Amuk Lê Thị Nhớ, daok di puk Saintard, xa Tân Thạnh, huyen Long Phú oh hu taneh ngak mbang yau nan ye gait njuak ngak rilo bruk daong ka baoh sang raong anek nao bac blaoh oh pasiam hu sang danaok, sang oh daok khang kajap hadei di rilo thun padang ngak. Puac thun blaoh, meng danak dak brei oh daok baoh sang taik tahak, baoh sang hu pilih ruah piah daong padang sang bahrau khang kajap, laneing lanoi.

Angaok baoh sang daok mbau cun bahrau, amuk Nhớ oh padauk hu bruk bui sambai di drei. Hu Karja daong 60 trieu dong, gan haong paok jien jaik 15 trieu dong nyim di gauk tian, amuk padang hu baoh sang bahrau. Thun blaoh, 2 urang anek di amuk hu bac blaoh tal 12 saong hu likau tame ngak di kongti jhik menyim, jien bilan labaih 7 trieu dong jeng daong hu ka kinh te dalam sang, raidiuk anak tal takik rambah jang. Amuk Nhớ ndom meyai lac:

“Karja daong mbaoh biak bui hatai, kham merat ngak mbang piah caong nao tal ngak kaya meda dreih yau mikva, kham merat ngak mbang, dom anek daong prein ka amaik kham merat nao, anek jeng kham merat piah patruh kan kandah, pasiam raidiuk ka dreih yau mikva vil taom dar”.

Danak dak brei oh daok baoh sang taik tahak ieu lac sa jalan ngak praong di Ndang saong karja hu makna siam mekre, brei mboh hatai sangka lagaih di dom pakat uy, karja, Mat tran Negar, dom kapul chinh tri – xa hoi saong taong abih rahra ngan haong dom urang kan kandah ka sang daok. Meng nan, daong prein, pachreih, khik kajap labik daok piah ka dom baoh sang kan kandah uak drei tagok dalam raidiuk.

Tapa pasang iek, dalam tinh Soc Trang kuhria daong brei ka oh daok baoh sang tahak brei ka jaik 9.000 baoh sang, pataom tame di dom urang baoh sang kathaot, jaik kathaot, baoh sang mbang tui sarak ngan haong taong abih jien buh tabiak ngak urak ini lac labaih 464 ty dong. Tal ini, tinh hu peih bruk padang bahrau, pasiam labaih 8.000 baoh sang, ba tame pandar labaih 7.000 baoh sang.

Ong Lê Hồng Phong, Akaok Uy mban Mat tran Negar Viet Nam xa Tân Thạnh, huyen Long Phú brei thau, xa hu labaih 50 baoh sang njauk brei oh daok baoh sang taik tahak. Ngan haong hatai kham merat di bhum palei, tal puac bilan 3 meng blaoh tapa, taong abih baoh sang hu padang ngak salah blaoh:

Dalam tukvak padang, gah pato tacei jeng pandar urang dalam kapul trun daong jeng yau lac pasang iek bruk padang baoh sang, dom baoh sang halei bo kan kandah ka bruk pajeng ba jeng pandar ka urang dalam kapul, kapaul dam dara trun patui daong veik piah ka mikva samar drah salah blaoh baoh sang.

Bruk peih ngak brei oh daok baoh sang taik tahak ka baoh sang ngak bruk katmang meng kal, baoh sang kathaot, jaik kathaot hu makna biak siam mekre, brei mboh bruk di drei saong hatai “Bayar phol dhar”, “Anit urang jeng yau anit rup drei”, daong ba mai baoh sang anit ranam ka urang hu ngak bruk katmang meng kal, baoh sang kathaot, jaik kathaot, urang metui piah oh luai ka thei daok gilac gah likuk. Uy vien Trung uong Ndang, Bi thu Tinh uy Soc Trang Lâm Văn Mẫn brei thau, tukvak tapa, tinh hu biak kham merat dalam bruk peih ngak danak dak. Gam saong pandar phun jien karja, jien rahra rik daong piah padang, pasiam sang daok khik kajap siam lagaih, njauk tui adat hukum. Taphia di nan, jak ba taong abih urang jakar, cong chuc, dam dara, urang kamei saong dom baoh sang hu mbaok tame daong prein ngak piah kham merat tal harei 30/6 anak tal salah blaoh bruk brei oh daok baoh sang taik tahak di dalam tinh./.