Urang lin hu dut iek dahlau di tuk tagok radaih 

Dalam mbang pilih ruah urang lin ini, urang dam angan Nguyễn Trung Sơn (umo 24 thun, daok di  tổ dân phố 8, ban sit Quảng Phú, huyện Cư M’gar, tỉnh Đắk Lắk) hu ngak likau nao ngak lin. Sơn khan lac: adei dok peih radaih ka sa labik ngak pandap di huyện song yaom jien bilan tani tanat  7 triệu đồng yaok bilan. Min, hatai cong khin ngak bruk di sa rahra brei ka taneh ia, ka palei negar, adei brei padeih veik bruk ngak mbang duah jien piah nao ngak lin.

“Adei biak hadah mbaok meta tuk hu palih ruah brei nao ngak lin. Adei kham merat ngak siam dom bruk di urang ranaih umo. Adei thau tuk tame bol bala, adat biak catang, biak kan kandah, min adei kham merat pasram biak siam, piah pabak hatai cong khin di urang brei ka adei ”.

Tuk ngak harak likau tame ngak lin, urang dam angan  Trương Thái Hoàng (umo 25 thun) dok lac urang jakar  đoàn phường Ea Tam, ban  Buôn Ma Thuột. Hoàng bac tamat gah  Kinh tế - Sang bac  Đại học Tây Nguyên, song lac sa urang  đảng ranaih umo.  Adei likau tagok jalan nao khik caga taneh ia, tui jalan di ame– sa urang lin padeih hưu.

“Lac sa urang dam ranaih umo bac tamat  đại học ye brei hu hatai caong song brei hu bruk ngak ka taneh ia, ka palei negar lac brei halan hatian tagok  jalan nao ngak lin. Dalam tuk ngak lin brei ngak siam tui kỷ luật, tui labik daok dalam bol bala, piah ngak siam bruk hu jao brei, ngak salah bruk  avar piah tabiak  xã hội jeng sa rahra siam jang”.

Thun  2022, tỉnh Đắk Lắk hu brei bruk palih ruah  2.977 rahra nao ngak lin. Tui  Đại tá Lê Văn Hùng, Phó Chỉ huy trưởng gam ngak Tham mưu trưởng Bộ Chỉ huy Quân sự tỉnh Đắk Lắk: Thun ni, yaom lac jit ruak  covid-19 rah tabiak kan kandah, min dom puk palei dalam tỉnh hu ngak siam bruk palih ruah, ieu rahra tame ngak lin, hu ginup abih tui bruk ba tabiak. Dom dam dara nao ngak lin jeng pabak hu ginup bruk chính trị, umo thun, pren yava, ilamu bac da-a. Dalam nan hu  60 urang bac tamat đại học - cao đẳng; 4 urang  đảng, dok veik jeng lac urang đoàn , dam dara lac urang bangsa takik meblah labaih 50%.

“Hội đồng quân sự di tỉnh hu tacei pato dom puk palei patagok bruk ngak di dom kapul nyaom chính trị xã hội, pakat uỷ karja puk palei dom pakat peih bruk pathau khan, brei thau ka hukum nghĩa vụ quân sự saong dom harak tacei pato di Mintri, di Quân khu, di Hội đồng nghĩa vụ quân sự pakat  tỉnh tal tong abih dom rahra dalam umo nao lin. Gam haong nan, kol hulin brei thau cambaih laih bruk  brei padeih nao ngak lin ngan song dom urang dalam  sarak hu brei padeih nao ngak lin. Meng nan bo bhap bini, dom urang dalam umo halan hatain nao ngak lin, peih bruk  palih ruah brei ka urang nao ngak lin”.

Urak ni, tong abih dom dam dara nao ngak lin mbang ni  di Đắk Lắk hu klauk bloh vắc xin pacang  covid-19 mbang 2 song hu dom urang hu klauk blaoh mbang klauk ka  3. Bruk jao song taduan  lin thun ni , hu peih ngak tui 3 jalan  lagaih saong  4 pakat di jit ruak. Tui bruk batabiak , mesup harei paguh 16/2, dom puk palei dalam tỉnh Đắk Lắk peih bruk ba dom dam dara tagok jalan nao ngak lin, khik kajap siam mekre salamat song njauk lac sa harei roya di dam dara dom bangsa tỉnh Đắk Lắk./.

Urang lang: Hanipha- 15/2