Rilo dam dara ngak kaya meda pak di bhum palei drei 

Dom thun tapa, baoh sang sit di sa-ai Cơ Liêng Rolan daok di palei B’Ner C, ban sit Lạc Dương, t.Lâm Đồng, hu jeng labik mai tal di dom kapul nyaom tuai damuai dalam saong langiu negar. Urang mai tal piah duah thau ka ilamo di bhap bani Cơ ho saong menyum cà phê daneiy angan Lang Biang - “K’ho Coffee”.

Meng sit Rolan haong amaik ame, adei sa-ai dalam sang nao mong iek, paik baoh cà phê, nan ye thau cambaih dom glaih glar di urang nong pala cà phê tui ilamu meng kan min jien mek tame biak biar. Meng hatai saneng padang angan je biak karei di urang Cơ ho, meng dom asal cà phê palei drei, daong ka mikva dalam palei duah hu jien rilo saong tani tanat jang, Rolan padang hu angan je  K’ho Coffee.

Kuhria meng tuk tabiak rai di thun 2018, tal ini, K’ho Coffee hu 7 cửa hàng di dom ban yau: Đà Lạt, Nha Trang, Tuy Hòa (t.Phú Yên), Hội An (t.Quảng Nam), Đồng Hới (t.Quảng Bình), TP. Hồ Chí Minh.

Jeng peih bruk ngak mbang meng asal cà phê, sa-ai Y Pốt Niê, daok di xã Dray Sáp, huyện Krông Ana (Đắk Lắk) hu ba “Ê Đê Café” yaih khan tabiak dunya saong duah hu labik dang angaok darak pasar dunya.

Samar hu hatai takre ngak cà phê meng sit mai, saong hatai caong khin paglaong yaom asal cà phê meng pren yava, meng palak tangin di mikva dalam palei ngak tabiak, Y Pốt khang hatai padang mbang ngui haong cà phê tapung hana xay tui jalan ngak di urang Ê Đê.

Piah hu ginup asar caphe piah ngak, Y Pốt jak ba mikva dalam palei salih jalan pala caphe hacih sa-at. Rilo mikva dalam palei njauk hatai pambuak bruk haong Y Pốt piah salih tapa pala cà phê tui jalan  hữu cơ. 

Y Pốt brei padang Công ty TNHH Ê Đê Café saong nao tal Cục Sở hữu trí tuệ di Hà Nội tut angan độc quyền angan je pablei salih  janih pandap panda kaya nong hacih sa-at tauk angan “Ê Đê Café”. Meng 1ha cà phê di sang drei, urak ini Y Pốt hu pambuak gauk haong mikva dalam palei peih prong labik pala labaih 25ha cà phê robusta saong labaih 10ha cà phê Arabica di tỉnh Lâm Đồng.  

Lô cà phê akaok mereip hu pablei tapa Malaysia saong rilo labik blei karei pak di Nhật Bản, dom negar Trung Đông jeng duah mai taom gaok saong  pambuak bruk ngak mbang. Urak ini angan je “Ê Đê Café” hu labik dang angaok darak pasar dunya.

Langiu di nan, daok hu rilo kareih camin dam dara bangsa takik di Tây Nguyên khin saneng, khin ngak, hu jeng dom kareih camin hadah krah, pambak tabiak hatai caong khin ngak kaya meda, hatai saneng padang mbang angui dalam bhap bani.

Bruk ngak nong lac pren khang angaok bhum taneh bhong bazan. Rilo dam dara urang bangsa takik di Tây Nguyên, hu ngak brei medeih tagok pren khang hu blaoh saong padang mbang angui jak jeng angaok mblang taneh palei drei./.

Urang lang: Jasi -13/3