Oh sa janih di pakat ha tang hu buh prein tame, jalan ngak mbang di bhap bini rahra jeng hu salih barau kayua hu danak dak masraiy jien ngak phun, daong ilamu ky thuat pal drak saong raong glang di karja nagar. Muk Đào Thị Dương, daok di palei Lồ Ồ, xa Nghĩa Thành, Ban raya Ho Chi Minh khan brei tahu lac, dalau rahra daok ralo rambah rabeip, urak ini radiuk hu tagok mboh di mata. Sang halei jeng hu talei gom ndien, ia hacih pandar mai tal labik, palei pala hu jalan praong tuh manyeik gheih ghang. 

“Dahlau diah biak kan, mai meng hu karja jak ba mikva di ini ba prein tabiak ngak jalan. Dak harei hu daong phun jien, pajaih pala, anek athur raong ba tame ngak mbang brei ka mikva. Urak ini rai diuk mikva hu salih barau ralo, mikva oh daok iek maong akaok di karja, meng rup drei ngak mbang, mbaok mata di Lồ Ồ salih bahrau ralo.”

Bruk drei yau kadha ni di palei Gò Sầm, xã Láng Dài dalau hu di xa Đất Đỏ – labik hu ralo bangsa Khmer, Chơ Ro, Tày daok dang ngak mbang. Ong Lý Văn Sáu, xa Đất Đỏ khan brei thau, dalau diah oh hu sang daok, meng di tuk hu Danak dak padang sang brei ka urang bangsa takik sang danaok di drei hu sang danaok hadah hadai. Jalan nao mai hu tuh manyek, talei gom dan saong ia hacih hu pandar, bhap bini rahra hu padang sang danaok khang siam karo, dah krah di dalam raidiuk:

“Karja biak caik hatai tal bhap bini, ngak sang bait sang iek ruak blaoh brei lamo kabo pabe brei ka rahra raong, hulin kau saong mikva biak bui sambai. Urak ini hu sa jalan ba hatai ngak mbang, raong glang, ham rambah glaih hasit mada jak jeng hu.”

Ngak thui Danak dak tapak mbram di karja Nagar brei ka patagok kinh te, xa hoi bhum urang bangsa takik  song bhum ceik, tinh Ba Ria - Vung Tau dahlau buh tabiak labaih 7,3 ty dong daong ka mikva bangsa patagok bruk ngak mbang; ka anek bik nao bac; patui khik ilamu harei raya bangsa, bhap bini piah khik caga yaom kom ilamu siam makre urang bangsa takik . Ong Lê Thanh Liêm, Akaok UB Bhap bini xa Châu Đức, Ban raya Ho Chi Minh brei thau lac:

“Langiu di bhapbini rahra tame bruk patagok ngak mbang, paralo jien mek tame sang danaok di urang bangsa takik, patagok glo akaok saneng di urang bangsa takik daong praong tame bruk takah brei alin prei yava, taneh riya ngak jalan mabak… daong padang jalan mbak, daong nao mai siam jang, mbaok mata palei pala dah hadai ralo.”

Tui ong Đỗ Chí Khởi, Akaok UB Bhap bini xa Kim Long, Ban raya Ho Chi Minh, harei ini anek urang bangsa takik hu bac magru tal labik dhua. Ralo adei tamat univesiti gilac mai palei tame bruk jabat karja, patui bruk brei padang saong khik caga ilamu bangsa. Oh dang di yau nan, jeng hu urang jeng po urang ngak mbang blei salih urang bangsa takik buh jien padai tabiak ngak mbang ka palei, peih ralo bruk ngak ka yaok ribau urang ngak di bhum palei:

“Gam saong bruk padang karja, urang bangsa takik jeng tame bruk ba jalan, iek glang. Dalam nan di sang bac jeng hu urang dang urang Chơ ro dang akaok, dom bruk ngak ilamu hu urang bangsa takik tame ngak di Pasak ilamu. Urang karja jeng urang urang bangsa takik, tuk peih ngak dom bruk praong di karja nagar hu ba ngak tal bhap bini rahra biak siam.”

Dom drei pabe, pajaik anek lamo hu daong brei, dom jalan hu peih praong, ralo baoh sang bahrau tamuh tagok gheih ghang salih ralo baoh sang taik tahak... brei mboh hu Ndang saong karja nagar caik hatai iek glang saneng kuhria brei ka urang bangsa takik. Masa mai meng anak, dom dom pakat karja daok pataom prein brei ka sarak karja ngak brei ka sampurna siam makre jang. Akaok mbram luac abih di nyu ngak yau habar brei ka urang bhap bini rahra urang bangsa takik  hu ralo siam makre jang di abih njauk tui sarak di Ndang brei patagok raidiuk jeng ye bui sambai chreih chrai selamat di bhap bini rahra./.