Dalam 2 mbang kalin kan praong taong thực dân Prang saong de quoc Mỹ, sang baha Ô Chumaram Prếk Chếk, xa Vĩnh Quới, ban sit Ngã Năm lac labik hu rik daong rilo piah ka bruk katmang di bhum palei hu jak jeng. Baoh sang baha hu raong saong padauk rilo urang ngak ka katmang saong hu rilo mbang njauk kol khaman brei ahaok par plaik mbom, cuh phao taong yah  sang baha khut khat lahik ralo. Tukvak tapa, tinh Soc Trang hu rilo sarak buh jien tame, pasiam, daong khik ramik, paglaong ngan haong yaom kaom sajarah ini. Baoh sang baha hu dak tame angan inem mek ilamo pakat tinh dalam thun 2008. Acar Dai duc Sơn Phước Lợi, dang khik baha Ô Chumaram Pkếk Chếk brei thau: “Karja palei, pakat ban sit saong pakat tinh sangka padang bilik pasak kreih sang baha. Tinh daong jien labaih 1 ty dong, dalam nan ye dahlak hulin jeng jak ba mikva dalam phum soc saong dom urang tui agama bhat atah jaik rik tame”.

Mai tal xa Vĩnh Quới dalam harei ini, kol dahlak hulin biak mboh takre ka bruk salih bahrau di sa bhum palei dahlau daih daok ralo kan kandah. Bahrau akaok thun ini, Vĩnh Quới hu mbaoh tangin brei angan palei pala ngak nong bahrau pakat glaong. Urak ini ha tang dalam palei hu buh tame ngak samu gauk, jalan mbak hu padang salah blaoh. Dom jalan hu pagam gom truac hadah, pala bingu phun iek gheih meta; sang bac, kadai y te, sang ilamo bhap bini hu pasiam praong laneing lanoi jang. Jien mek tame kuhria tui yaok urang hu 73 trieu dong/urang/thun.

Ong Lâm Ở, sa urang rahra daok di xa Vĩnh Quới brei thau, raidiuk kinh te-xa hoi di Vĩnh Quới urak ini hu salih bahrau, dalam nan majam bine kriya kraong ribaong, kadai nyuk ia daong ka xa ngak nong yau Vĩnh Quới brei ka pala drak hu siam lagaih glaong.

“Urak ini bruk pala padai hu kein lagaih biak rilo, kayua Vĩnh Quới urak ini hu ar bineik pacang kandauk, hu kadai nyuk ia, padai pablei hu yaom, pablei tabiak jeng mbuan, pajaih jeng siam glaong. Urak ini pala padai rilo meng jamraik nan rahra oh daok glaih glar yau meng kal dahlau”.

Châu Thành ieu lac sa huyen hu rilo urang bangsa takik daok rai. Dalam tukvak tapa, Châu Thành tuk halei jeng caik dahlau ka bruk sangka buh jien tame co so vat chat, sang bac, tapa di nan brei kein lagaih, ngak siam ka bruk pato saong bac megru ka gru pato saong anek saih, daong tuk halei jeng paglaong bruk bac megru di bhum palei. Urak ini huyen hu 37/37 sang bac mek hu tanut pakat negar, dalam nan hu 6 baoh sang bac mek hu tanut pakat negar di pakat 2.

Ieu lac sa baoh huyen hu angan kein lagaih ka bruk ngak nong, hu rilo bruk ngak mbang pala drak hu padang ngak, yau ye pala tamun ia, pala baoh medan, pala njam patam dalam sang hanyuel,… dom bruk raong glang dalam var ro tui ilamo kong nghe …, daong patagok yaom kaom tui kuhria rah tapa di 01 ha taneh ngak nong hu tagok 125 trieu dong thun 2023; jien mek tame kuhria tui yaok urang mek hu jaik 61 trieu dong.

Ong Nguyễn Văn Mỹ, Phaok akaok UB Bhap bini huyen Châu Thành, brei thau, hadei di rilo thun kham merat, Châu Thành hu brei angan huyen mek hu tanut palei pala bahrau, urak ini, raidiuk di rahra dalam nan hu urang bangsa Khmer oh padeih salih bahrau, dalam nan mboh lac, dom baoh sang kathaot saong jaik kathaot trun daok 3%.

“Huyen hu pataom tame bruk jak ba dom gah rik daong, hu daong padang jalan mbak, gom truac hadah, balai saong sang bac, daong mikva hu pandar pajaih, pandap ngak bruk, ngak dom bruk ngak mbang, blaoh daong ka mikva dom sarak patrun kathaot, hu paglaong siam lagaih hu rik tame praong ka mikva kham merat uak drei tagok patruh kathaot, jeng lac sa dalam bruk siam mekre di huyen”.

 Bruk gam saong hatai kham merat di karja palei saong hatai uak drei tagok di rahra, mbaok meta tinh Soc Trang, abih di nyu nan lac bhum urang bangsa Khmer daok dak harei dak salih drei, pagam haong bruk salih bahrau di palei pala, taneh ia urak ini./.