Tàu.

HTX kruac bhung kanduh hijao Sông Xoài, ban sit Phú Mỹ hu 18 ha taneh pala kruac bhung di 5 baoh sang, yaok thun hu 540 tấn baoh, daok hu ngak harak gar piah pabak brei mã bhum pala. Tui ong Hồ Hoàng Kha, Phaok Yam ndok HTX, piah hu padang mã số bhum pala, dom thun tapa, dom sang dalam HTX hu salih tapa pala kruac bhung tui jalan hữu cơ; vak harak tui iek phun pala yaok harei, pagam mã brei thau asal di pandap, tut angan pablei salih … Meng nan, 18 ha kruac bhung ginup paka piah pablei tapa dom darak pasar yau Trung Quốc, Mỹ.... Urak ini, HTX daok cang Cục khik caga phun pala brei mã số bhum pala piah nao ginum biai haong dom darak pasar negar langiu.

Ong Phan Thế Hoành, Yam ndok HTX Dịch vụ ngak nong Nhân Tâm, huyện Xuyên Mộc brei thau, thun 2018, tuk jaik 30 ha darang di HTX Nhân Tâm hu brei mã số bhum pala pambuak haong pala ngak tui tiêu chuẩn VietGAP, baoh darang hu pablei nao Trung Quốc. Bilan darang meng bloh, HTX jeng hu ngak salah harak gar piah pablei tame Nhật Bản, yaok bilan lac 12 tấn nhãn that. Bruk hu pabak brei mã số bhum pala hu daong brei kaya nong paglaong prein meriak gauk, jeng dom chuỗi giá trị khang kajap pamaong tal pablei tapa negar langiu.

Tui Sở Ngak nong saong patagok palei pala tỉnh Bà Rịa-Vũng Tàu, tal urak ini, tỉnh hu 8 bhum pala saong 2 labik tame paok kaya nong pablei tabiak negar langiu hu brei blaoh mã số. Dalam nan, pablei nao darak pasar Trung Quốc hu 3 mã số bhum pala haong mbaok taneh praong labaih 420 ha daok di huyện Xuyên Mộc haong Châu Đức; 2 mã bhum pala patei labaih 407 ha. Langiu di nan, 2 mã bhum pala darang praong 24 ha daok di huyện Xuyên Mộc, yaok thun hu labaih 502 tấn baoh, bhian pablei tapa Mỹ saong Australia. Darak pasar EU hu 3 mã bhum pala kruac bhung praong 50 ha daok di ban sit Phú Mỹ, yaok thun hu 1.000 tấn baoh. Gam haong nan, 2 mã số labik tame paok patei pablei tapa negar langiu hu mbaok taneh praong 5.167 m2, pablei tapa Trung Quốc haong Hàn Quốc.

Ong Nguyễn Chí Đức, akaok Chi cục Pala drak saong khik caga phun pala (Sở Ngak nong saong patagok palei pala tỉnh Bà Rịa-Vũng Tàu) brei thau, Chi Cục daok daong bruk pabak brei mã số bhum pala ka dom janih phun mbang baoh hu pala praong, pala rilo. Gam haong nan, hu panuac ieu brei mã pablei tapa darak pasar Trung Quốc brei ka 4 bhum pala kruac bhung daok di ban sit Phú Mỹ. Langiu di nan, Chi cục jeng daok ngak harak gar tut angan pabak brei 4 mã số bhum pala thanh long di huyện Xuyên Mộc haong taneh praong abih tih 57 ha; ngak brei salah harak gar 6 mã số bhum pala ka durian di huyện Châu Đức haong taneh pala praong abih tih lac 80 ha.

Dom kaya pandap hu panuac ieu pabak brei mã số bhum pala jeng lac dom janih pandap ginup paka siam mekre, salamat, chứng nhận VietGAP. Langiu di bruk ngak nong hacih, siam mekre, salamat tui tiêu chuẩn VietGap, GlobalGAP saong ngak jeng dom chuỗi pambuak gauk dalam pala, ngak, piah hu kaya pandap rilo, chất lượng glaong, gah ngak nong Bà Rịa Vũng Tàu jeng brei jhul khang bruk pathau khan, pato pakai, pasram megru, pasang iek piah paglaong prein ngak, hatai sahneng di rahra, doanh nghiệp ngak njauk tui, chuẩn hóa bhum pala, labik tame paok./.