Bilan 2/2023, Bol lin Caga jalan nagar tinh Cao Bang hu taong payah hu chuyên án CB223p ka bruk pablei salih manuac, urang njauk bala ieu lac kaman ka oh ganap bilan. Kapul ngak bruk cap khik Lê Thị Mỹ Lệ dan saong Phạm Thành Sinh (gam daok di huyen Krông Pắc, tinh Đắk Lắk). Kon ini mboh di mata kayua cap mek anek naiah kaman ba tapa jalan negar (di labik puk Tềnh Quốc, xa Cần Nông, huyen Hà Quảng). Bilan 7/2023, Kong an tinh Cao Bằng taong tayah hu chuyen án ka 623M, daong palao hu brei ka 2 urang kumei gam bala pablei salih manuac urang meng Myanmar mai Viet Nam.

Khan thau brei ka bruk pablei salih bhian rah tabiak di ini, saai Hứa Thị Thạch, Akaok Kapul Urang kumei xa Cần Nông, ban sit Thông Nông, huyen Hà Quảng, tinh Cao Bằng lac:

“Cần Nông lac xa bhum tapen negar. Di bruk pablei salih manuac urang tapa jalan tapen negar jeng daok rah tabiak. Mbang bahrau abih di bilan 2 thun 2023, sa uranaih likei barau ndih tapui manek 16 harei daok caga ba tapa Cina min hu kapul ngak bruk duah mboh di jalan 614 xã Cần Nông. Hadei di tuk dom gah duah mboh, mada hu jak ba dom baoh sang rik daong khan aw, ia tasau, bỉm blaoh ba nao jao ka Pasak daong khik xã hội tỉnh piah patui ieik glang sangka ka uranaih.”

Piah pacang caga dom kol bleik tachauk biak kanjak jhak ini, langiu di bruk hu mbaok tame peih ngak catang di kapul yau ye Kong an, Bol lin gah tapen nagar, dalam bruk peih ngak dom asal kadha di Danak dak ka 8 “Peih ngak bruk urang likei saong urang kumei samu gauk saong uranaih”, Kapul Urang kumei tỉnh Cao Bằng hu duah jalan ngak bahrau dalam bruk pathau khan saong peih ngak hu siam lagaih. Sa-ai Hứa Thị Thạch, Akaok Kapul Urang kumei xa Cần Nông brei thau:

“Dalam bruk paglaong hatai sahaneng di mikva ini, ye bruk pablei salih manuac urang tapa jalan tapen negar piah ngak pah, piah tok pasang negar langiu,… jeng daok rahtabiak. Kol dahlak pathau khan tal mikva, tal urang mbuan njauk bala di bruk pablei salih manuac urang, ye kol dahlak njauk langyah tantu cambaih laih ka bruk ngak chung tuk pablei salih saong jeng paglaong hatai sahaneng tal bruk ngak di bol bhap rahra lac njauk pathau khan brei dom kol tachauk kon bleik salih di jalan tapen negar, drei mboh dom manuac oh bhian krein njauk khan brei thau capat haong karja palei.”

Tui sa-ai Hoàng Trang Định, Akaok Kapul Urang kumei ban sit Thông Nông, huyen Hà Quảng, ngan haong bruk ngak urang dawak jak ba saong daong ka urang kumei, uranaih njauk cap pablei salih mai haong rahra, yaok urang kumei dalam kapul ieu lac sa urang dawah jakba di labik.

“Dom thun dahlau jeng hu 1 urang dalam kapul njauk pablei tapa Cina. Hadei di tuk mai palei, urang kumei dalam kapul ini jeng mboh malau, harei hadei hu dom gah, dom kapul nyaom jang yau dom pakat Kapul hu caik hatai ba dom kein lagaih saong caga dahlau thau dom hatai sahaneng, dom caong khin, ndem mayai nao mai njauk jalan saong hu dom panuac pachreih ba, saai nan meng war malau malit di drei saong dak harei dak hu sanang hatai tame phon haong rahra.”

Tui amuk Nông Thị Tuyết, Akaok Kapul Urang kumei tỉnh Cao Bang, tukvak masa tapa, Kapul hu pato pakai dom kapul dakwah njauk paglaong bruk pathau khan ka dom bruk mbuan rahtabiak, dom jalan ngak, dom kanjak jhak di bruk pablei salih manuac; dom adat hukum langyah ka bruk pablei salih manuac saong jalan langyah tuk rahtabiak, tuk mboh bruk pablei salih urang kumei, uranaih meda rah tabiak di anak mata; dom sarak saong mayit di Kapul urang kumei dom pakat dalam bruk daong ba, khik ieik dom urang njauk bala njauk di bruk pablei salih manuac urang gilac mai sang.

Dom bruk pathau khan dakwah di Cao Bang brei mboh bruk salih bahrau, dah krah dalam bruk duah jalan ngak bahrau di dom pakat, bruk ngak di urang jakar, kapul urang kumei, kapul pathau khan dalam rahra dalam bruk pacang caga bruk pablei salih manuac urang, pan sa tangin haong gauk padang ngak labik daok salamat brei ka urang kumei saong uranaih kumei./.