Rilo dam dar ngak mbang naih joi hu pok brei angan 

Ba tangin tame padang mbang angui meng thun 2015, tok hu 5 sào hamu, meng hatai kham merat, takre bac megru, tari taring ngak mbang, sa-ai  Bá Đình Trang hu salih tapa ngak padai pajaih. Tukvak akaok mereip ngak padai pajaih sa-ai gaok biak rilo kan kandah, gam kurang phun jien, gam kurang ilamu. Taphia di nan, langik tasik oh laghaih, bhian njauk tua riya pandiak bhang, ribuk aia sua ngak khat lahik trak. Yaom lac gaok biak rilo kan kandah, min meng hatai kham merat oh tah klaak hatai takre di drei, sa-ai Trang oh padeih bac megru ilamu, hu mbaok tame dom tal pato pathram kayua pasak pachreih nong huyện peih tabiak; langiu di nan, sa-ai daok nao ravang iek, bac megru ilamu ngak padai pajaih piah ba tame bruk ngak di sang drei. Urak ini, sang sa-ai Trang ngak 5 ha padai, yaok thun ngak hu 3 vụ, mek hu 70 tạ/ha. Kaoh abih phun jien buh tame, yaok thun sang sa-ai mek tame hu jaik 400 triệu đồng.

Langiu di bruk ngak padai pajaih, thun 2017, sang sa-ai peih đại lý khak drak, blei pajaih padai bahrau mai piah buh brei dahlau ka mikva dalam palei. Hadei di labaih 3 thun sa-ai hu mboh tangin pambuak bruk haong jaik 50 baoh sang dalam xã piah ngak padai pajaih saong buh brei dahlau khak drak, jru cavao.. Oh padeih veik di nan, meng hatai taring ngak, sa-ai Trang daok buh jien tame ngak sang raong cim yến labaih 1,4 tỷ đồng. Sa-ai Trang brei thau, labaih 3 thun gilac veik ini, urang pala padai bhian gaok kan kandaj ka yaom kaom tuk trun tuk tagok, nan ye sa-ai ginum haong urang dalam sang buh jien tame ngak sang yến ini.  

Tuk bahrau peih taneh ngak biak kan kandah...

Oh lac tok ngak kaya meda ka baoh sang di drei, meng dom ilamu mek hu dalam tuk ngak kinh tế, sa-ai Trang tuk halei jeng halan hatian tacei pato, daong ka dom dam rada dalam xã Phan Hòa hu hatai caong khin ngak kaya meda angaok bhum taneh palei drei. Sa-ai Dụng Khải Hoàng daok di palei Bình Thắng, xã Phan Hoà, huyện Bắc Bình lac sa dalam dom urang hu sa-ai Trang daong dalam bruk ngak mbang. Sa-ai Hoàng ndom ka sa sa-ai Trang yau ini:

Saai Trang biak naih ghieh hu ilamu dalam bruk pala drak 

Taphia di bruk kham merat ngak mbang cak rok patagok kinh tế, sa-ai Trang bhian hu mbaok tame dom bruk ngak di Kapul, nyaom dalam palei. Ndom ka sa-ai Bá Đình Trang, amuk Tạ Thị Thu, Akaok kapul urang nong xã Phan Hoà, huyện Bắc Bình, tỉnh Bình Thuận, lac:

Saai Trang biak tari tarieng dalam bruk ngak di drei 

Tapa dalikan ka bruk padang mbang angui di sa-ai Bá Đình Trang mboh lac bruk padang mbang angui di bhum palei yaom lac hu dom kan kandah min meyah hu hatai takre saong tari taring ye meda ba mai jak jeng angaok jalan padang mbang angui./.

Uang lang: Jasi -13/3