Palei ngak ahar di tinh An Giang 

Tỉnh An Giang urak ini hu 29 palei ngak hu pok brei angan ngan haong labaih 3.800 baoh sang. Dom palei ngak ini hu ba bruk ngak ka jaik 12.100 urang ngak ngan haong jien mek tame meng 3 trieu mateh tal 5 trieu sa urang sa bilan. Dalam nan njauk ndem tal bruk ngak meng kan lac ngak saradang thốt nốt di rilo labik dalam tỉnh, ba jien tame tani tanat ka yaok rituh baoh sang bhap bini bangsa takik. Piah daong ka bhap bini hu mac jamriak piah ngak, Kapul urang ngak nong tỉnh hu daong 102 mac taong saradang thốt nốt ka mikva bangsa Khmer.

Sa palei ngak karei hu angan je meng lavik mai di An Giang nan lac palei ngak dak takuh di ban sit An Châu, huyện Châu Thành, hu meng thun 1957. Urak ini palei ngak hu 13 labik ngak, yaok bilan palei tabiak darak pasa meng 30.000 tal 45.000 pandap dak takuh. Ong Nguyễn Ngọc Giàu, akaok kapul palei ngak brei thau, meng hu jamraik, pandap panda bahrau daong ngak nan ye chất lượng pandap meng nan jeng tagok hu biak rilo. Palei daok pablei pandap tapa Campuchia biak rilo.

Urak ini tỉnh Trà Vinh hu pok brei angan 13 palei ngak, lac palei ngak kong, tiểu thủ công nghiệp xã Ðức Mỹ, huyện Càng Long; dom palei ngak tiểu thủ công nghiệp xã Ðại An, xã Hàm Giang, manyim cieu thảm xã Hàm Tân, huyện Trà Cú; palei ngak tiểu thủ công nghiệp xã Hưng Mỹ, pak yot, thủ công mỹ nghệ xã Lương Hòa, huyện Châu Thành; palei ngak tapei nung Trà Cuôn, xã Kim Hòa, huyện Cầu Ngang.

Ong Nguyễn Văn Song, Phó akaok UBND xã Ðức Mỹ (huyện Càng Long) brei thau, palei ngak kong, tiểu thủ công nghiệp xã Ðức Mỹ hu pok brei angan di thun 2017. Dom pandap panda hu ngak rilo abih di palei ngak, lac hu ngak meng phun tang, baoh li-u, dhar lục bình, pablei ka darak pasa dalam taneh ia saong pablei tabiak negar langiu. Di Hợp tác xã ngak cieu thảm Quyết Tâm, ngak labaih 46.000 blah cieu putih, cieu cói hijao…, ba bruk ngak ka 220 urang ngak dalam xã. Piah patagok năng suất, amuk Nguyễn Thị Diễm Trang, po labik ngak cieu di puk Ðức Mỹ, buh jien tame labaih 300 triệu đồng blei 10 mac manyim cieu bán tự động. Meng nan prein ngak glaong jang 10 mbang dut saong ngak meng tangin. Labik ini daok hu ba bruk ngak ka 15 urang ngak ngan haong jien mek tame labaih 3 triệu đồng sa urang sa bilan.

Tui Sở ngak nong saong patagok palei pala tỉnh Trà Vinh, pandap panda di palei ngak hu biak rilo janih, lagaih saong hatai takre di urang blei pandar, rik tame bruk salih bruk ngak mbang tui jalan siam lagaih. Tukvak anak tal, dalam jalan patagok kinh tế di tỉnh lac daok brei khik ramik saong patagok dom bruk ngak, dom palei ngak. Kayua yau nan ye, bilan 2 meng blaoh, Chi cục cak rok patagok palei pala Trà Vinh pasang iek bruk di 10 palei ngak saong ba tabiak rilo jalan ngak piah daong, ieu urang buh jien tame palei ngak, yaih khan pandap panda du lịch…

Tỉnh An Giang hu 12 dalam 29 palei ngak daok hu buh jien tame, padang ngak pagam haong bruk cak rok patagok du lịch di tỉnh. Min, cơ sở vật chất di dom baoh sang dalam palei ngak daok gaok biak rilo kan kandah, urang ngak ka oh hu bac tapa bruk ngak… Kayua yau ye bahrau ini tỉnh hu sarak daong jien padai ka dom palei ngak piah padang jalan khik caga alam môi trường; ngak harak gar piah likau hu pok brei angan saong peih bruk brei thau ka bruk ngak meng kan, palei ngak meng kan; daong ka palei ngak yaih khan pandap panda di mangaok blah website di tỉnh.

Tapa nan, dom palei ngak duah hu jalan cak rok peih praong, ngak jeng mbaok mata bahrau ka dom puk palei; gam tui di nan, rik daong oh sit tame bruk cak rok patagok kinh tế, pabak ka bruk padang ngak palei bahrau, brei mboh ilamo di dom bhum palei pala dalam tuk mbeik drei yam tame dunya./.

Urang lang: Thu Thao – 22/04