Bruk dom sang bac ĐH peih mbang pakacah karei di drei piah pilih ruah anek saih hu maong lac jalan ngak di anak tal

Tui Mintri pato Megru, bruk ramik veik kỹ thuật dalam adat pilih ruah anek saih thun 2022 piah khik ka yaok anek saih tok hu pilih ruah sa hatai caong bo dom adei pilih ruah dahlau di abih, patrun tal tanut biar di abih bruk “ảo”, jeng hu makna lac brei jalan ka dom anek saih hu hatai caong bac da-a biak biai. Langiu di nan, jeng lac jalan ka dom sang bac daok di “kapul mala” meda pilih ruah hu ginup anek saih tame bac bo oh cang pabak tame hadei.

Daok tui dom chuyên gia pilih ruah, ngan saong dom jalan pilih ruah aval, dalam jalan ngak di Mintri pato Megru binah halei jeng ngak ka anek saih mboh trak damak gah tacei tabiak cambaih dahlau – hadei hatai caong dahlau di abih. Yau ye dom thun pilih ruah dahlau, anek saih meda hu tame rilo sang bac meng dom jalan pilih ruah karei di gauk. Hadei di tuk thau hu bruk pakacah tamat THPT, anek saih pilih ruah bac da-a di labik drei takre di abih meng bruk nộp harak chứng nhận brei thau ka bruk pakacah tamat THPT piah tame bac. Min thun 2022 ye karei jang, bruk halang “ảo” mangaok hệ thống ngak ka dom anek saih tok hu tame sa sang bac min, meng nan nyu caik ka anek saih sahneng kuhria biak tani tanat tuk dak dahlau – hadei hadai caong pilih ruah di drei.

TS Nguyễn Tiến Dũng, Phó Hiệu trưởng Sang bac ĐH Hà Nội brei thau, thun 2022, anek saih hu pilih ruah tame dalam mbang pilih ruah karei jeng brei mboh bruk ini meng tut angan hatai caong mangaok hệ thống di Mintri Pato Megru. “Meda hu bruk lac, tuk tut angan pilih ruah mangaok hệ thống di Mintri Pato Megru, anek saih oh caik hatai caong pilih ruah hu pilih ruah blaoh lac hatai caong 1, bo meda ba trun lac hatai caong 2, 3, 4…, kayua dom adei sahneng lac, hu pilih ruah brei tame blaoh meng jalan karei piah hu rilo jalan pilih ruah brei tame. Ini lac bruk suan, njauk plaih, nyaik, kayua tuk pilih ruah, halang “ảo”, hệ thống nyu pilih ruah tui hatai caong dahlau – hadei di taong abih gah, kuhria gam hatai caong bo anek saih hu pilih ruah blaoh dahlau di nan”, TS Nguyễn Tiến Dũng brei thau yau nan.

Kayua yau nan ye, tuk tut angan mangaok hệ thống di Mintri pato Megru, anek saih njauk pilih ruah hatai caong hu ginup điều kiện pilih ruah lac hatai caong dahlau di abih (lac hatai caong 1). Makna lac, meng rami ramik veik gah tut angan pilih ruah saong halang “ảo” dom jalan pilih ruah, caik ka anek saih brei hu jalan dak hatai caong dahlau - hadei. 

Thứ trưởng Mintri pato Megru Hoàng Minh Sơn jeng khan lac, dom sang bac njauk kakei dom anek saih caik hatai sangka, tuk tut angan hatai caong pilih ruah, meyah hu blaoh kết quả saong hu pilih ruah blaoh, njauk caik bruk pilih ruah nan, lac hatai caong 1. Hệ thống meda halang “ảo” iek tui hatai caong bo anek saih hu tut angan blaoh piah pilih ruah tabiak hatai caong pilih ruah dahlau di abih./.

Lang sap: Mousa Phương – 14/05