Urak ini, meng bruk buh jien tame di Đảng, Kanja, gam haong bruk bruk kham marat di kanja palei, bruk rik daong di rahra, jalan mbak palei pala di Phú Mỹ dak harei dak hu ngak siam, pabak bruk nao mai, cak rok patagok kinh te di rahra. Kadha vak di urang vak Thạch Hồng brei thau ka bruk nan:

Akaok thun ini, Kanja palei saong rahra di xã Phú Mỹ, huyện Mỹ Tú hu biak rilo bruk bui sambai bahrau tuk rilo mbaik tatua bê tông palei pala hu padang ngak salah. Di palei Đai Úi, mbaik tatua praong 3,5m pambuak haong jalan tame palei hu ba tame pandar hu daong ka bruk pajeng ba pandap panda, kaya nong di mikva hu mbuan lagaih. Mbaik tatua hu bruk rik daong jien padai di kanja palei, urang ngak pahla saong rahra, hu daong prein jhul bruk kinh te palei palei dak harei dak cak rok patagok. Ong Cao Thành Chương, sa urang daok di palei Đai Úi bui sambai khan lac: "Dahlak biak thau dhar phol kanja hu sangka peih praong mbaik tatua bahrau ini. Dahlau deih jeng hu tatua min sit, nan ye bruk nao mai, pajeng ba pandap panda, abih di nyu nan lac pandap ngak nong gaok kan kandah. Urak ini peih praong tatua, dahlak jeng biak thau dhal phol kanja, hu tatua bahrau ini, daong ka mikva nao mai hu lagaih jang biak rilo".

Tal puac thun bloh, Phú Mỹ hu labaih 13km jalan nao mai dalam xa, jalan nao tal dom xa hu tuh bê tông, taong abih dom jalan palei hu ngak pakhang, jalan meng pasak xa tal huyen hu tuh nhựa. Tui panuac khan di rahra daok pak ini, jalan nao mai siam, kaya nong pajeng ba lagaih, pandap panda pablei mbuan hu daong ka rahra hu jalan patagok kinh te, ngak kaya mada puk palei. Amuk Dương Thị Sà Mi, daok di palei Đai Úi, xã Phú Mỹ, khan lac: "Dahlau deih nao mai kan kandah lo, kayua jalan mbak daok sit, nao baha gaok glut ini deih, kan lo. Urak ini jalan hu padang ngak bahrau dahlak biak uan tabuan, hu kanja palei padang ngak dom jalan, urang taha kol dahlak ruak kik ye nao taong ruak samar drah, blaoh bruk pablei salih, pajeng ba jeng mbuan, dahlak mboh puk palei urak ini salih bahrau, cak rok patagok biak rilo".

Kuhria tal puac thun blaoh, xa mek hu 17 asal kadha ka bruk padang ngak palei pala bahrau, daong cak rok patagok hạ tầng cơ sở yau ye jalan mbak, kraong ribaong, dien, sang bac  pabak hu bruk cak rok patagok kinh tế - xã hội di puk palei. Tal urak ini, xa hu 3/4 sang bac mek hu tanut chuan pakat negar, taong abih rahra jeng hu blei bảo hiểm y tế; jaik abih dom baoh sang hu pandar ia hacih, meng nan, chất lượng ridiuk di rahra dak harei dak hu glaong tagok. Taphia di nan, xa jeng peih ngak hu siam bruk rami ramik veik bruk ngak nong, cak rpok patagok kinh te palei pala, peih ngak danak dak yaok xa sa pandap piah paglaong yaom, paglaong ilamo pato bruk ngak. Ong Võ Văn Vũ, akaok UBND xã Phú Mỹ, brei thau: " Palei tuk halei jeng sangka paglaong raidiuk di rahra, abih di nyu nan lac dalam bruk ngak, raong glang, padang ngak palei pala bahrau, sangka peih ngak siam dien, jalan mbak, sang bac, bilai iek ruak, abih di nyu nan lac padang ngak tatua palei, brei ka mikva nao mai saong pajeng ba pandap panda hu mbuan lagaih,  abih di nyu nan lac mikva bangsa".

Meng bruk pato tacei khang di dom pakat ủy đảng, kanja, don danak dak, sarak bhum urang bangsa takik hu peih ngak samu gauk saong siam lagaih; dalam nan, njauk ndem tal di abih lac bruk cak rok patagok jalan mbak palei pala, hu ngak jeng prein khang jhul patagok kinh te -xa hoi bhum urang bangsa Khmer di xã Phú Mỹ, huyện Mỹ Tú, tỉnh Sóc Trăng dak harei dak cak rok patagok./.