Dom adit puac thun, laik phone hotline di Công ty Dịch vụ pandap ieu yang Việt (ban Thủ Đức, TP.HCM) gam gam taduan hu dom panuac kakei blei dom salao pandap ieu yang. Saai Trần Công Trung – Taong Yam ndok công ty brei thau lac, dom menuac kakei blei tagok glaong dut saong yaok harei, công ty caong hu yaok piluh urang ngak di labik ghing saong urang nao jao pandap piah samar ba pandap ka urang blei.

Abih di nyu nan lac, ngan haong bruk jao pandap, Công ty Dịch vụ pandap ieu yang Việt caong hu 20 - 30 urang ngak tui bilan, thau pandar phone par tangin saong hu harak adat peih radaih A1, hu prein yava siam, khang kadang. Bruk ngak yaok harei lac jao 3 - 4 đơn hàng ye urang ngak meda hu jien mek tame meng 400-500 ribau đồng. Saai Trần Công Trung daok brei thau lac: “Kayua lac ngak tui bilan nan ye kol dahlak jeng papam pambak rilo tame dom đơn hàng. Min dom harei karei kol dahlak jeng khik kapul jao pandap partime. Nan ye ngan haong dom urang halei bo hu hatai ngak bruk siam, pabak hu bruk ngak ye blaoh Tết, kol dahlak jeng khik veik piah tuk hu đơn hàng ye kol dahlak jeng ieu dahlau dom urang ngak hu bruk piah rami ramik ba pandap nao jao”.

Di Công ty Cổ phần Việt Nam Kỹ nghệ súc sản - Vissan, thun ini meda tagok meng 8-15% ralaow daok matah saong dom janih ralaow ngak blaoh,  nan ye cty caong hu 300 urang ngak bruk tui bilan. Ong Phan Văn Dũng - Phó Taong yam ndok Vissan brei thau lac, yaom jien biyar hu kuhria tui tukvak ngak bruk 8 maong sa harei lac 230.000 đồng, urang ngak daok hu đóng jien bảo hiểm, daong var mbang jala pandiak saong alin brei dom pandap mbang:  “Kayua lac urang ngak bruk tui bilan nan ye oh caong hu tangin gheih ngak, tok ngak tui bruk halei caong hu kumei ye pilih ruah kumei, bruk halei caong hu likei ye pilih ruah likei, urang ngak pataom tame ka bruk ngak pandap. Daok tukvak tabung glaong Tết ye jien xăng lac 45 harei saong tui bruk,  bruk halei abih dahlau ye brei padeih dahlau”.

Tuk Tết, bruk caong pah manuac daong bruk tui maong jeng tagok glaong, min gah pabak daok takik nan ye yaom pah meda tagok tal dua mbang dalam tukvak ini. Saai Nguyễn Đình Thành Đạt, yam ndok rami ramik tacei jalan GuVi – Sa ứng dụng daong bruk tui maong hu rilo menuac pandar, brei thau lac, GuVi urak ini daok caong pabak labaih 100 urang pambuak bruk di 2 ban praong lac TP.HCM saong Hà Nội. Ngan haong dom urang ka oh hu rilo ilamo meda hu pato dom ilamo piah ngak. Saai Nguyễn Đình Thành Đạt khan lac, yaom pah urang daong bruk tui maong meda glaong biar jang gauk  tui yaok bhum, yaok maong ngak bruk: “Urak ini yaom jien mek tame di urang ngak lac 8 – 12 triệu sa bilan. Dom harei jaik Tết ye cty hu daong jien mek tame ka urang ngak tagok meng 20 %, daok dom harei Tết ye tagok 100 % dut saong yaok harei. Mayah urang ngak bo ngak hu dom maong ngak bruk takik abih dalam bilan, meda hu dom paok jien thưởng karei”.

Piah pabak bruk blei pandar dalam tukvak tabung glaong di rahra tuk puac thun saong jalan peih tabiak bahrau di dom labik pablei salih, rilo labik pablei lẻ di TP.HCM yau: Saigon Co.op, MM Mega Market, AEON Mall, Lottemart, Winmart... jeng daok kham marat pilih ruah urang ngak bruk ka bilan puac thun.

Saigon Co.op pilih ruah meng 1.000-2.000 urang ngak, công ty Cổ phần Pasak pablei salih Lotte Việt Nam caong hu 1.000 urang ngak bruk tui bilan.

Piah dui pachreih urang ngak bruk tui tukvak dalam tuk Tết Nguyên đán, gah pablei lẻ AEON Việt Nam ba tabiak bruk daong gah jien bilan. Tui nan, dalam labaih 20 harei dahlau di Tết, urang ngak bruk tui bilan tuk Tết hu mbang 150% jien bilan. Saong tuk ngak bruk di dom harei lễ Tết, urang ngak meda hu mbang 400% jien bilan tui njauk adat hukum ngak bruk.

Tui Pasak kuhria mboh dahlau bruk caong hu urang ngak saong darak pasa urang ngak di TP.HCM, thun 2024, bruk caong hu urang ngak di TP.HCM lac meng 300.000 - 320.000 labik ngak bruk. Ta-eng quý 1/2024, ban raya caong hu 77.500 - 86.000 labik ngak bruk. Dalam nan dang akaok bruk caong hu menuac ngak di gah ngak kong lac cơ khí saong công nghệ thông tin; dang akaok gah dịch vụ lac pablei salih drap ar, sang danaok, taneh riya./.