Huyện Ngọc Hiển ieu lac sa huyện daok di hujung Mraong di Cà Mau sa labik khang di gah kaya ikan dalam ia. Hadei kham marat, tal ini, huyện hu 21 janih kaya hu OCOP 3 patuk dan haong 1 kaya ndap nda hu OCOP 4 patuk. Dom ndap nda kaya OCOP dom janih kaya krih bingi, sa janih khang di bhum palei, yau ye: hadang thu, pei hadang, ba khía hara, masin ikan sơn,..

Piah ndap nda kaya OCOP di palei hu ralo thau tal, langiu khan yaih, khan brei thau ndap nda di dom labik jirah main, labik pablei ndap nda, tame harei raya pasar, pachreih pablei salih… ye dom hợp tác xã, dom labik ngak tabiak ndap nda pachreih salih lek taka chuyển đổi số, pandar ngak kong brei ka jammariah khautin tame pablei ndapnda, tapa majam pablei salih tui jammaraih điện tử, website, mạng rahra xã hội… Jeng meng ini, dom khautin brei ka ndapnda jeng hu brei ngan cambac lac piah mbuan si pilih.

Saai Trương Kim Loan, po ngak Giang Loan, xã Tam Giang Tây, huyện Ngọc Hiển khan brei thau, hadei masa tukwak pablei ndap nda di angaok online tapak hu yau nan ndap nda pablei hu mboh ralo. "Meng akaok thun ini mai, dom ndap nda pablei tabiak hu, karo, patgok meng 2-3 mbang dut tui meng dahlau, dalam nan ralo di nyu hu tuai damuai bahrau, dak ndap nda meng tiktok, zalo, daong ka labik ngak mek hu jien tame ralo, daong bruk ngak ka ralo adei saai di bhum palei. Dalam nan, dom janih ndap nda di labik hu urang mboh cambaic lac jang dan haong mbuan si pambuak brei blei ralo jang dut tui meng dahlau".

Urak ini dalam tỉnh Cà Mau hu blaoh 46 janih ndap nda di 17 po urang hu ba tame brei parabha hu angan di dalam jeng ye langiu tỉnh. Dalam nan jeng hu ralo ndap nda hu pambuak pagam brei parabha ka dom pasak pablei salih, pasar raya, kadai kuan lagaih. Langiu di nan, hu yaok rituh janih ndap nda hu pambuak haong majam mayit pablei salih nao mai meng jamraih online; 35 janih di 24 po patabiak hu asal di Pabah mbang patabiak ndap nda hu asal di dalam tỉnh...

Kuria mbiah tal ini, tỉnh hu 142 janih ndap nda hu brei angan njauk tanut OCOP. Tapi min, urak ini ka oh hu ndap nda OCOP hu tanut 5 patuk. Kayua yau nan ye, piah tui jalan pachreih haong papraong bruk patagok ndap nda OCOP, tinh Cà Mau peih ngak ralo caga janih patagok ndap nda OCOP meng 4 patuk tagok 5 patuk, tapa di nan daong brei angan ndap nda khang kadang siam makre lagaih di drei di bhum palei.

Piah caga dom janih kadha taka piah ngak hu, meng akaok thun mai, Sở Nong nghiệp và Phát triển nong thôn tỉnh Cà Mau pambuak haong bhum palei ieik glang, pilih ruah janih ndap nda siam makre di drei. Tui jalan hatai khin, lagaih haong kein raba di drei, prein yawa di po ngak, urang ngak nong palei pala dakwah dom po ngak tut tangin brei patagok ndapnda. Gam tui di nan, brei ba tacei dom taka haong dom dom yam njauk ngak piah dom bhum palei pilih ndapnda lagaih di drei.

Ong Nguyễn Văn Quân, Phó Yam ndok Sở ngak Nong haong Patagok bhum palei tỉnh Cà Mau khan brei thau, bruk khang hatai di tỉnh kham marat daong haong brei patagok pakat takik di nyu 15 janih ndap nda kaya meng 4-5 patuk. Piah ngak hu dom paka yau nan,  di bhum palei kan si patagok barau haong patagok tanut tukik di nyu 30 ndap nda hu tanut meng 3-4 patuk, khin patagok brei taong abih ndap nda kaya mek hu angan hu 168 janih ndap nda; takik di nyu 50% di OCOP tame brei pablei di dalam majam bahrau pagap ye: darak pasar raya, kadai kuan pablei lagaih, majam mayit pablei salih điện tử elektrik...

Urak ini Akaok UBND tỉnh Cà Mau rabha brei ka dom sở, dhan gah, palei pala patacei daong ba urang pasamu dom taka ganap sampura brei ka bruk peih praong sang ngak, pabak jammaraik, ilamu barau; jalan ngak tui ilamu glaong; papaok, thaik thaok siam makre, ilamu, brei dom khau tin ka janih ndap nda; paganap sampurna dom angan njauk tui tanut pablei./.