Di dalam brein praong labaih 1 hecta di ong Lê Văn Việt, daok di xa  Ea Yông, huyen Krông Pắc, dom phun durian labaih 6 thun daok di dalam tukvak chroh bingu. Ong Việt brei thau, langik oh lagaih haong harei la-an dui atah, pablak haong dom mbang hajan karei kandah bilan ngak ka bingu durian oh kajap, tabiak baoh takik jang dut tui thun dahlau. Min, ong Việt jeng jie tui tame bruk lagaih di bein phun kayua baoh sang ong pala tui jalan sinh hoc, daong ka baoh patagok karo siam: “Gam tame bruk pala karo kajap yau dahlak hulin daok ngak, oh pandar jru pacuh pachreih, oh drak khak jru bahrau hoa hoc ye langik ini, brei baoh oh rilo min durian hu asar siam lagaih jang dut haong dom jalan pala drak karei saong nyu oh hu rah tabiak dom bruk bluk baoh, baoh oh hu ralo. Nyu ieu lac bruk pala drak karo kajap takik gaok kan kandah kayua langik jang”.

Pala drak karo kajap takik pandar ia jru hoa chat ieu lac sa jalan hu rilo baoh sang pala durian di dom huyen: Krông Pắc, Cư M’gar, Krông Năng… daok di tinh Dak Lak pandar dalam dom thun jaik di ini mai. Mikva pambuak haong gauk dalam dom kapul pambuak bruk, hop tac xa atau pambuak bruk haong dom gah ngak  bruk pablei tabiak langiu negar hu kein lagaih piah sua tangi, duah thau, bac megru ka bruk pala phun durian karo kajap dak harei dak ngak hu siam.

Dang di Anak di bruk ngak catang di Taong kuk Hai quan Trung Quoc brei ka dom tanut karo kajap, tinh Dak Lak hu pasang iek, daong pabak lek taka so bhum pala saong lek taka so labik papaok ka dom labik pabak ginup harak gar, asar siam di baoh durian. Tal ini, dalam tinh hu 68 lek taka so bhum pala saong 23 labik papaok durian hu mbaoh tangin pablei tapa Trung Quoc. Di dom bhum pala rilo durian, bruk pasang iek lek taka so bhum pala saong duah thau mai meng halei hu karja palei ngak biak tani tanat. Ong Trần Quốc Vĩnh, Akaok UB Bhap bini huyen Krông Pắc, huyen “bhum durian” di Dak Lak brei thau, huyen hu brei angan 37 lek taka so ka bhum pala saong 13 labik papaok saong daok patagok bruk pasang iek: “Khol dahlak hulin patagok bruk pasang iek lek taka bhum pala gam haong lek taka labik papaok piah ngak yau habar khik brei kajap karo hu dom tanut njauk. Dahlau di abih lac dom ngak ngak mbang pablei salih dalam huyen brei salah blaoh dom harak gar, abih di nyu nan lac dom janih bo urak ini Trung Quoc daok pakauk yau janih hu ia Cadimi atau janih Kanyik O.”

Tui ong Nguyễn Văn Hà, Phaok Yam ndok So Ngak nong saong Alam langik tinh Dak Lak, thun ini, tinh ba bruk kuhria ka jien padai mek tame hu dalam bruk pablei tabiak 1,8 ty USD, dalam nan durian that saong la-an khang lac ndap nda hu angan siam. Min, dom bruk rah tabiak di darak pasar akaok thun hu ba tabiak kan kandah piah ka gah ngak nong patui veik salih bahrau, paglaong asar siam di durian piah khik kajap darak pasar pablei tabiak.

Yaom mada hu lac gah durian di tinh Dak Lak hu brei mboh bruk pala, paik baoh saong asar siam, min piah pabak hu dom tanut chuan dunya catang, jeng brei ka hu rilo kham merat piah pasiam. Bruk pala drak karo kajap ieu lac sa bruk kham merat mbang akaok meti di tinh, lac sa bruk piah durian Dak Lak patui bruk pablei tabiak rilo darak pasar praong karei./.