Urang lin song rahra pambuak bruk tui iek luac harei melam 

Meng dom jalan ngak cambaih laih, hadei di sa thun peih ngak, (meng bilan 12 thun 2020 tal ini), bruk dân quân thau cambaih sang bhap bani di xã Tân Hiệp, huyện Long Thành, tỉnh Đồng Nai tuk akaok mereip mek hu siam lagaih. Bruk ngak ini mboh hu njauk hatai biak glaong dalam pakat ủy, karja puk palei. Dalam nan, jabat quân sự pakat huyện, pakat xã ngak siam bruk tham mưu piah peih ngak dom bruk ngak hadei di nan. Abih di nyu lac, taong abih dân quân di xã hu brei bruk duah thau cambaih dom sang daok di labik nan.

Thượng tá Nguyễn Văn Trọng, akaok Ban CHQS huyện Long Thành, t.Đồng Nai brei thau:

Dalam tukvak tapa hu biak rilo bruk yau cuh pháo Tết, menuac meng dom bhum jit mai, dom tapon ini duah thau, khan brei karja thau piah ba nao brei daok atah pataom sa labik. Abih di nyu lac dalam tuk tết hu rilo kaol ma túy, mbang pah taong gauk… dân quân thau cambaih baoh sang saong khan brei pakat ủy karja thau piah hu jalan ngak siam di abih, hu bhap bani biak pachreih tui.  

Dalam tuk peih ngak bruk ini, gah dân quân hu brei bruk tuk halei jeng ngak siam bruk 3 gam haong bhap bani (gam daok, gam ngak bruk, gam hu mbaok tame langyah ba brei siam saong langyah dom bruk kan kandah di puk palei). Pataom tame duah thau dom baoh sang hu urang bất mãn di puk palei; cơ hội chính trị, kol kanjah jhak; daok hu puk palei tui iek, mboh medil; baoh sang hu rai diuk kan kandah; baoh sang sarak karja… caong khin hu daong.

Ong Điểu Phua, urang bangsa Stieng daok di xã Tân Hiệp, huyện Long Thành, lac:

Dahlau diah dam dara bangsa daok dalam palei, menyum alak tapai blaoh njauk urang daok langiu palei katung dui tame ma-in cờ bạc. Hadei di tuk xã brei dân quân thau cambaih baoh sang, jak ba mikva diuk rai njauk tui adat hukum. Meng hu yau nan, tal urak ini, bruk trật tự, an ninh dalam palei hu tani tanat gilac, adei sa-ai dân quân jeng hu kakei mikva njauk paglaong hatai saneng piah caga dom kol kanjah jhak pachut pachak mikva cagar veik Đảng saong Karja, ngak klah rabha bruk gun pataom bangsa.  

Tapa bruk ngak ini, gah dân quân hu ngak siam bruk pathau khan, jak ba mikva thau cambaih saong peih ngak siam jalan ba, sarak di Đảng; adat hukum di Karja, adat hukum di puk palei.

Amuk Trương Thị Chi, Ban Chỉ huy Quân sự xã Tân Hiệp, huyện Long Thành, lac:

Dahlak hu pakat angaok tacei pato dom jalan piah duah thau, ngak habar ka nyu siam, gam thau hu bruk, gam ngak ka mikva pachreih hatai jia tui. Drei njauk thau jalan sua tangi, thau jalan taom gaok, ndom biai yau habar piah thau hu cambaih laih.

Jalan ngak piah thau cambaih dom sang jeng biak rilo, tapa bruk brei thau di gauk gar, manuac urang dalam sang; hu mbaok tame dom bruk ngak di bol bhap rahra… Dalam tuk ngak bruk di drei, gah dân quân hu thau cambaih, samar drah brei ka mBan chỉ huy quân sự huyện thau labaih 134 bruk, dalam nan hu labaih 60 bruk biak hu yaom pagam tal an ninh, chính trị di puk palei; hatai saneng di dom baoh sang, di bhap bani abih di nyu lac tuk pacang caga jit covid-19.

Ong Dương Minh Dũng, Bí thư Huyện ủy Long Thành taong yaom:

Ngan haong bruk  di BCHQS tỉnh ba tabiak, dom dân quân duah thau cambaih baoh sang labik drei khik iek, dahlak taong yaom glaong. Dalam tukvak jit covid ye dom dân quân thau cambaih dom sang saong dom urang daok di tỉnh ban karei mai pathau khan tagok pakat angaok thau.

Bruk ngak ini, lac bruk peih ngak biak gheih ghang jalan ba di Đảng ka  dak padang nền quốc phòng taong abih bhap bani khang kajap tal pakat xã, ấp. Bruk ngak ini hu Quân khu 7 tacei pato samar drah ngak brei pambak prong tabiak dalam labik, tapa nan ba tabiak hu ilamu biak hu yaom piah ka dom puk palei dalam Quân khu 7 meda bac megru, ba tabiak ngak tui./.

Urang lang: Jasi -12/1