Mai tal xã Thới Xuân, dom jalan haluk, gluh baok di bilan hajan urak ini hu salih meng jalan bê tông khang kajap. Lac xa hu rilo mikva bangsa Khmer, dom thun tapa, kanja xa tuk halei jeng caik hatai sangka peih ngak dom sarak di Ndang saong kanja brei ka mikva bangsa takik. Meng nan, daong ka mikva yam tagok dalam raidiuk. Ong Đào Hết daok di xã Thới Xuân, huyện Cờ Đỏ brei thau: " Kapul urang ngak nong di huyện hu daong ka dahlak “baoh sang ka urang ngak nong” meng jien mbaok lac 40 triệu; brei masaiy phun jien di Gilang paraik sarak kanja piah ngak bein durain lac 50 triệu".

Tui ong Đỗ Xuân Phúc, Phaok Akaok UBND xã Thới Xuân, huyện Cờ Đỏ, Cần Thơ, thau hu hatai caong di mikva, xa hu jhul khang bruk peih ngak sarak y te sangka iek glang prein yava di mikva bangsa takik; paglaong bruk pabak dich vụ y tế hu chat luong; trun naong trak jien padai sangka prein yava. Abih di nyu nan lac, piah ka thẻ bảo hiểm y tế samar drah hu tal tangin rahra, khik siam bruk iek ruak ka mikva, urang bangsa takik gaok kan kandah, biak kan kandah, Bảo hiểm xã hội xã pambuak bruk biak catang haong dom jabat, dom mban pasang iek, padang angan haong pabak thẻ bảo hiểm y tế samu, samar drah: "Sarak ka 10 di HĐND ban daong pabak 30% meng kadung jien kanja di ban, daok 70% meng kadung jien di Rajaei, rahra oh daom buh jien blei bảo hiểm tra. Daok bruk daong phun jien meng Gilang paraik kanja, urak ini hu labaih 575 sang, abih tih 18,9 tỷ đồng".

Ban sit Cờ Đỏ jeng lac labiki hu rilo urang bangsa Khmer, meng bruk caik hatai sangka di Ndang, Kanja gam haong bruk kham marat di yaok baoh sang, raidiuk di mikva Khmer hu patagok biak rilo dut saong dahlau deih. Huyện hu kaoh tabiak jaik 20 ribau m2 taneh piah daong taneh daok saong sang daok ka bhap bini bangsa Khmer. Mai daok di pak ini 7 thun, sang saai Thạch Thị Hạnh oh lac hu labik daok khang kajap bo daok hu labik piah pablei salih, ba jien mek tame tani tanat. Saai Hạnh drut drui khan lac:

“Hu labik daok, hu sang daok Kanja daong brei dahlak biak uan taduan. Dahlau daih dahlak rambah lo, oh hu hamu puh, oh hu taneh, daok di mblang hamu atau likau daok di sang urang karei min".

Huyện Cờ Đỏ urak ini hu jaik 2.200 baoh sang bhap bini bangsa takik, dalam nan rilo meng lac urang bangsa Khmer. 5 thun tapa, palei hu padang ngak 135 baoh sang jumpataom yaom 6 tỷ đồng, brei mesraiy ka 889 baoh sang pok jien masaiy lac 36 tỷ meteh… Langiu di nan, palei daok peih ngak rilo sarak biak lagaih karei piah daong ka mikva hu jalan yam tagok dalam raidiuk. Puac thun 2023, jien mek tame tui kuhria yaok akaok manuac hu 50 triệu đồng; dalam huyen urak ini tok daok 10 baoh sang, 93 sang jaik kathaot. Ong Phạm Minh Thuấn, Phó Akaok Thường trực UBND huyện Cờ Đỏ, ban Cần Thơ ndom lac: “Sarak brei masaiy jien, pato bruk ngak, ba bruk ngak hu ba mai kein lagaih, samar drah pachreih ba piah ka mikva bangsa takik cak rok patagok bruk ngak mbang, tani tanat raidiuk, paglaong raidiuk saong bruk ma-in sambai ka mikva. Meng nan, mikva bangsa takik dak harei dak jia tame bruk pan akaok di Ndang, bruk pato tacei jalan di kanja saong jumpataom gauk, kham marat yam tagok".

Sang daok khang kajap jang, phun jien ngak mbang hu daong glaong abih, ia hacih, sang vệ sinh haci hacih,… urak ini hu di jaik abih dom baoh sang mikva bangsa takik di huyện Cờ Đỏ. Meda mboh lac, danak dak bruk bruk ngak negar ka palei pala bahrau, palei pala bahrau paglaong saong kiểu mẫu daok yau hangin yuk paglaong raidiuk, mbang ngui, daok dang di bhum mikva bangsa takik dalam huyện Cờ Đỏ tagok sa tanut bahrau.