Harei puac adit, nai Rơ Mah H'Dịu, Akaok Bi thu Kapul di damdara xa Ia Kriêng, huyen Đức Cơ, tinh Gia Lai pataom dam dara uranaih di sang pasak ilamo uranaih piah pang magru dom urang thau ilamo pak gak manyim jih dalak saong ma-in gong caing. Dom kapul uranaih dam dara vang vil dom ong muk thau, caik mata caik hatai iek urang blah kreim, krih la-a … Kapul karei chreih chrai sambai saong saong ragam kaong caing. Nai kumei Bi thu Ndoan xa Rơ Mah H'Dịu khan brei thau Danak dak “Palei pak gak ilamo dam dara”, caong daong dom dam dara thau ranam saong pabuh dom bruk ngak meng kal di mukkei:

 “Bac magru ngak tui dah krah di Wa Ho Chi Minh brei ka bruk khik caga ilamu bangsa di palei Hrang, Kapul Ndoan kol dahlak padang Kalup capi tơrưng piah pamadeih pachreih hatai ranam palei pala bangsa ilamo Jrai ka dam dara. Khol dahlak da-a urang taha, urang ba ilamo mai ndom mayai, adaoh khan, dak dalikal ma-in capi ka dam dara pang”. 

Cara caga pandiak ka phun kopi hu urang ngak nong di Tay Nguyên caik tapak dalam hatai. Ilamo nan hu gru Siu Sắt, bangsa Jrai daok di palei Mrông Yố 1, xa Ia Ka, huyen Chư Păh, tinh Gia Lai khan di rayak intenet, chreih hu ralo urang tui iek. Gam tui di nan, gru Siu Sắt daok pato ba tapak, ka saong urang Jrai gam ngak kaphe brei ka karo kajap.

Hadei 10 năm, Siu Sắt gam saong diuk angan Rơ Châm Awưnh padang hu ndap nda di 40ha kaphe asal jeng ye padang peih Kongti TNHH ngak tabiak ndap nda Jrai Ialy. Bruk ngak tabiak kopi di kongti mek tanut Organic saong VietGAP, brei tabiak 3 janih kaya asal ndap nda: Kaphe Robusta tapung asal, Robusta asal saong Robusta mek angan “Jrai Ialy Coffee”, mek angan OCOP 3 patuk. Kongti jeng pambuak saong 50 baoh sang urang ngak nong piah patagok kaya kopi asal tamo. Gru Siu Sắt khan brei thau.

 “Dar panuac Wa Ho pato, Ong ama srei buh prei padang ia nagar, masuh matak saong khamang langiu nagar chok tame ye drei anek taco njauk padang taneh ia nagar meng prein yava bruk ngak, ba ilamo bac magru tame rai. Khol dahlak kham marat pataom mikva palei pala gam gauk ngak mbang, njauk yak yum jum pataom gauk yau Wa Ho kakei “Jum pataom, jum pataom, Raya jum pataom – Jak jeng jak jeng Raya jak jeng”.

Sa-ai Đỗ Đức Thanh, Phaok Bi thu Tinh kapul ndoan Gia Lai brei thau, 5 thun blaoh, tinh hu 400 ganu camir dam dara dah krah angan, dalam bruk ngak:

 “Bac magru saong ngak tui panuac Wa ieu lac sa bruk njauk biak njauk ngak piah papraong paglaong dom ganu dah krah. Meng di nan padang jeng bruk piah urang kapul ndoan bac magru, pachreih gauk ngak ka siam. Khol dahlak daok salih mbaok dakvah jak ba caik hatai ba tabiak dom janih jakba dakvah di rayak intenet.”

Bruk bac magru ngak tui akaok dah krah ilamo, jalan sahaneng hadah krah Ho Chi Minh hu kapul ndoan dam dara tinh Gia Lai caik hatai ba tabiak ngak. 5 thun blaoh, taong abih dalam tinh ngak hu 10.500 danak dak, gah bruk ngak di dam dara hu yaom labaih 150 ty dong./.