Bo Tu lenh Ban raya Ho Chi Minh birau peih bruk dak padang Rup patau pahadar  Chu tich Ho Chi Minh saong Labik ilamo Ho Chi Minh di Labik inem krung Địa đạo Củ Chi.  Danak dak hu padang ngak di labik praong prang  piah bhap bini dalam negar  jeng yau ayut sahabat dunya mai jirah rivang, bac megru saong pok bingu saong cuh gilau. Tui kuhria mboh dahlau, danak dak nan ngak salah saong ba tame pandar njauk tuk pahadar 50 Harei peih paha gah Meraong negar, yasa taneh ia(30/4/1975 – 30/4/2025),  rik tame ngak kaya meda dom ilamo, sajarah di Labik inem krung Địa đạo Củ Chi.

Page ini, Hoi dong bhap bini ban Can Tho ka X, peih pakak mbang nyaom 19. Ong Phạm Văn Hiểu, Akok HĐND ban  Can Tho khan lac, mbang nyaom pasang iek Harak pathau khan  di UB bhap bini ban Can Tho ka bruk dak padang, dak ramik veik, khik veik dom jabat chuyen mon di UB bhap bini ban Can Tho. Tui nan, pasang iek bruk ramik pasiam urang jakar bien che dalam jabat karja, ngak bruk hanh chinh thun 2025 hadei tuk peih ngak dak ramik veik bruk ngak, dom jabat  chuyen mon  di UB bhap bhap bini ban Can Tho, UB bhap bini quan, huyen; palih ruah veik urang ngak Akok UB bhap bini ban saong dom bruk karei.

Huyen Tu Mơ Rông, tỉnh Kon Tum hu labaih 95% bhap bini lac urang bangsa takik. Đảng bộ huyen hu labaih 1.340 urang dang lac bangsa takik, meblah jaik 70% saong jaik 60% urang jakar, kong chuc, vien chuc lac urang bangsa takik. Tukvak tapa, dom urang jakar lac urang bangsa takik ngak bruk biak siam dalam bruk dak padang Ndang, pakat chinh tri dalam huyen. Dom urang lac dom manuac naih gheih patagok prein khang jum pataom dom bangsa, ba dom jalan ngak sarak di Ndang, hukum di Karja tame dalam raidiuk bhap bini dom bangsa takik.  

Tinh Bà Rịa - Vũng Tàu birau peih tal pato kadha daoh, alat ragam bhap bini Châu Ro. Danak dak ini dalam Danak dak “ Khik ramik, patagok  ilamo siam gheih mneg kan di dom bangsa takik pambuak haong bruk cakrok patagok yulit” di Danak dak pakat negar patagok kinh te- xa hoi bhum urang bangsa takik saong bhum ceik di tinh. Tal bac  tamat di  harei 28/2 anak tal. Dom adei anek saih hu urang nghe nhan pato dom kadha daoh bhap bini, ragam daoh dai yuan ka anek; bruk taong Kong - Cieng saong pato ndem meyai sap Châu Ro.

Tukvak tapa, di xa Đăk Plo, huyện Đăk Glei, tỉnh Kon Tum hu limo kubao metai oh bhian mboh. Bruk ba tal limo kubao metai kayau ruak aih caraoh kayua ký sinh trung, gam langik la-ar. Piah plaik njaik bruk nan, jabat chuyen mon kakei bhap bini  brei paglong jalan sahaneng, njauk brei salih birau bruk raong glang. Abih di nyu nan lac, dalam tuk langik salih bilan karei yau urak ini, mikva brei caga dahlau pacang caga jit ruak, khik brei siam ka taphon athur raong.

Tong thong My Donald Trump khan lac ong daok kuhria payua 20% jien di kadung Bo Hieu qua rajaei (iew lac DOGE) patak pataom hu brei ka bhap bini Mỹ saong 20% jien karei tra piah daong bruk pahala. Dahlau  di nan sa harei, urang kaya meda Elon Musk hu ba tagok mang xa hoi X mboh lac ong si ndem meyai haong  Tong thong Donald Trump bayar veik jien je ka dom baoh sang urang Mỹ, jien ini mai meng halau jien patak pataom hu tapa bruk cai pandar brei takik khat jien di Bo Hieu qua rajaei.

Dom sang bac di Australia daok dang anak dom bruk salih birau siam lagaih dalam bruk bac da-a hadei tuk taneh ia ini pakauk pandar ndien thoai dalm sang bac saong pacang khik catang bruk pandar pakao ndien tu. Akok mentri Pato megru Jason Clare jia lac, tuk hukum pakauk uranaih umo ala 16 thun pandar mang xa hoi ba tame ngak tui meng bilan 12 thun 2025 ye bruk taong paoh gauk di sang bac jeng meda trun takik.

Dak harei dak hu rilo roh duah pandar tri tue nhan tao, dom urang roh duah Italia daok duah thau saong piah ngak tabiak robot hu ngan Concert meda ndem meyai nao mai, gam ngak bruk haong manuac dalam rilo bruk, abih di nyu  lac dalam dom bruk mbuan gaok bala, metai lahik. Robot sami samar hadah krah nan lac pandap daok hu dom urang roh duah  di Vien Kong nghe Italia roh duah, daong brei takik prein ngak bruk di manuac dalam rilo bruk ngak karei di gauk./.