Rilo mblang taneh patagok yaom piah dui pachreih urang blei 

Tui Sở Padang ngak TP.HCM, tapa pasang iek danak dak La Partenza (xã Nhơn Đức, huyện Nhà Bè) di po buh jien tame ngak lac Công ty TNHH Giao Hưởng Xanh, Sở Padang ngak ban raya ndom lac, danak dak oh ka ginup điều kiện pablei sang daok dalam harei hadei saong gah Sở jeng oh ka hu harak brei adat ka po buh jien tame ngak pablei sang daok.

Sa danak dak karei di phường Phú Mỹ, Quận 7 daok hu ieu pablei rilo, yaom lac oh ka hu ngak blaoh takai, móng. Po buh jien tame ngak danak dak ini hu brei peih bruk meyaih khan, taduan mek jien di urang blei saong mboh tangin  tame “harak pambuak bruk dịch vụ”. Urang pablei pandap ndom lac “harak pambuak bruk dịch vụ” dreh yau biên bản caik jien cọc atau harak pambuak bruk caik jien cọc, dom baoh sang jeng hu peih pablei dahlau di tuk danak dak padang ngak blaoh móng. Hadei di tuk urang blei caik jien cọc 50 triệu đồng sa baoh sang ye hadei di 7 harei meda mboh tangin  tame “harak pambuak bruk dịch vụ” saong palih ruah jalan ba-yar jien.     

Luật sư Trần Đức Phượng, Kapul Luật sư ban raya HCM brei thau: paka 55 Hukum pablei salih Sang danaok taneh riya thun 2014 brei thau, adat piah ba tame pablei salih Sang danaok taneh riya hu padang ngak di anak tal lac brei hu harak gar ka quyền pandar taneh, harak gar ka danak dak, thiết kế bản vẽ padang ngak hu jabat karja pasang iek, brei adat. Daok meyah danak dak lac sang chung cư, sang praong hỗn hợp padang ngak piah daok ye brei hu harak nghiệm thu hu ngak salah blaoh takai móng. Tui luật sư Phượng, urak ini hu rilo jalan ngak "plaih hukum" bo po buh jien tame ngak saong dom jabat môi giới, sàn giao dịch Sang danaok taneh riya pandar piah caik cọc, khik labik yau: pambuak bruk dịch vụ, pambuak bruk tư vấn, pambuak bruk pagun blei pagun pablei…:

Ngan haong dom danak dak oh ginup điều kiện bo ieu pataom phun jien lac suan adat hukum. Urak ini, po buh jien tame ngak ba tapa gah sàn, blaoh sàn pambuak bruk pablei tabiak darak pasar. Dom urang nan plaih hukum tui jalan ngak giao dịch oh caik ka po buh jien tame ngak tra, bo salih tapa công ty môi giới sang danaok taneh riya.

Sở Padang ngak TP.HCM brei thau: Dom po buh jien tame ngak urak ini taduan mek jien cọc, ginum biai khik labik ngan haong yaom jien biak prong, meda hu tal 80% yaom di baoh sang. Yau nan min, bruk brei thau ka jalan pandar jien cọc di dom po buh jien tame ngak daok rilo cuang kandah, oh daok dalam thẩm quyền di Sở Padang ngak. Meyah po buh jien tame ngak oh pandar jien cọc tame bruk padang ngak sang daok ye bruk caik jien cọc ini oh njauk lac jalan ieu pataom phun jien. Kadha ini ba tal kan kandah dalam langyah bruk ngak suan ngan haong po buh jien tame ngak dalam bruk ngak mbang pablei salih Sang danaok taneh riya. Dom tavak tave ini hu Sở Padang ngak TP.HCM payua tagok Mentri padang ngak samar hu harak tacei pato peih ngak min tal urak ini mentri oh ka hu panuac javap jaleiy.

Dalam tuk jabat chức năng daok having akaok piah langyah bruk ini, ye cambaih laih urang blei sang mbuan gaok bala praong tuk blei danak dak sang daok hu padang ngak di anak tal. Anak meta mboh lac, urang blei sang tuk halei jeng daok di gah la kayua oh njauk lac thei jeng thau cambaih dom adat hukum piah ndok quyền lợi veik ka drei. Tui Tiến sỹ Nguyễn Trí Hiếu- chuyên gia kinh tế, tuk ieu pataom phun jien meng urang blei sang, oh hu jabat halei pasang iek bruk pandar phun jien ini ka nyu cambaih laih. Kadha ini mbuan ba tal bruk po buh jien tame ngak pandar phun jien suan bruk ba tabiak, gaok mai ba jien nan nao buh tame ngak rilo danak dak dalam sa tukvak haong gauk. Kayua yau nan ye, bruk suai jao brei sang, gaok tuk mai danak dak pacah jaleih lac bruk mbuan rah tabiak:

Dom po buh jien tame ngak njauk nao mesre jien di gilang pariak oh njauk lac ieu pataom phun jien di bhap bani. Bhap bani meda caik cọc min njauk caik dalam sa tài khoản phong toả,nan lac pakauk urang buh jien tame ngak ieu pataom phun jien meng bhap bani.  

Anak meta, Sở padang ngak TP.HCM tok hu panuac kakei urang blei sang njauk duah thau ka cambaih bruk saong ba tabiak angan dom danak dak ginup  điều kiện ieu pataom phun jien angaok blah web. Yau nan min, panuac khan brei thau jaik abih bo sở ini ba tagok web jeng atah di ini 1 thun (25/1/2021), biak klak saong oh hu brei thau bahrau ka dom danak dak daok hu pablei salih jaik di ini. Njauk tal tuk jabat ngak adat hukum brei njauk pabak tame dom adat brei thau ka tukvak pabak thong tin di jabat chức năng, jeng yau pacap po buh jien tame ngak peih tài khoản gilang pariak karei tuk ieu pataom phun jien meng urang blei sang./.

Urang lang: Jasi -13/1