Kayua oh duah hu darak pasa piah pablei nan ye bhap bini oh daok mbak carak haong bruk ngak

Mikva bangsa Cơ ho daok di xã La Dạ huyện Hàm Thuận Bắc, tỉnh Bình Thuận hu bruk manyim khan bai meng kan. Thun 2005, UBND tỉnh Bình Thuận pok brei angan Palei menyim khan bai La Dạ. Piah cak rok patagok palei ngak, sa danak dak padang ngak labik manyim khan bai, ngan haong yaom jien abih  tih jaik 2,2 tỷ đồng hu tỉnh peih tabiak ngak meng bilan 11/2008. Tỉnh Bình Thuận caong lac, danak dak meda daong khik ramik saong pasiam veik bruk ngak meng kan ndung bak ilamu di bhap bini bangsa takik, gam haong nan, daong ba bruk ngak, tagok jien mek tame ka bhap bini. Min, danak dak pasiam veik saong cak rok patagok palei manyim khan bai La Dạ padeih ngak di thun 2013. Dalam tukvak ini, palei ngak peih hu 4 tal pato bruk manyim khan bai, min pandap menyim tabiak kan pablei kayua oh lagaih haong hatai takre di urang pandar.

Thun 2008, UBND tỉnh Đăk Nông rami ramik brei 6,5 tỷ đồng piah peih ngak danak dak palei ngak meng kan Liêng Nung di palei N’Jriêng, xã Đắk Nia, ban sit Gia Nghĩa (urak ini lac ban Gia Nghĩa). Danak dak pamaong tal bruk rik daong khik ramik bruk manyim khan bai, ba bruk ngak ka bhap bini bangsa Mạ daok di xã Đắk Nia. Min danak dak jeng oh ngak hu kayua rilo makna. Urak ini, palei ngak ini tok daok hu Kapul pambuak gauk manyim khan bai saong Kapul pambuak gauk ngak alak hu mbaok tame ngak di tuk lễ tết.

Oh njauk lac palei manyim khan bai bo rilo palei ngak meng kan di urang bangsa takik jeng daok sit veik. Kayua prein maraik gauk bier, oh duah hu darak pasa piah pablei, jien mek tame bier nan ye bhap bini oh daok mbak carak haong bruk ngak. Bruk ini ngak ka oh takik palei ngak hu brei angan njauk padeih ngak, atau lahik nao.

Tui pathau khan di gah Ngak nong saong patagok palei pala tỉnh Bình Thuận, dalam bhum bangsa takik di tỉnh dahlau daih hu 3 palei ngak hu brei angan, lac: palei ngak lar am di bhap bini bangsa Cam saong palei manyim khan bai di huyện Bắc Bình, palei menyim khan bai xã La Dạ, huyện Hàm Thuận Bắc. Min tal urak ini mboh daok sa palei ngak gaok glah Bình Đức jeng daok ngak. Ini lac Inem krung ilamo phi vật thể pakat negar, hu Mintri Ilamo Thể thao saong Du lịch brei angan di thun 2012 saong daok hu Bình Thuận ngak harak piah pok tagok UNESCO ba tame Angan inem krung ilamo phi vật thể njauk khik ramik. Min, bruk ngak di palei ngak ini jeng daok sit nao, urak ini tok daok 64 sang hu mbaok tame ngak.

Dalam kham marat khik ramik ilamo siam gheih di dom palei ngak saong peih tabiak jalan ngak mbang duah jien, bahrau ini Danak dak khik ramik saong patagok palei ngak Việt Nam tukvak 2021 – 2030 hu Thủ tướng Rajaei brei ngak di Sarak ka 801 harei 7/7/2022. Dalam bruk ngak di Danak dak pamaong tal cak rok patagok palei ngak ka mikva bangsa takik. Min, asal kadha di Danak dak khik ramik jeng dreih gauk yau dom danak dak khik ramik, cak rok patagok palei ngak meng kan hu patabiak dahlau di nan, abih di nyu nan lac bruk khik ramik, cak rok patagok palei ngak pambuak haong du lịch

Biak di nyu mboh lac, meng dom thun 2000, hu biak rilo sarak daong, pasiam, patagok palei ngak hu ba tabiak. Dalam nan hu gam dalikan ba palei ngak cak rok patagok pambuak haong ravang me-in. Min jalan piah nao tal bruk ba tabiak di dom palei ngak, meda lac daok rilo cuang kandah. Kayua dom danak dak cak rok patagok palei ngak jeng daok hu iek samu yau gauk, oh kuhria tal bruk karei di yaok gah, yaok bruk ngak cambaih laih./.

Urang lang: Thu Thao – 13/08