Thun 2021, Sở Ngak nong saong patagok palei pala padang 5 jabat pasang iek, duah thau bruk taong chap ikan di dom pabah lamnge dalam tỉnh. Dom jabat nan brei pasang iek dom gilai ikan  tame - tabiak pabah lamnge saong tui iek bruk ba ikan tagok di pabah lamnge. Gam haong nan, pasang iek bruk ngak tui quy định pacang cap mek kaya ikan suan hukum, oh khan brei thau saong oh tui quy định (IUU), bruk brei thau kaya ikan chap mek di gah khik iek pabah lamnge. Langiu di nan, tui iek bruk peih mac jamriah pasang iek jalan nao di dom gilai ikan angaok tasik, khan brei tuk gilai ikan mboh jaik lih tame bhum tasik  negar langiu…

Gah Ngak nong saong patagok palei pala hu ngak salah blaoh bruk pagam mac tui iek bruk nao tabiak tasik di 2.610 gilai taong chap ikan, labaih 2.808 gilai ikan brei pagam mac jamraih tui adat ba tabiak. 205 sruh gilai daok veik ralo meng lac gilai kapal ndih ar, atau  gilai nao, mai dalam harei. Meng pandar dom jalan ngak nan, bruk gilai ikan lih tame bhum tasik negar langiu mboh trun. Abih di nyu nan lac hatai sahneng ka bruk taong chap ikan njauk labik di urang nao tasik hu patagok cambaih laih.

Urang taong ikan angan Phạm Sơn Tùng, daok di ban sit Phước Hải, huyện Đất Đỏ brei thau, piah caga ka mbang tabiak tasik akaok meti hadei di tukvak suai lavik ndih angaok ar kayua yaom xăng menyek tagok glong, ong brei pasang iek mac jamraih, pandap pandar di gilai piah khik hu salamat. Dalam nan, mac jamraih tui iek bruk tabiak tasik hadei di tuk oh pandar hu khan brei jabat chức năng thau saong pambuak veik.

Hadei di jaik 4 bilan peih bruk mbaoh  tangin tame harak  Quy chế pambuak bruk di UB bhap bini tỉnh saong  Bộ Tư lệnh Vùng 2 Hải quân, Bộ Tư lệnh Bhum Cảnh sát  tasik 3 dalam bruk khik iek dom bruk ngak pambuak tal gah thủy sản, tuk camereip mboh hu siam. Dom jabat di tỉnh hu taom gaok, khan brei thau, pambuak bruk pasang iek, duah thau dom gilai ikan ngak suan hukum chap mek ikan IUU, gilai ikan lih tame bhum tasik negar langiu chap mek ikan suan hukum saong dom đơn vị. Hadei di tuk quy chế pambuak bruk di 3 gah hu peih ngak, dom gah hu njauk gauk ka dom biểu mẫu khik pandap, gilai, mẫu biên bản ngak suan hành chính…Tapa bruk pambuak gauk, tal urak ini tỉnh taduan hu panuac khan saong hu ngak biên bản piah langyah ngak suan hành chính 20 bruk, taong phạt jaik 450 trieu đong. Langiu di nan, dom gah chức năng jeng patagok bruk pambuak gauk langyah dom mbang ngak suan hành chính atau chap mek  drap ar, gilai suan hukum, mek veik văn bản, chứng chỉ peih gilai…

Tukvak tapa, Sở Ngak nong saong Patagok palei pala hu peih ngak siam rilo jalan pathau khan, jak ba urang nao tasik ngak tui bruk pagam saong pandar mac jamraih tui iek gilac nao taong chap ikan di tasik. Chi cục Thủy sản peih bruk khik iek, mbaoh tangin tame harak pambuak bruk saong Tập đoàn bưu chính viễn thông brei thau dahlau tapa tin nhắn điện thoại tal po gilai  ngan haong gilai ikan oh pambuak hu tuk daok langiu tasik labaih 6 tuk.

Tui muk Phạm Thị Na, Phaok Yam ndoc  Sở NN-PTNT tỉnh Bà Rịa Vũng Tàu meng akok thun tal ini, dalam 1.416 mbang gilai klaoh pambuak tapa 6 tuk hu 1.118 gilai hu pambuak pasiam veik. Ngan haong dom urang oh ngak tuai, dom tỉnh ban meda brei kahn tal yaok gilai iakn tapa urang jakar, Tổ phản ứng  samar kayua UB bhap bini dom huyện, ban padang tabiak…Chi cục Thủy sản bhian peih bruk hu mbaok tui iek khaw tin dữ liệu tui iek gilai ikan piah samar  brei thau tal po gilai, urang peih gilai ikan, ieu samar pasiam bruk lahik tín hiệu tui iek gilai langiu tasik. Padang angan gilai ikan lahik tín hiệu tui iek jalan nao labaih 10 harei payua tal dom gah pambuak  tal piah samar langyah bruk ngak suan ngan haong dom urang khin ngak suan…Peih bruk khik iek tapen ikan piah pambuak bruk pasang iek, dut iek, langyah tui bruk ba tabiak. Brei thau ka bruk langyah gilai taong chap ikan  ngak suan hukum IUU, gilai lahik tín hiệu pagam dữ liệu tui iek gilac peih nao ngaok tasik./.

Urang lang: Ai Nghiem -30/8/2022