Klaak bruk ngak tani tanat, jien bilan glong di sa D.N di ban raya HCM, sa-ai Nguyễn Hoàng Việt ndih tapui thun 1991 mai veik palei di xã Phú Kiết, huyện Chợ Gạo, tỉnh Tiền Giang peih bruk raong rasa. Ini lac bruk biak birau di miền tây saong jeng hu biak takik urang ngak hu jak jeng. Sa-ai Việt khan lac, thun 2019, sa-ai peih bruk raong 10 drei rasa. Gam haong nan, sa-ai jeng hu buh jien tabiak ramik ngak var ro raong pabui dahlau diah di sang drei  piah ngak var ro raong rasa. Meng tari ta-rieng iek glang, taphon rasa di sang sa-ai praong siam. Urak ini, rasa di sa-ai menek rilo tagok hu 30 drei.

Sa drei rasa tano praong hadei di 2 thun meda brei mek takaiy meda meng 500-800g sa drei. Yaok 8 bilan, dom drei rasa nan meda mek hu takaiy meda sa mbang. Langiu di nan, sa-ai Việt daok buh jien tame blei dom mac jamraih piah ngak dom takaiy meda jeng dom pandap siam ka prein yawa khang kadang. Urak ini, dom takaiy meda saong dom pandap ngak meng takaiy meda di rasa hu ba jien tame ka sang sa-ai jaik 450 triệu đồng sa thun.

Urang đoàn daok ranaih umo angan Phan Lê Thúy Vi, ndih tapui thun 1994, daok di xã Hưng Thạnh, huyện Tân Phước, tỉnh Tiền Giang jeng padang mbang ngui hu jak jeng meng bruk ngak birau nan lac raong chồn hương. Thun 2018, meng phun jien biak takik di drei saong 50 trieu jien daong di Tỉnh đoàn Tiền Giang, anai gru patao mầm non Thúy Vi padang mbang ngui meng bruk raong 6 yau chồn hương. Piah thau raong, anai gru bac tapuk, harak mbao, internet saong bac megru tapak di dom var ro praong raong chồn hương rilo. Tal urak ini, var ro di gru Thúy  Vi hu 30 drei chồn hương binai.

Sarak Nyaom roya  Đảng bộ tỉnh Tiền Giang mbang  XI, vaktu 2020-2025 tacei lac: “Tal thun 2025, Tiền Giang hu jeng tỉnh cak rok patagok dalam Bhum kinh tế praong di gah Meraong negar”; dalam nan hu asal jhul patagok bruk padang mbang ngui dalam bhap bini, ngak jeng hệ sinh thái padang mbang ngui… Ngan saong hatai caong lac, bruk padang mbang ngui meda ngak jeng bruk patagok khang  kadang ka kinh te, rik daong siam tame bruk cak rok patagok kinh tế - xahoi, daong ngak hu bruk ba tabiak di sarak nyaom roya. 

Langiu phun jien daong saong tapa dom bruk ngak, tỉnh hu daong 368 danak dak padang mbang ngui meda ngak hu siam ralo, kuhria abih tih labaih 6,8 tỷ đồng. Piah ka bruk padang mbang ngui dalam urang đoàn dam dara hu siam jang, Phó Bí thư Tỉnh Đoàn Tiền Giang Nguyễn Thành Luân caong lac, anak tal, tỉnh brei padang ytalei pambuak gauk di dom jabat, kapol nyaom, dom urang ilamu, daonh nhân jak jeng haong  đàon dom pakat…piah daong urang đoàn dam dara  dalam pambuak bruk ngak mbang, klak rabha ilamu, pabak khaw tin, daong dom jalan sahaneng hadah krah padang mbang ngui hu siam; duah thau hatai sahaneng, hatai caong khin di dam dara dalam bruk padang mbang ngui piah sumar hu jalan daong  ka dom dam dara.

Bruk padang jalan sahaneng khởi nghiệp, padang sa cộng đồng D.N khởi nghiệp patagok khang kajap haong dom pandap hu yaom glong daok jeng bruk biak cambaih laih, njauk ngak dalam tukvak urak ini./.

Urang lang: Ai Nghiem -27/8/2022