Thun bac ini, gru pato, amaik ame saong anek saih di dom pakat anek sit mam non, pakat 1 di labik xa Thành Hải, ban Phan Rang – Tháp Chàm, tinh Ninh Thuan biak bui sambai tuk xa hu buh jien tame padang bahrau 20 bilik bac, 6 bilik chuc nang saong labik hiệu bộ, ngan haong jien buh tabiak 33 ty dong, tapa nan 3 sang bac lac Sang bac pakat sa Tieu hoc Thành Hải 1, Sang bac pakat sa Thành Hải 2 saong Sang bac Mam non Thành Hải jeng mek hu tanut chuan ka co so vat chat tanut 2.

Di Sang bac pakat sa Tieu hoc Thành hải 2, langiu di bruk bhian salih bahrau bruk pato bac saong pasang iek taong yaom tui jalan patagok prein bac di anek saih, dom thun tapa, bruk pato akhar huroh Cam ka anek kamuan Cam tuk halei jeng hu sang bac sangka saong bhian khik tani tanat. Nai gru Ngụy Như Huyền Trân ndom meyai lac: “Dalam bruk pato ye dom adei anek saih bac naih joi ye dahlak hulin khang hatai pandar ilamo kong nghe khau tin, pandar rilo thaik thaot daong ka anek saih mbuan thau akhar huroh jang. Langiu di nan, dahlak hulin jeng pandar rilo kadha me-in, pandar dom thaik thaot yau puac angan dom ndap nda. Blaoh brei ka dom adei khan gilac dom ndap nda, dom adei mbuan hadar akhar huroh. Ngak yau nan, dom adei chreih chrai bac akhar huroh Cam jang”.

Tapa 3 thun padang palei pala ngak nong bahrau ngak mbaok, xa Thành Hải hu jak ba jaik 84 ty dong piah ngak 11 asal kadha di danak dak. Tal puac thun 2024, jien mek tame kuhria tui yaok urang hu 66 trieu dong/urang/thun; dom baoh sang kathaot rilo gah tok daok 1,65%. Dom urang hu pandar bao hiem y te hu labaih 98%. Ong Thành Ngọc Sinh, palei Tabeng, xa Thành Hải, ban Phan Rang ndom meyai lac: “Karja buh jien tame biak praong laneing lanoi ka jalan, sang bac, balai mek hu ginup. Ngan haong pato megru anek saih di ini nao bac 100%. Gah Y te jeng sangka, abih di nyu nan lac di palei Cam Tabeng daok di ban Phan Rang – Tháp Chàm mek hu tanut chuan palei pala bahrau, dahlak hulin jeng mboh hadah mbaok hadah meta. Raidiuk urang bangsa Cam palei Tabeng ye jalan mbak hu pala phun hacih sa-at, hu rilo gom truac hadah, jalan hu pala rilo phun bangu nan dahlak hulin mboh biak hadah mbaok”.

Di tuk khan brei thau saong brei Harak paangan xa Thành Hải mek hu tanut chuan palei ngak nong bahrau ngak mbok gah Pato megru – Y te thun 2024, Ong Nguyễn Long Biên, Phaok Akaik UB Bhap bini tinh pandar Ndang bo, karja xa Thành Hải daok khan, paglaong ilamo piah rahra chreih chrai hu mbaok tame padang palei ngak nong bahrau, pataom tame jak ba, pagam dom gah rik daong, jak ba grauk urang jum tangin, daong prein padang palei ngak nong bahrau; gam haong di nan patui jhul khang ngak gilac bruk ngak nong, padang palei ngak nong bahrau pagam haong tagok ban praong, paglaong raidiuk daok dang me-in di rahra.

“Piah patui ngak siam lagaih bruk padang “gah ngak nong siam lagaih, urang ngak nong ginup meda, palei pala hu ilamo, salih bahrau”, dahlak hulin likau urang dang akaok ban Phan Rang – Tháp Chàm, urang dang akaok xa Thành Hải brei patui veik sangka ka bruk dui ba, pato tacei, caik dahlau bruk ramik jien padai urang menuas, ba tame pandar pahadah krah cơ chế, ba sarak tame kein lagaih di bhum palei piah ngak dom danak dak hu siam lagaih; patui veik jhul khang bruk pathau khan, jak ba, paglaong ilamo piah rahra chreih chrai hu mbaok tame dalam bruk padang palei ngak nong bahrau”.

Tui hatai sahneng “padang palei ngak nong bahrau tok hu bruk peih ngak – oh hu bruk tamat”, dom jak jeng dalam padang palei pala bahrau lac la bruk daong prein piah Ndang bo, karja saong rahra ban Phan Rang – Tháp Chàm saong xa Thành Hải patui veik uak drei tagok tal dom jalan ngak bahrau glaong jang – atah jang saong metuah jang, padang Thành Hải jeng sa bhum palei sron mbok saong njauk piah daok./.