Urang lin dok pasram dalam bol bala 

Kak kajap haong bruk chính trị di taneh ia, Cảnh sát bhap bini hu ngak siam bruk tham mưu haong Đảng, Karja dom jalan ngak praong, sarak, adat hukum ka pacang caga tội phạm, khik kajap trật tự, an toàn xã hội, salih bahrau, sahneng duah, khang hatai mesruh pacang caga tội phạm, ngak jeng xã hội khang kadang, duh ka bruk salih bahrau, patagok KTXH di taneh ia.

Kuhria rah tapa yaok thun jaik di ini, Cảnh sát bhap bini duah thau, pasang iek, duah mboh  50.000 bruk phạm tội gah trật tự xã hội; 20.000 bruk phạm tội gah ma túy; 34.000 bruk phạm tội, ngak suan adat hukum gah kinh tế, tham nhũng, pablei salih pandap pakauk, pandar công nghệ glaong. Bruk pasang iek, duah mboh dom janih án hình sự hu labaih 75%, án biak trak saong trak biak trak hu labaih 90%. Abih di nyu lac duah mboh, duah thau, langyah rilo vụ án kinh tế, tham nhũng praong, hu ong Tổng Bí thư taong yaom lac "labik hadah", rik daong praong tame bruk pacang, caga tham nhũng di Đảng, Karja dalam tukvak meng bloh.

Gam haong ngak siam bruk pacang caga tội phạm, Cảnh sát bhap bini hu ba akaok nao dahlau dalam bruk chuyển đổi số, pandar ilamu công nghệ, abih di nyu lac samar drah ngak salah bruk padang Cơ sở dữ liệu taneh ia ka rahra saong peih bruk ngak labaih 65 triệu căn cước pagam chip điện tử ka rahra; gam haong nan, patagok bruk pandar dữ liệu dân cư, brei angan saong xác thực điện tử duh ka bruk chuyển đổi số quốc gia; salih bahrau harak gar hành chính, ba mbuan lagaih di abih ka rahra haong doanh nghiệp; rik daong salih jalan khik ramik meng thủ công tapa hiện đại, pabak hu bruk khik ramik taneh ia dalam tuk salih bahrau công nghiệp 4.0.

Bruk njauk biai nan lac, dalam 2 thun jaik di ini, gam haong abih gah dalam CA bhap bini, gah Cảnh sát bhap bini  hu brei yaok ratuh rabau urang jakar, urang lin nao pacang caga jit COVID-19, "nao tal yaok jalan, taih pabah mbang yaok baoh sang, pasang iek yaok urang", gam haong abih gah dalam CA bhap bini, ngak jeng "paga pasei pacang caga jit COVID-19 – khik kajap an ninh, trật tự, an toàn xã hội".

Tapa bruk ngak, tapa mesruh metak hu ngak jeng hatung hatian siam mekre saong ilamu anh hùng, hadah hadai di gah Cảnh sát bhap bini. Nan lac ilamu meng kan: abih hatung hatian haong taneh ia, haong Đảng, Karja saong bhap bini; Jum pataom gauk, kỷ luật catang, cambaih; Bản lĩnh, ilamu, nhân văn; jak gheih, khang hatai oh huac metai lahik, haluak gah bruk ngak, tantu gah adat hukum; kak kajap haong bhap bini, pambuak gauk catang haong bol bala bhap bini, dom pakat, dom gah saong pambuak bruk dunya praong dalam; salih bahrau, sahneng duah bahrau, pandar ilamu công nghệ duh ka bruk ngak hu siam mekre; abih hatai jai ka bruk ngak, oh huac metai lahik piah ba mai sron mbon ka taneh ia, haniem phul ka bhap bini.

Pak dalam saman sron mbon, darah di dom urang lin Cảnh sát bhap bini jeng daok haok ka bruk sron mbon di raidiuk, tok kuhria dalam saman salih bahrau mbiah tal harei ini, hu jaik 200 urang jakar, urang lin anh dũng hy sinh saong labaih 1.000 urang njauk rambus dalam tuk ngak bruk; gam haong nan, daok hu oh thau hadom urang var klak rup drei dalam kandang joa, oh yaok hu abih ka tukvak, prein yava, haniem phul eng drei di dom rai urang jakar, urang lin Cảnh sát bhap bini di grauk labik dalam taneh ia, piah "medeih ka rahra ndih, khik ka rahrah me-in sambai, mek haniem phul di rahra ngak bui sambai ka drei".

Angaok jalan labaih 76 thun dak padang, mesruh metak, praong tagok saong 60 thun ilamu meng kan di gah Cảnh sát bhap bini, hu ngak jeng oh thau hadom chiến công xuất sắc, hu Đảng, Karja alin brei rilo pok meyaom praong glaong. Dalam nan hu 1 Huân chương Sao Vàng; 12 kapul nyaom, menuac urag hu alin Huân chương Hồ Chí Minh; yaok ratuh kapul nyaom, menuac urang hu pok brei angan Anh hùng tapon nyaom bol pan phao kraong bhap bini saong rilo pok meyaom praong glaong karei karei. Chủ tịch Hội đồng Nhà nước hu alin brei gah Cảnh sát bhap bini 16 akhar ameh: "Cảnh sát Việt Nam jak gheih, khang hatai, kayua taneh ia, kayua bhap bini, var klaak rup drei duh ka bruk ngak".

Pahadar 60 thun Harei ilamu meng kan, gah Cảnh sát bhap bini hadah mbaok meta taduan hu Huân chương Hồ Chí Minh; 3 đơn vị saong 1 urang hu taduan mek angan Anh hùng tapon nyaom bol pan phao kraong bhap bini; taduan hu Harak tadhau ayuh di ong Tổng Bí thư Nguyễn Phú Trọng. Dom pok meyaom praong glaong ini, lac brei mboh dom rik daong praong di gah Cảnh sát bhap bini dalam bruk cách mạng di Đảng saong bangsa; lac bruk pachreih ba praong piah ka dom rai urang jakar, urang lin Cảnh sát bhap bini yam takai nao dalam bruk mesruh pacang caga tội phạm, khik kajap trật tự, an toàn xã hội, khik caga an ninh Taneh ia, palei negar./.

Urang lang: Mousaphuong- 20/7